22-Mar-2026

ସୋନପୁର (ମନୋରଞ୍ଜନ ତ୍ରିପାଠୀ )
 ପ୍ରଜାପିତା ବ୍ରହ୍ମାକୁମାରୀ  ଈଶ୍ୱରୀୟ ବିଶ୍ୱ ବିଦ୍ୟାଳୟ ସୋନପୁର ଶାଖା ପକ୍ଷରୁ ଅନୁଷ୍ଟିତ ଆଲୋଚନା ଚକ୍ର "ସ୍ଵ ପରିବର୍ତ୍ତନ ରୁ ବିଶ୍ୱ ପରିବର୍ତ୍ତନ" କାର୍ଯ୍ଯ କ୍ରମ ମହା ସମାରୋହ ରେ ପାଳିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ ଯୋଗ ଦେଇ ମଣିଷ ର ବେଶ ପୋଷାକ ଚେହେରା ଆମ ପରିଚୟ ନୁହେଁ, ଆମ ଭିତରେ ଯିଏ ବସିଛି ଆମକୁ ନିୟନ୍ତ୍ରଣ କରୁଛି ସିଏ ହେଉଛି ଆତ୍ମା,ଆଉ ସେଟା ହେଉଛି ଆମ ପ୍ରକୃତ ପରିଚୟ ବୋଲି କହିଥିଲେ l କିନ୍ତୁ ଜୀବନ ର ସବୁଠୁ କଷ୍ଟ ହେଉଛି ଆତ୍ମା କୁ ଚିହ୍ନିବା ଜାଣିବା, ତେଣୁ ତାକୁ ଚିହ୍ନିବାକୁ ଆଉ ଚେଷ୍ଟା କରନ୍ତୁ ନାହିଁ କାରଣ ଏଇ ଅନୁଷ୍ଠାନ କୌଣସି ଧାର୍ମିକ ଅନୁଷ୍ଠାନ ନୁହେଁ, ଏ ଅନୁଷ୍ଠାନ ର ଧର୍ମ ହେଉଛି ମାନବ ଧର୍ମ , ମଣିଷ କୁ ମଣିଷ ବୋଲି ଚିହ୍ନିବା ଏହାର କାମ ବୋଲି କହିଥିଲେ l ଏହା ହେଉଛି ଆତ୍ମିକ ଅନୁଷ୍ଠାନ ଯିଏକି ଆତ୍ମା ସହିତ ପରମାତ୍ମା ସହିତ ସମ୍ପର୍କ ରଖେ ବୋଲି କହିଥିଲେ l ମଣିଷ ମରିବାଟା ସୁନିଶ୍ଚିତ ତ ଗର୍ବ ଅହଙ୍କାର ଦେଖାଇବା ଅନୁଚିତ , ମଣିଷ କୁ ସ୍ନେହ ଆଦର କଲେ ଭଲ ପାଇଲେ ନିଜ ଘର କୁ ବି ମନ୍ଦିର କରି ପାରିବା ବୋଲି କହିଥିଲେ l *କାହାକୁ ଆମେ ନିନ୍ଦା କରିବା ନାହିଁ, ଘୃଣା କରିବା ନାହିଁ, ଗାଳି କରିବା ନାହିଁ ବେଶ ଏତିକି ହେଲେ ପରିବର୍ତ୍ତନ ନିଶ୍ଚିତ ବୋଲି କହିଥିଲେ* l ସେ ରାଜନୀତି ହେଉ କି ପ୍ରଶାସନିକ ହେଉ ପ୍ରକୃତ ରେ ଯିଏ ଯେଉଁ ଜାଗାରେ ରହିବା ବସିବା ଉଚିତ୍ ତାହା ଯଦି ନିୟନ୍ତ୍ରଣ ହୋଇ ପାରିବ ତ ସମାଜ ପରିବର୍ତ୍ତନ ନିଶ୍ଚିତ ବୋଲି କହିଥିଲେ l ଅନ୍ୟ କୁ ଭଲ ପାଇବା ନିଜର ଭାବିବା ସ୍ନେହ ଶ୍ରଦ୍ଧା କରିବା ହେଉଛି ସ୍ୱର୍ଗ  ଓ  ଅନ୍ଯ କୁ ପୀଡ଼ା ଦେବା ଘୃଣା କରିବା ଦୁଃଖ ଦେବା ତାହା ହେଉଛି ନର୍କ ବୋଲି କହି ଶାନ୍ତି ଖୁସି ସ୍ୱର୍ଗ ଖୋଜିବା କୁ ପଡ଼େନି କି ଭଗବାନ ଦେବେନି, ଏ ସବୁ ମାଧ୍ୟମ ରେ ଆମେ ଶାନ୍ତି ଖୁସି ପାଇ ପରିବା ଗୋଟେ ଶାନ୍ତି ଜୀବନ ଜୀଇଁ ପାରିବା,  ନିଜ ଠୁଁ ବିଶ୍ଵ ପରିବର୍ତ୍ତନ କରି ପାରିବା ବୋଲି ଜିଲ୍ଲାପାଳ ଡ଼ ସାହୁ କହିଥିଲେ l  ମୁଖ୍ୟ ବକ୍ତା ଭାବେ ରାଜ ଯୋଗିନୀ ବ୍ରହ୍ମା କୁମାରୀ ପାର୍ବତୀ ଭଉଣୀ ଯୋଗ ଦେଇ "ଦୃଷ୍ଟି ପରିବର୍ତ୍ତନ ହେଲେ ସୃଷ୍ଟି ପରିବର୍ତ୍ତନ" ବୋଲି କହି  ନିଜେ ନିଜ କୁ ଚିହ୍ନିବା ସମୀକ୍ଷା କରିବା ହିଁ ପରିବର୍ତ୍ତନ ବୋଲି କହିଥିଲେ l ପଶ୍ଚିମ ଓଡ଼ିଶା ସମ୍ବଲପୁର ମୁଖ୍ୟାଳୟ ଡାଇରେକ୍ଟର ବି କେ ବିନି ଦିଦି, ସୋନପୁର ସେଣ୍ଟର ଇନ୍ ଚାର୍ଜ ବି କେ ଜୟଶ୍ରୀ, ସୁନ୍ଦରଗଡ଼ ମା ମାହେଶ୍ୱରୀ ନର୍ସିଂ କଲେଜ ଡାଇରେକ୍ଟର ଅମିର ଭାଈ, ସମ୍ବଲପୁର  ବି କେ ଆରତୀ ଦିଦି,  ସଭାରେ ମଞ୍ଚାସିନ ଥିଲେ l ଅନୁଷ୍ଠାନ ର ବି କେ ଜ୍ୟୋତି, ବି କେ ମଞ୍ଜୁ, ବି କେ ଶିବାନୀ, ଧୃବ , ବି କେ ଶ୍ୟାମ ସୁନ୍ଦର, ବି କେ ଭୀମ, ବି କେ ଶିବୁ ଭାଈ ଙ୍କ ସମେତ ସୋନପୁର ସେବା କେନ୍ଦ୍ରର ସମସ୍ତ ସଦସ୍ୟ ସହଯୋଗ କରିଥିଲେ l ସରକାରୀ ନର୍ସିଂ ସ୍କୁଲ୍ ଛାତ୍ରୀ ଙ୍କ ଦ୍ଵାରା ପରିବେଷିତ ମା ସମଲେଇ ଭଜନ ଖୁବ୍ ଚିତା କର୍ଷକ ହୋଇଥିଲା l ଏହି କାର୍ଯ୍ଯ କ୍ରମ ରେ ଅନୁଷ୍ଠାନ ର ସଦସ୍ୟ, ସହର ର ବୁଦ୍ଧିଜୀବି, ହଜାର ସଂଖ୍ୟାରେ ଉପସ୍ଥିତ ଥିଲେ l ଶେଷରେ ଜଗନ୍ନାଥ ଦାଶ ଧନ୍ଯବାଦ ଅର୍ପଣ କରିଥିଲେ l