09-Mar-2026

ବଲାଙ୍ଗିର(ପ୍ରେରଣା ଖବର)- ବଲାଙ୍ଗୀରର ଅଗ୍ରଣୀ ସାହିତ୍ୟ ଅନୁଷ୍ଠାନ ତେଜସ୍ବୀନି ର ଚତୁର୍ଥ ବାର୍ଷିକୋତ୍ସବ ଅନୁଷ୍ଠିତ ହୋଇଯାଇଛି l ଆନ୍ତର୍ଜାତିକ ମହିଳା ଦିବସ ଅବସରରେ ଅନୁଷ୍ଠାନର ପ୍ରତିଷ୍ଠାତା ସମ୍ପାଦିକା ଲିଲି ପଟେଲଙ୍କ ସଭାପତିତ୍ୱରେ ହୋଟେଲ ସରୋଜିନୀ ରେସିଡେନସିରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭବରେ

ସାହିତ୍ୟିକା, ସୁଲେଖିକା ଡ. ସୁନୀତି ମୁଣ୍ଡ,, ସମ୍ମାନିତ ଅତିଥି ଭlବରେ କବୟିତ୍ରୀ ଡ. ମନ୍ଦାକିନୀ ପାଢୀ, ଚଉରାଶିଘର ଅଘରିଆ ସମାଜର ସଭାପତି ଶୁଭ୍ରାଂଶୁ ଶେଖର ପଟେଲ ଓ ଜିଲ୍ଲା ଆଦିବାସୀ କଲ୍ୟାଣ ସଂଘ ସଭାପତି ସତ୍ୟନାରାୟଣ ଭୋଇ ଯୋଗ ଦେଇଥିଲେ l ଡଃ. ମୁଣ୍ଡ ତାଙ୍କ ବକ୍ତବ୍ୟରେ ମହିଳାମାନେ ସମାଜର ଏକ ବରିଷ୍ଠ ଅଙ୍ଗ l ତେଣୁ ପ୍ରତ୍ୟେକ କ୍ଷେତ୍ରରେ ମହିଳାଙ୍କ ଭାଗୀଦାରୀ ରହିବାର ଆବଶ୍ୟକତା ରହିଛି l ମହିଳା ମାନେ ନିଜକୁ ସମର୍ଥ ଓ ସ୍ୱାବଲମ୍ବୀ ହେବାକୁ ସେ ଆହ୍ଵାନ ଦେଇଥିଲେ l  ଏହି ଅବସରରେ ଅୟୋଜିତ ବହୁଭାଷୀ କବିତା ଆସରରେ ନିରୁପମା ମିଶ୍ର, ଜ୍ୟୋତ୍ସ୍ନା ଦାଶ, ଗୀତାଞ୍ଜଳି ରଥ, ମନ୍ଦାକିନୀ ପାଢୀ ଙ୍କ ସମେତ ୪୦ଜଣ କଵି ଓ କବୟିତ୍ରୀ କବିତା ପାଠ କରିଥିଲେ l ଆଶୁକବି ହେମନ୍ତ ଦାଶ

ଅତିଥି ପରିଚୟ ପ୍ରଦାନ କରିଥିଲେ l ଏହି ସଭାରେ ବଲାଙ୍ଗିର ଜିଲ୍ଲାର ଚଉରାଶି ଘର ଅଘରିଆ ସମାଜ ଟ୍ରଷ୍ଟ, ସ୍ୱାଭିମାନ ପରିବାର, ଆଦ୍ୟା ଶକ୍ତି ନାରୀ ସଂଗଠନ ଓ ପଶ୍ଚିମ ଓଡିଶା ମହିଳା ସଂଗଠନ କୁ ସମ୍ବର୍ଦ୍ଧିତ କରିବା ସହିତ ସାହିତ୍ୟ, ସେବା ଓ କଳା କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ମଧ୍ୟ ସମ୍ବର୍ଦ୍ଧିତ କରାଯାଇଥିଲା l କାର୍ଯ୍ୟକ୍ରମରେ ଶତାଧିକ ସାହିତ୍ୟ ପ୍ରେମୀ ଓ ଶୁଭେଚ୍ଛୁ ଯୋଗଦେଇଥିଲେ l ପରିଶେଷରେ ଅନୁଷ୍ଠାନର ଉପଦେଷ୍ଟା ଦିଗାମ୍ବର ନାଏକ ଧନ୍ୟବାଦ ଅର୍ପଣ କରି ସଭା ସାଙ୍ଗ ଘୋଷଣା କରିଥିଲେ l