05-Apr-2026

କେନ୍ଦୁଝର (ପ୍ରେରଣା ଖବର):  ଷ୍ଟେଟ ୟୁନିୟନ ଅଫ ଜର୍ଣ୍ଣାଲିଷ୍ଟ ର ରାଜ୍ୟ କାର୍ଯ୍ୟକାରିଣୀ ବୈଠକ କେନ୍ଦୁଝର ଜିଲ୍ଲା ଆନନ୍ଦ ପୁର ସ୍ଥିତ ଆଚିଲସ୍ ହୋଟେଲ ଠାରେ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବରେ କେନ୍ଦୁଝର ବିଧାୟକ ବଦ୍ରି ନାରାୟଣ ପାତ୍ର ଯୋଗ ଦେଇ ସାମ୍ବାଦିକ ଏକତା ଉପରେ ନିଜର ବକ୍ତବ୍ୟ ପ୍ରଦାନ କରିଥିଲେ। ଆପଣ ଚାହିଁଲେ ସରକାର କୁ ମଧ୍ୟ କାଠଗଡ଼ାକୁ ଟାଣି ପାରିବେ, ତେଣୁ ନିର୍ଭୀକ ଭାବରେ 

ଜଣେ ସାମ୍ବାଦିକ ନିଜର ପକ୍ଷ ରଖିବା ଉଚିତ ବୋଲି କହିଥିଲେ।ସମ୍ମାନିତ ଅତିଥି ଭାବରେ ଘସିପୁରା ବିଧାୟକ ଅଭିମନ୍ୟୁ ସେଠୀ ଯୋଗ ଦେଇ ନିଜ ବକ୍ତବ୍ୟରେ କାହା ଚାପରେ ଚେପା ନହୋଇ ସାମ୍ବାଦିକ ମାନେ ନିରପେକ୍ଷ ହୋଇ କାମ କଲେ ଗଣତନ୍ତ୍ର ସୁଦୃଢ଼ ହୋଇପାରିବ ବୋଲି କହିଥିଲେ।ସାମ୍ବାଦିକ ମାନଙ୍କ ଦାବିକୁ ନେଇ ମୁଁ ନିଶ୍ଚୟ ବିଧାନସଭାରେ ସ୍ୱର ଉତ୍ତୋଳନ କରିବି ବୋଲି ଶ୍ରୀ ସେଠି ପ୍ରତିଶୃତି ଦେଇଥିଲେ। ଆନନ୍ଦ ପୁର ଏସ.ଡି. ପି.ଓ  କମଳ କୁମାର ପଣ୍ଡା, ଆନନ୍ଦପୁର ଉପଜିଲ୍ଲାପାଳ ନୀଳମାଧଵ ସୁନା ଯୋଗ ଦେଇ ସାମ୍ବାଦିକ ମାନଙ୍କ ହକ୍ ଓ ସୁରକ୍ଷା ପାଇଁ ଲଢ଼େଇ କରିବାକୁ ପଡିବ ବୋଲି କହିଥିଲେ। 

ଏସ ଯୁଜେ ସାଧାରଣ ସମ୍ପାଦକ ପ୍ରଶାନ୍ତ ପାଢ଼ୀ ଏବଂ ଚିନ୍ତାମଣି ପାଢ଼ୀ ମଂଚାସୀନ ରହି ନିଜର ବକ୍ତବ୍ୟ ରଖିଥିଲେ। ଷ୍ଟେଟ ୟୁନିୟନ ଅଫ ଜର୍ଣ୍ଣାଲିଷ୍ଟ ର ରାଜ୍ୟ ସଭାପତି କୈଳାଶ ଚନ୍ଦ୍ର ନାୟକ ନିଜର ଉଦବୋଧନରେ ଗଣତନ୍ତ୍ର ବ୍ୟବସ୍ଥାକୁ ଆଗେଇ ନେବା ପାଇଁ ସାମ୍ବାଦିକ ମାନଙ୍କ ସର୍ବନିମ୍ନ ଆବଶ୍ୟକତା ପୂରଣ କରିବାର ଆବଶ୍ୟକତା ରହିଛି ବୋଲି କହିଥିଲେ। କାର୍ଯ୍ୟକ୍ରମକୁ ସୌମ୍ୟଶ୍ରୀ ସଂଯୋଜନା କରିଥିବା ବେଳେ ଆନନ୍ଦ ପୁର ପ୍ରେସ କ୍ଲବ ସଭାପତି ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ। ଏହି ସମାବେଶରେ ଓଡ଼ିଶାର ବିଭିନ୍ନ ଜିଲ୍ଲାର ଏସ ୟୁ ଜେ କର୍ମକର୍ତ୍ତା ଓ ସାମ୍ବାଦିକ ମାନେ ଯୋଗ ଦେଇଥିଲେ।