22-Jun-2026

ବରପାଲି,(ସୁଦାମ ଦୀପ)ବରଗଡ଼ ଜିଲ୍ଲା ବରପାଲି ବ୍ଲକ ସତଲମା ଗ୍ରାମ ପଞ୍ଚାୟତ ଅନ୍ତର୍ଗତ ରେଶମ ପ୍ରଶାଖା କେନାଲର ଅପର ପାଶ୍ୱର୍ରେ ଥିବା କେନାଲ ବ୍ରିଜ ତଲେ ମୃତ ମହିଳା ମମତା ହୋତା (ବୟସ ୫୭), ସ୍ୱାମୀ ଫକିର ମୋହନ ହୋତା, ସାହାଜ ବାହାଳ, ପୋଲିସ ଷ୍ଟେସନ ଦେଓଗାଁ, ବଲାଙ୍ଗିର ଜିଲ୍ଲା । ପରେ ମୃତ ଦେହ କୁ ପୋଷ୍ଟ ବଟମ ପାଇଁ ବରଗଡ଼ ପଠାଯାଇଥିଲା । ମୃତ ମହିଲା ବେକ ଏବଂ ମୁଣ୍ଡରେ କ୍ଷତ ଚିହ୍ନ ମଧ୍ୟ ଦେଖିବାକୁ ମିଳିଛି । ପୋଷ୍ଟବଟମ ରିପୋଟ ଅନୁଯାଇ ତାଙ୍କ ମୁଣ୍ଡରେ ଗଭୀର କ୍ଷତ ହୋଇଛି । ସ୍ଥାନୀୟ ଲୋକେ କେନାଲ ଘାଟ ନିକଟରେ ମହିଳାଙ୍କ ମୃତଦେହ ପଡ଼ିଥିବା ଦେଖି ବରପାଲି ପୋଲିସ କୁ ଖବର ଦେଇଥିଲେ । ମୃତ ଦେହ ପୋଲିସ ଦ୍ୱାରା ଉଦ୍ଧାର ଏବଂ କେସ୍ ନଂ ୨୫୫/୨୬ ରୁଜୁ କରାଯାଇଛି । ସୂଚନା ଅନୁସାରେ ଘଟଣା ସ୍ଥଳରେ ବରଗଡ଼ ଜିଲ୍ଲା ଅଧିକ୍ଷକ ରବୀନ୍ଦ୍ର ନାଥ ଶତପଥି, ଅତିରିକ୍ତ ଆରକ୍ଷୀ ଅଧିକ୍ଷକ ପଦାରବିନ୍ଦ ତ୍ରିପାଠୀ, ବରପାଲି ଆଇଆଇସି ପ୍ରମୋଦ କୁମାର ସାହୁ ଯାଇ ଘଟଣା ର ତଦନ୍ତ କରୁଛନ୍ତି । ପରେ ସାଇଣ୍ଟିଫିକ ଟିମ୍ ଏବଂ ଡଗ ସ୍କ୍ୱାର୍ଡ ମଧ୍ୟ ଆସି ତଦନ୍ତ କରିଥିଲେ । ସୂଚନା ମିଳିଛି ତାଙ୍କ ଆର୍ଥିକ ସ୍ଥିତି ଠିକ୍ ନଥିଲା ଏବଂ କେମିତି ବଲାଙ୍ଗିରରୁ ଏହି ଠି ଆସିଲେ ତାହା ଏବେ ପର୍ଯ୍ୟନ୍ତ ଜଣାପଡିନାହିଁ । ସୂଚନା ପାଇ ତାଙ୍କ ପୁଅ ଶବ ଚିହ୍ନଟ କରିଛନ୍ତି । ଏବେ ପୋଲିସ ଘଟଣାର ଅନୁସନ୍ଧାନ କରୁଛି ।