28-Mar-2026

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ୨ଠ୨୬-୨୭ବର୍ଷ ପାଇଁ ନୂତନ କର୍ମକିର୍ତ୍ତା ନିର୍ବାଚନ ଓ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଆଜି ସ୍ଥାନୀୟ ସିଭିଲ କୋର୍ଟ ବାର୍ ହଲ୍ ଠାରେ ଅନୁଷ୍ଠିତ ନିର୍ବାଚନରେ ସଭାପତି ଭାବରେ ବାସୁଦେବ ରଥ ୨୭୪ ଖଣ୍ଡ ଭୋଟ ପାଇ ଦ୍ୱିତୀୟ ଥର ପାଇଁ ନିର୍ବାଚିତ ହୋଇଛି । ସେ ତାଙ୍କର ନିକଟତମ ପ୍ରତିଦ୍ୱନ୍ଦି ବାଳକୃଷ୍ଣ ଷଡଙ୍ଗୀଙ୍କୁ ୧୮୭ଖଣ୍ଡ ଭୋଟରେ ପରାସ୍ତ କରିଛନ୍ତି । ଉପସଭାପତି ଭାବରେ ଚିନ୍ମୟ ମିଶ୍ର ୨୮୬ଖଣ୍ଡ ଭୋଟ ପାଇ ବିଜୟଲାଭ କରିଛନ୍ତି । ସଂପାଦକ ଭାବରେ ଅଶିତ ଷଡଙ୍ଗୀ ୩ଠ୭ଟି ଭୋଟ ପାଇ ନିଜର ନିକଟତମ ପ୍ରତିଦ୍ୱନ୍ଦୀ ଅମ୍ବୁଜ କୁମାର ମହାନ୍ତିଙ୍କୁ ୧୯୪ ଟି ଭୋଟରେ ପରାସ୍ତ କରଛନ୍ତି । ସହ ସଂପାଦକ ଭାବରେ ସବିତାରାଣୀ ମିଶ୍ର ନିର୍ବାଚିତ ହୋଇଛନ୍ତି । ଠିକ ସେହିପରି ସଂଘର କୋଷାଧ୍ୟକ୍ଷ ଭାବରେ ଶିବଦତ୍ତ ଦ୍ୱିବେଦୀ ମନୋନୀତ ହୋଇଛନ୍ତି। କାର୍ଯ୍ୟକାରିଣୀ କମିଟିକୁ ପ୍ରମୋଦ କୁମାର ତ୍ରିପାଠୀ, ରବିନାରାୟଣ ବହିଦାର, ସତ୍ୟନାରାୟଣ ନାୟକ, ଉମାକାନ୍ତ ସାହୁ, ଆକାଶ କୁମାର ରାଉତ, ବୈଷ୍ଣବ ଚରଣ ସାହୁ, ଦିପ୍ତୀ ଶର୍ମା, ମଳୟ ରଂଜନ ଗଡତ୍ୟା,ସୁମିତ କୁମାର ଖୁଆସ୍ ଏବଂ ଭବାନୀ ଶଙ୍କର ଭୋଇ ମନୋନୀତ ହୋଇଛନ୍ତି । ନିର୍ବାଚନ ଅଧିକାରୀ ଭାବରେ ଶଶୀଭୂଷଣ ପୁରୋହିତ ଦାୟିତ୍ୱ ତୁଲାଇଥିବା ବେଲେ ଆଜିର ଭୋଦାନ ପ୍ରକ୍ରିୟାରେ ବ୍ରଜମୋହନ ମିଶ୍ର, ଜିତେନ୍ଦ୍ର ପୁରୋହିତ, ସୁଧାଂଶୁ ଦେଓ, ବିବେକାନନ୍ଦ ମିଶ୍ର ପ୍ରମୁଖ ସହଯୋଗ କରିଥିଲେ । ଆଜି ଭୋଟରେ ସଂଘର ୪୩୪ ଜଣ ସଭ୍ୟ ନିଜର ଭୋଟଦାନ ସାବ୍ୟସ୍ତ କରିଥିଲେ । ବିଜୟ ଘୋଷଣା ପରେ ନବ ନିର୍ବାଚିତ ସଭାପତି ଙ୍କ ସଂଘର ସଭ୍ୟ ମାନଙ୍କ ଦ୍ୱାରା ଫୁଳମାଳ ଦେଇ ସ୍ୱାଗତ କରାଯାଇଛି । ଜିଲ୍ଲା ଓକିଲ ସଂଘକୁ ସୁଦୃଢ଼ କରିବା ଏବଂ ବିଗତ ବର୍ଷର ଅନେକ ଅଧୁରା କାମ ସବୁକୁ ଶେଷ କରିବା ପାଇଁ ସମସ୍ତଙ୍କ ସହଯୋଗ ଆବଶ୍ୟକ । ଓକିଲ ମାନଙ୍କ ସ୍ୱାର୍ଥ ରକ୍ଷା ପାଇଁ କାମ କରିବା ସହ ଓକିଲ ମାନଙ୍କ  ନ୍ୟାର୍ଯ୍ୟ ଦାବି ସବୁ ପୂରଣ ଦିଗରେ ଆଗକୁ ଅନବରତ ଭାବରେ ଉଦ୍ୟମ ଜାରି ରହିବ ବୋଲି ନବନିର୍ବାଚିତ ସଭାପତି ବାସୁଦେବ ରଥ ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି ।