22-Mar-2026

ନୂଆପଡ଼ା (ରାମନାଥ ପଣ୍ଡା )
ଭଗବାନ୍ ଶ୍ରୀ ସତ୍ୟସାଇ ବାବାଙ୍କ ଅପାର କରୁଣାରେ ଶ୍ରୀ ସତ୍ୟସାଇ ସେବା ସଂଗଠନ, ନୂଆପଡାର ଜିଲ୍ଲା ସମ୍ମିଳନୀ  ବୁଢ଼ୀ ପଦର ସମିତି ପ୍ରାଙ୍ଗଣରେ ମହା ସମାରୋହ ଆନନ୍ଦ ଉଲ୍ଲାସର ସହିତ ସମାପନ ହୋଇ ଯାଇଛି । ଉକ୍ତ କାର୍ଯ୍ୟକ୍ରମରେ ଜିଲ୍ଲାର ୫ଟି ସମିତି ଯଥା ଖରିଆର୍, ସିନାପାଲି , ବୁଦ୍ଧି କୋମନା, ନୂଆପଡା ଓ ବୁଢ଼ୀ ପଦର ସମିତିରୁ ସମୁଦାୟ ୧୮୦ ଜଣ ସାଇ ଆଶ୍ରିତ ଭାଇ ଭଉଣୀ ଯୋଗଦାନ କରିବା ସହିତ ରାଜ୍ୟ ସ୍ତରରୁ ଦୁଇଜଣ କର୍ମକର୍ତ୍ତା ଶ୍ରୀଯୁକ୍ତ ବିପିନ୍ ବିହାରୀ ପାଣିଗ୍ରାହୀ ଓ ଶ୍ରୀଯୁକ୍ତ କୈଳାସ ଚନ୍ଦ୍ର ନାୟକ ଯୋଗଦାନ କରି ସମସ୍ତ କର୍ମକର୍ତ୍ତା ମାନଙ୍କୁ ପ୍ରେମ ଓ ସେବାର ବାର୍ତ୍ତା ପ୍ରଦାନ କରିଥିଲେ । ସଙ୍ଗଠନର ନୂଆପଡା ଜିଲ୍ଲା ସଭାପତି ଶ୍ରୀଯୁକ୍ତ ନଟବର କ୍ଷତ୍ରୀ ସମସ୍ତଙ୍କୁ ସ୍ବାଗତ ଓ ଉଦଘାଟନୀ ଅଭିଭାଷଣ ପ୍ରଦାନ କରିବା ସହିତ ଜିଲ୍ଲା ଯୁବ ସଂଯୋଜକ ସମୂହ କାର୍ଯ୍ୟକ୍ରମକୁ ପରିଚାଳନା କରିଥିଲେ 
। ସଂଗଠନର ୫ଟି ବିଭାଗ ଯଥା ଆଧ୍ୟାତ୍ମିକ , ସେବା , ଶିକ୍ଷା , ଯୁବ ଓ ମହିଳା ବିଭାଗ ସମ୍ବନ୍ଧରେ ଜିଲ୍ଲାର କର୍ମକର୍ତ୍ତା ମାନେ ଆଲୋଚନା କରିଥିଲେ । ବୁଢ଼ୀ ପଦର ସେବା ସମିତିର ଆବାହକ ଶ୍ରୀ ଖଗେଶ୍ବର ସା ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।ଏହି ଅବସରରେ ଏକ ନୂତନ ପୁସ୍ତକ "ସମର୍ପୟାମି " ଉନ୍ମୋଚନ ହୋଇଥିଲା ।ଏହା ସହିତ ବୁଢ଼ୀ ପଦର ସମିତିର ବରିଷ୍ଠ କର୍ମକର୍ତ୍ତା ମାନଙ୍କୁ ଜିଲ୍ଲା ସଂଗଠନ ତରଫରୁ ସମ୍ବର୍ଦ୍ଧିତ କରାଯାଇଥିଲା ।ବାସ୍ତବରେ ଆଜିର କାର୍ଯ୍ୟକ୍ରମରେ ଶୃଙ୍ଖଳା,ସତ୍ୟ,ନିଷ୍ଠା,ଶ୍ରଦ୍ଧା,ଉଦାରତା,ଅନୁଶାସନ ଭଳି ଅନେକ ଗୁଣ ପରିଲକ୍ଷିତ ହେଉଥିଲା ଯାହାକି ନିଶ୍ଚିତ ଭାବରେ ଜଣେ ବ୍ୟକ୍ତିର ଉତ୍ତମ ସ୍ଵଭାବ ବୋଲି ମାନିଥାଉ ।ଓମ୍ ଶ୍ରୀ ସାଇ ରାମ।