25-Mar-2026

ବଲାଙ୍ଗୀର(ପ୍ରେରଣା ଖବର): ଖପ୍ରାଖୋଲ ବ୍ଲକ୍ ଅନ୍ତର୍ଗତ ଡୁଡୁମଦର୍ହା ଗ୍ରାମ ଠାରେ ଆର ସି ଡି ସି ତରଫରୁ ପାରମ୍ପରିକ ଦେଶୀ ବିହନ,ଖାଦ୍ୟ ଓ ଜୈବ ବିଭିଦତା ମେଳା ୨୦୨୬ ଅନୁଷ୍ଟିତ ହୋଇଯାଇଛି।କାର୍ଯକ୍ରମ ଆରମ୍ଭରେ ଆର ସି ଡି ସି  ର ଖପ୍ରାଖୋଲ ବ୍ଲକ୍ ର ପ୍ରୋଗ୍ରାମ ଅଧିକାରୀ ଦେବରାଜ ଭୋଈ ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଦେଶୀ ବିହନ ସୁରକ୍ଷା,ସଂରକ୍ଷଣ ଓ ବ୍ୟବହାର ତଥା ଜନସଚେତନତା ଉପକାରିତା ସମ୍ପର୍କରେ ଅବଗତ କରିଥିଲେ।ଏହି  ଅବସରରେ ମୁଖ୍ୟ ଅତିଥିଭାବେ ଆର ସି ଡି ସି  ର କାର୍ଯକ୍ରମ ପରିଚାଳକ ଶମ୍ଭୁ ସାହୁ  ବର୍ତ୍ତମାନ ଚାଷରେ ସରକାରୀ ବ୍ୟବସ୍ଥା ଉପରେ ସମସ୍ତଙ୍କୁ ଜଣାଇଥିଲେ।ପ୍ରଗତି  ପଞ୍ଚାୟତ ଉଚ୍ଚ ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ଏ ଶେଖର ଦେବତା  ମୁଖ୍ୟ ବକ୍ତା ଭାବେ ଯୋଗଦେଇ ପାରମ୍ପରିକ ଚାଷ ଉପରେ ଆଲୋଚନାରେ କରିଥିଲେ। ପଲ୍ଲୀ ଆଲୋକ ପାଠାଗାର ର ପ୍ରକଲ୍ପ ସଂଯୋଜକ ହୀରାଲାଲ ମିଶ୍ର ବର୍ତ୍ତମାନ ର ଚାଷ ପଦ୍ଧତି ଓ ଜଳ ବାୟୁ ପରିବର୍ତ୍ତନ ଉପରେ ପ୍ରକାଶ କରିଥିଲେ।ଉକ୍ତ କାର୍ଯକ୍ରମରେ ଅନ୍ୟତମ ଅତିଥିଭାବେ ପରିବେଶ ବିତ୍ ସୁଦର୍ଶନ ସାହୁ ,ଜିଲ୍ଲା ଜଙ୍ଗଲ  ସୁରକ୍ଷା ଓ ପରିଚାଳନା ଫୋରମ୍ ର ଆବାହକ କୁଳମଣି ସାହୁ ଦେଶୀ ବିହନ ବନାମ କମ୍ପାନୀ ବିହନ ଉପରେ ମତାମତ ଦେଇଥିଲେ,ଆମ ଚାଷ ବ୍ୟବସ୍ଥାରେ କ୍ଷୁଦ୍ର ଦାନା ଶସ୍ୟ ର ଭୂମିକା ଉପରେ ପ୍ରକାଶ କରିଥିଲେ।ଗନ୍ଧମାର୍ଦ୍ଦନ ଏକସନ କମିଟି ର ଟେକେନ୍ଦ୍ର ଜାଲ ,ବନ ବିଭାଗର ସ୍ୱପ୍ନ ସାଗର ପରିଡ଼ା,ଶ୍ରୀ ଅନ୍ନ ଅଭିଯାନ ର ବ୍ଲକ୍ ସଂଜୋଜକ ଉମେଶ ଗୁପ୍ତା, ସମନ୍ୱିତ   ଶିଶୁ ପ୍ରକଳ୍ପ ର ସୁପରଭାଇଜର୍ କୁନ୍ତଳା କୁମ୍ଭାର,ତେଲେନପାଳି ଗ୍ରାମ ପଞ୍ଚାୟତ ର ସରପଞ୍ଚ ଶକୁନ୍ତଳା

ବେହେରା , ନାନ୍ଦୂପଲା ଗ୍ରାମ ପଞ୍ଚାୟତ ର ସରପଞ୍ଚ ନିଲେନ୍ଦ୍ରି ପୂଝାରୀ ପ୍ରମୁଖ ଉପସ୍ଥିତ ରହି ଦେଶୀ ବିହନ ସୁରକ୍ଷା,ସଂରକ୍ଷଣ ଓ ବ୍ୟବହାର  ସମ୍ପର୍କରେ ମତାମତ ପ୍ରଦାନ କରିଥିଲେ।ଏହି କାର୍ଯକ୍ରମରେ ସ୍ୱୟଂ ସହାୟକ ଗୋଷ୍ଠୀ, ଠୁଟା କୃଷକ ଉତ୍ପାଦକ କମ୍ପାନୀ ର ଶତାଧିକ କର୍ମଚାରୀ ଉପସ୍ଥିତ ଥିଲେ।ଏହି କାର୍ଯକ୍ରମରେ ବୈକୁଣ୍ଠ ବାଗ,ନାରାୟଣ ସାହୁ,ପ୍ରଭୂଲାଲ ସରାଫ,ବୈଦ୍ୟ ବ୍ରହ୍ମା ନାଏକ,ନୀଳମଣି କଠାର,ଖଗେଶ୍ୱର ପାତ୍ର,ସରସ୍ୱତୀ ପ୍ରଧାନ ସହାୟୋଗ କରିଥିଲେ।ପରିଶେଷରେ ମମତାଞ୍ଜଳି ମିଶ୍ର ଧନ୍ୟବାଦ୍ ଅର୍ପଣ କରିଥିଲେ।