22-Mar-2026

ନବରଙ୍ଗପୁର(ପ୍ରିୟଦର୍ଶିନୀ ପାତ୍ର)
ଧାର୍ମିକ ପରିବେଶରେ ଭକ୍ତି ଓ ସଂସ୍କାରର ସନ୍ଦେଶ ପ୍ରସାର
  ପାପଡ଼ା ହାଣ୍ଡି ବ୍ଲକର ମୈଦଲ ପୁର ଗ୍ରାମ ପଞ୍ଚାୟତ ର ଛୋଟାଗୁଡା  ଅଞ୍ଚଳରେ ଆୟୋଜିତ ଅଷ୍ଟପ୍ରହର ନାମ ଆଧ୍ୟାତ୍ମିକ ଯଜ୍ଞ ଅତ୍ୟନ୍ତ ଭକ୍ତିମୟ ପରିବେଶରେ ସମ୍ପନ୍ନ ହୋଇଥିଲା। ଏହି ପବିତ୍ର ଅବସରରେ ଶିକ୍ଷାବିତ ବାବୁଲାଲ ସେମଳାଙ୍କ ତରଫରୁ ଭକ୍ତମାନଙ୍କୁ ଶ୍ରୀମଦ୍ ଭାଗବତ ଗ୍ରନ୍ଥ ବଣ୍ଟନ କରାଯାଇଥିଲା।ଏହି କାର୍ଯ୍ୟକ୍ରମରେ ଅନେକ ଭକ୍ତ, ସମାଜସେବୀ ଓ ସ୍ଥାନୀୟ ଗଣ୍ୟମାନ୍ୟ ବ୍ୟକ୍ତିବର୍ଗ ଉପସ୍ଥିତ ରହି ଭକ୍ତିମୟ ପରିବେଶକୁ ଆରୋ ଉଜ୍ଜ୍ୱଳ କରିଥିଲେ। ବାବୁଲାଲ ସେମଳାଙ୍କ ଏହି ପଦକ୍ଷେପ ଧାର୍ମିକ ଜ୍ଞାନର ପ୍ରଚାର ସହିତ ନୂତନ ପିଢ଼ୀକୁ ସଂସ୍କାରମୟ ଜୀବନ ଦିଗରେ ପ୍ରେରଣା ଦେବାରେ ଉପକୃତ ହେବ ବୋଲି ମତ ପ୍ରକାଶ ପାଇଛି। ଅଞ୍ଚଳର ଧର୍ମପରାୟଣ ବ୍ୟକ୍ତି ମେଘନାଦ ବିଷୋୟୀ,ରାମକୃଷ୍ଣ ବିଷୋୟୀ, ମହେଶ୍ଵର ପାତ୍ର , ପ୍ରମୁଖ ଯୋଗଦାନ ରେ ପରିବେଶ ରେ ଲୋକଙ୍କ ଉତ୍ସାହ ଦେଖା ଦେଇଥିଲା। ଗାଁର ଯୁବକ ଶଙ୍କର ଦଳପତି, ଯୁଗେଶ ଜଳପତି , ଚୈତନ୍ୟ ପାଇକ, ଧନୁର୍ଜୟ ପୂଜାରୀ, ଭଗବାନ ମାଝ୍ଦୀ,ହରେକୃଷ୍ଣ ଦଳପତି ଙ୍କ ପ୍ରୟ୍ବାସେ ନାମ ଯଜ୍ଞ ଅଷ୍ଟପ୍ରହରୀ ଅନୁଷ୍ଠିତ ପାଇଁ ପ୍ରୟାସ ହୋଇଛି ।  
ଯଜ୍ଞ ଅବସରରେ ନାମ ସଙ୍କୀର୍ତନ, ପାଠ ପାଠନ ଓ ପ୍ରସାଦ ବଣ୍ଟନ ମଧ୍ୟ ହୋଇଥିଲା, ଯାହାରେ ସମସ୍ତେ ଭାଗ ନେଇ ଆଧ୍ୟାତ୍ମିକ ଆନନ୍ଦ ଅନୁଭବ କରିଥିଲେ।