28-Mar-2026

ପାପଡାହାଣ୍ଡି: (ପ୍ରିୟଦର୍ଶିନୀ ପାତ୍ର)
ପାପଡାହାଣ୍ଡି ବ୍ଲକ ସେମଳା କ୍ଲଷ୍ଟର ଅନ୍ତର୍ଗତ ସରକାରୀ ପ୍ରାଥମିକ ବିଦ୍ୟାଳୟ ବୁଟିଆଗୁଡ଼ାରେ କ୍ଲଷ୍ଟର ସ୍ତରୀୟ ଶିକ୍ଷଣ ସାମଗ୍ରୀ (TLM) କର୍ମଶାଳା ଆୟୋଜିତ ହୋଇଥିଲା। ସିଆରସିସି ବାବୁଲାଲ ସାଗରଙ୍କ ଅଧ୍ୟକ୍ଷତାରେ ଏହି କର୍ମଶାଳା ସମ୍ପନ୍ନ ହୋଇଥିଲା।କର୍ମଶାଳାରେ ଶିକ୍ଷକ-ଶିକ୍ଷୟିତ୍ରୀମାନେ ବିଭିନ୍ନ ପ୍ରକାର ଶିକ୍ଷଣ ସାମଗ୍ରୀ ପ୍ରସ୍ତୁତ କରି ଏହାର ଶିକ୍ଷାଦାନରେ ବ୍ୟବହାର ବିଷୟରେ ଆଲୋଚନା କରିଥିଲେ। ଏହି ଅବସରରେ ସିଆରସିସି ବାବୁଲାଲ ସାଗର କହିଥିଲେ ଯେ “ଶିକ୍ଷଣ ସାମଗ୍ରୀ ହେଉଛି ଶିକ୍ଷାଦାନର ଆତ୍ମା।” ଶିକ୍ଷଣ ସାମଗ୍ରୀ ବ୍ୟବହାର କଲେ ପିଲାମାନେ ପାଠ୍ୟବସ୍ତୁକୁ ସହଜରେ ବୁଝିପାରନ୍ତି ଓ ଶିକ୍ଷା ପ୍ରତି ଆଗ୍ରହ ବଢ଼େ ବୋଲି ସେ ଉଲ୍ଲେଖ କରିଥିଲେ।ସେ କହିଥିଲେ ଯେ ପ୍ରତ୍ୟେକ ବିଦ୍ୟାଳୟରେ ଶିକ୍ଷଣ ସାମଗ୍ରୀ ପ୍ରସ୍ତୁତି ଓ ବ୍ୟବହାର ନିଶ୍ଚିତ କରାଯାଇଲେ ପିଲାମାନଙ୍କ ଶିକ୍ଷା ଅଧିକ ଆକର୍ଷଣୀୟ ଓ ଗୁଣବତ୍ତାମୟ ହେବ। କର୍ମଶାଳାରେ ଭାଷା, ଗଣିତ ଓ ପରିବେଶ ଶିକ୍ଷା ପାଇଁ ସହଜ ଓ ସ୍ୱଳ୍ପ ବ୍ୟୟରେ ତିଆରି ହୋଇପାରୁଥିବା ବିଭିନ୍ନ ଟି.ଏଲ.ଏମ. ପ୍ରଦର୍ଶିତ ହୋଇଥିଲା।କ୍ଲଷ୍ଟରର ସମସ୍ତ ବିଦ୍ୟାଳୟର ଶିକ୍ଷକ-ଶିକ୍ଷୟିତ୍ରୀମାନେ ଏହି କର୍ମଶାଳାରେ ଯୋଗଦେଇ ଶିକ୍ଷାଦାନକୁ ଅଧିକ ସୃଜନଶୀଳ ଓ ପ୍ରଭାବଶାଳୀ କରିବା ପାଇଁ ଅନୁଭବ ବିନିମୟ କରିଥିଲେ।ଶିକ୍ଷାର ଗୁଣବତ୍ତା ବୃଦ୍ଧି ଓ ଛାତ୍ରଛାତ୍ରୀଙ୍କୁ ଆନନ୍ଦମୟ ଶିକ୍ଷା ଦେବା ଉଦ୍ଦେଶ୍ୟରେ କ୍ଲଷ୍ଟର ସ୍ତରରେ ଟିଚିଂ ଲର୍ଣ୍ଣିଂ ମେଟେରିଆଲ୍ (TLM) କର୍ମଶାଳା ଆୟୋଜିତ ହୋଇଥିଲା।
 ଅବସରରେ ଶିକ୍ଷାବିଦ୍ ଓ କର୍ମକର୍ତ୍ତାମାନେ କହିଥିଲେ ଯେ, ଟି.ଏଲ.ଏମ. ବ୍ୟବହାର କରି ଶିକ୍ଷାଦାନ କଲେ ଛାତ୍ରଛାତ୍ରୀମାନେ ସହଜରେ ବୁଝିପାରନ୍ତି ଓ ପଢ଼ାରେ ଆଗ୍ରହ ବଢ଼େ। ସେହିପରି ପ୍ରତ୍ୟେକ ବିଦ୍ୟାଳୟରେ ଟି.ଏଲ.ଏମ. ପ୍ରସ୍ତୁତି ଓ ବ୍ୟବହାର ନିଶ୍ଚିତ କରିବା ପାଇଁ ସମସ୍ତ ଶିକ୍ଷକଙ୍କୁ ଉତ୍ସାହିତ କରାଯାଇଥିଲା।କର୍ମଶାଳାର ଶେଷରେ ସମସ୍ତେ ଏହି ସଂକଳ୍ପ ନେଇଥିଲେ ଯେ ପ୍ରତ୍ୟେକ ବିଦ୍ୟାଳୟରେ ଶିକ୍ଷଣ ସାମଗ୍ରୀର ବ୍ୟବହାର ବୃଦ୍ଧି କରି ଶିକ୍ଷାକୁ ଅଧିକ ଗୁଣବତ୍ତାମୟ କରାଯିବ।