19-Mar-2026

ବଲାଙ୍ଗୀର (ପ୍ରେରଣା ଖବର): ଆସନ୍ତା ମାର୍ଚ୍ଚ ୨୭ ତାରିଖ ଶୁକ୍ରବାର ପବିତ୍ର ରାମ ନବମୀ ତଥା ସାପ୍ତାହିକ 'ପ୍ରେରଣା' ର ୨୧ତମ ସ୍ୱନକ୍ଷତ୍ର ଦିବସ ଅବସରରେ  ସ୍କୁଲ ଓ କଲେଜ ଛାତ୍ରଛାତ୍ରୀ ମାନଙ୍କୁ ନେଇ ପ୍ରତିଯୋଗିତା ଅନୁଷ୍ଠିତ ହୋଇ ଯାଇଛି। ଏହି କ୍ରମରେ ଆଜି ସ୍ଥାନୀୟ ସରକାରୀ ମହିଳା ମହାବିଦ୍ୟାଳୟ ଠାରେ କଲେଜେସ୍ତରୀୟ ଓଡ଼ିଆ ଓ ଇଂରାଜୀ ବକୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ପ୍ରେରଣାର ସମ୍ପାଦକ ରଘୁନନ୍ଦନ ସିଂହଙ୍କ ପରିଚାଳନାରେ 

ଅନୁଷ୍ଠିତ ଏହି ପ୍ରତିଯୋଗିତାରେ ବିଚାରକ ଭାବରେ ପ୍ରଫେସର ଡ. ପ୍ରେମଚାନ୍ଦ ମହାନ୍ତି, କବି, ଅଧ୍ୟାପକ ତଥା ସାମ୍ବାଦିକ ସନ୍ଦୀପ କୁମାର କୁଅଁର, ଐଶର୍ଯ୍ୟା ଦାସ, କିସ୍ ରେସିଡେଣ୍ଟାଲ୍ ସ୍କୁଲର ଅଧ୍ୟକ୍ଷ ଆକାଶ ମିଶ୍ର,  ଆକାଶ ଇନଷ୍ଟିଚ୍ୟୁଟ ର ସେଣ୍ଟର ହେଡ଼ ପ୍ରିୟଦର୍ଶୀ ବେହେରା ପ୍ରମୁଖ ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କ ନାମ ଘୋଷଣା କରିଥିଲେ। ଆଜିର ପ୍ରତିଯୋଗିତାରେ ସ୍ୱରୂପା ରାଣୀ ଠାକୁର, ଆଶାଲତା ସେଠୀଙ୍କ  ସମେତ କଲେଜର ଅଧ୍ୟାପକ, ଅଧ୍ୟାପିକା ସହଯୋଗ କରିଥିଲେ।