27-Mar-2026

ବରୀ (ରଂଜିତ ମହାନ୍ତି )
ନାରୀମାନଙ୍କୁ ସୁରକ୍ଷା ଦେବା ପାଇଁ ଅନେକ ଆଇନ ରହିଛି। ମାତ୍ର ଆଇନକୁ ଆବଶ୍ୟକ ନଥିବା ସ୍ଥାନରେ ଅପବ୍ୟବହାର କରି ଅନ୍ୟକୁ କଷ୍ଟ ଦେବା ଠିକ୍ ନୁହେଁ। ସୁସ୍ଥ ସମାଜ ଗଠନରେ ମହିଳାଙ୍କ ଭୂମିକା ଗୁରୁତ୍ବପୂର୍ଣ । ନିଜ ସୁରକ୍ଷା ପାଇଁ ଥିବା ଆଇନ ବ୍ୟବସ୍ଥା ସଂପର୍କରେ ସଚେତନ ହେବା ଜରୁରି ବୋଲି ଗୁରୁବାର ବରୀ ବ୍ଲକ୍‌ସ୍ତରୀୟ ଆଇନ ସଚେତନତା ଶିବିରରର ମୁଖ୍ୟ ଅତିଥିଭାବେ ଯୋଗ ଦେଇ ରାଜ୍ୟ ମହିଳା କମିସନ ସଦସ୍ୟା କଳ୍ପନା ମଲ୍ଲିକ ପ୍ରକାଶ କରିଛନ୍ତି । ବରୀ ବ୍ଲକ୍‌ସ୍ଥିତ ଗୋପବନ୍ଧୁ ଚୌଧୁରୀ
ମହାବିଦ୍ୟାଳୟ ସମ୍ମିଳନୀ କକ୍ଷରେ ଆୟୋଜିତ ଏହି କର୍ମଶାଳାରେ ଅତିଥି ଭାବେ ଜିଲ୍ଲା ସମାଜ କଲ୍ୟାଣ ଅଧିକାରୀ ପାର୍ବତୀ ସାହୁ, ବିଡିଓ ଅସିତ କୁମାର ମହାନ୍ତି, ଥାନା ଅଧିକାରୀ ହେମଲତା ଦାସ, ଆଇନଜୀବୀ ଚିତ୍ତରଂଜନ ଓଝା ଆଲୋଚନାରେ ଭାଗନେଇଥିଲେ । ବରୀ ସିଡିପିଓ ତରଙ୍ଗିଣୀ ସାହୁଙ୍କ ତତ୍ତ୍ବାବଧାନରେ ଅଧ୍ୟାପିକା ସସ୍ମିତା ମଲ୍ଲିକ କାର୍ଯ୍ୟକ୍ରମ ସଂଚାଳନ କରିଥିଲେ । ଡାକ୍ତର ଶଶିକାନ୍ତ ସାହୁ, ବିପିଏଓ ପ୍ରଫୁଲ୍ଲ କୁମାର ନାୟକ ଉପସ୍ଥିତ ଥିଲେ। ଏଥିରେ ଶତାଧିକ ଅଙ୍ଗନବାଡ଼ି କର୍ମୀ, ଆଶା ଓ କଲେଜ ଛାତ୍ରୀ ଉପସ୍ଥିତ ଥିଲେ।