31-Mar-2026

ବଲାଙ୍ଗିର(ପ୍ରେରଣା ଖବର): ସ୍ଥାନୀୟ  ବଲାଙ୍ଗୀର ସରକାରୀ ମହିଳା ମହାବିଦ୍ୟାଳୟ ଠାରେ ମହିଳା କମିଶନ ଓଡିଶା ସରକାର ତରଫରୁ ବ୍ଲକସ୍ତରୀୟ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଅଛି । ସଚେତନତା ଶିବିରରେ ମୁଖ୍ୟ ଅତିଥି ଭାବରେ ମାନ୍ୟବର ମହିଳା କମିଶନ ଓଡିଶାର ସଦସ୍ୟା ଶ୍ରୀମତୀ ମୁକ୍ତା ସାହୁ  ଯୋଗ ଦେଇ ନାରୀ ମାନଙ୍କର ପାଇଁ ଉଦ୍ଦିଷ୍ଟ ସରକାରଙ୍କ ବିଭିନ୍ନ ଯୋଜନା ମାନଙ୍କ ଉପରେ ସବିଶେଷ ଆଲୋଚନା କରିଥିଲେ ଏବଂ ଓଡିଶାରେ ମହିଳା କମିଶନ ଦ୍ଵାରା କିପରି ମହିଳା ମାନେ ଲାଭ ପାଇପାରିବେ ତଥା ତାଙ୍କ ସମସ୍ୟାର ସମାଧାନ ହେବ ଏ ବିଷୟରେ ଆଲୋଚନା କରିଥିଲେ । ଶ୍ରୀମତୀ ସାହୁ POSH Act. , ବାଲ୍ୟ ବିବାହ ଓ ଘରୋଇ ହିଂସା ବିଷୟରେ ଆଲୋଚନା କରିଥିଲେ । ଅତିଥି ମାନଙ୍କ ମଧ୍ୟରେ ବଲାଙ୍ଗୀର ସାଂସଦଙ୍କ ପ୍ରତିନିଧି ଦିନେଶ ଶର୍ମା, ବଲାଙ୍ଗୀର ବିଧାୟକଙ୍କ ପ୍ରତିନିଧି ଶ୍ରୀମତୀ ଲିପକା ସାଏ, ପୂର୍ବତନ ବ୍ଲକ ଚେୟାରମେନ, ଆଗଲପୁର ଶ୍ରୀମତୀ ଭାରତୀ ମହାନନ୍ଦ, ଚୁଡାପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧୀକ୍ଷକ ତରୁଣ ଭୋଇ, ବଲାଙ୍ଗୀର ଵି ଡି.ଓ ହୃଷୀକେଶ ଗଣ୍ଡ, ମହିଳା ମହାବିଦ୍ୟାଳୟର ଅଧ୍ୟକ୍ଷ ଅରବିନ୍ଦ ଓଝା ମଂଚାସୀନ ଥିଲେ। ପ୍ରଶିକ୍ଷକ ଭାବରେ ଯୁଧିଷ୍ଠିର ମିଶ୍ର ଆଇନ ମହାବିଦ୍ୟାଳୟର ସହ ଅଧ୍ୟକ୍ଷ ଚଣ୍ଡୀ ପ୍ରସାଦ ଖମାରି  ଏବଂ ଡି.ଏଲ.ଏସ.ଏ ସଭ୍ୟ ଜୟରାମ ମିଶ୍ର ଯୋଗ ଦେଇ ଥିଲେ। ପ୍ରଶିକ୍ଷଣ ଶିବିରରେ ବଲାଙ୍ଗିର ବ୍ଲକର ଆଶା, ଅଙ୍ଗନବାଡି କର୍ମୀ , ଶିକ୍ଷୟିତ୍ରୀ ବୃନ୍ଦ, ଏସ ଏଚ ଜି ମା ମାନଙ୍କ ସମେତ ଏ.ଏନ.ଏମ  ଏବଂ କଲେଜ ଛାତ୍ରୀ ମାନେ ଯୋଗଦାନ କରିଥିଲେ ।ପରବର୍ତ୍ତୀ ପର୍ଯ୍ୟାୟରେ ସମସ୍ତ ଅତିଥି ବୃନ୍ଦ ଏ କାର୍ଯ୍ୟକ୍ରମ ସମ୍ପର୍କରେ ମତାମତ ରଖିଥିଲେ । ପରେ ପରେ ପ୍ରଶିକ୍ଷକ ଶ୍ରୀ ଖମାରି L.C.C /I. C. C ଗଠନ , ଘରୋଇ ହିଂସା POSH Act. ବିଷୟରେ ସବିଶେଷ ବିବରଣୀ ଦେଇଥିଲେ । ପ୍ରଶିକ୍ଷକ ଶ୍ରୀଯୁକ୍ତ ମିଶ୍ର ଡାହାଣୀ ସନ୍ଦେହ ଜନିତ ହତ୍ୟା ର ସରକାରୀ ପ୍ରାବଧାନ ବିଷୟରେ ବୁଝାଇଥିଲେ । ପି ଓ- କମ-ପି ଓ ସୁଜାତା ଦୋରା ଧନ୍ୟବାଦ ଅର୍ପଣ କରିଥିଲେ। ମଞ୍ଚ ପରିଚାଳନା କରିଥିଲେ। ଜିଲ୍ଲା କାର୍ଯ୍ୟକ୍ରମ ସଂଯୋଜିକା ଶିବାନୀ ଠାକୁର ।