03-Mar-2026

ବିନିକା(ହିମାଂଶୁ ଶେଖର ପୁଟେଲ)ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ମନ୍ଦିରରେ ବିରାଜମାନ ମହାଦେବଙ୍କ ଠାରେ ମହାଜଳଶାୟୀ କାର୍ଯ୍ୟକ୍ରମ ମହା ଆଡମ୍ବରରେ ସମାହିତ ହୋଇଯାଇଛି ।ବିନିକା ବ୍ଲକ ଅନ୍ତର୍ଡା ଗ୍ରାମର ରାଜିନ୍ଦ୍ର ପ୍ରସାଦ ନାୟକ ଓ ତାଙ୍କ ଧର୍ମପତ୍ନୀ ବନଲତା ନାୟକଙ୍କ ମାନସିକକୁ ରକ୍ଷା କରି ପୁତ୍ର ତଥା ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ଓ ପୁତ୍ରବଧୂ ମମତା ନାୟକ ମୁଖ୍ୟ କର୍ତ୍ତା ଭାବେ ଦାୟିତ୍ଵ ନିର୍ବାହ କରି ଏହି ମହା ଜଳଶାୟୀ ଆୟୋଜନ କରିଥିଲେ । ମୁକ୍ତିତିର୍ଥ କୁହାଯାଉଥିବା ପୁଣ୍ୟପୀଠ ପାପକ୍ଷୟ ଘାଟରୁ ଆଖ ପାଖ ଗ୍ରାମର ପ୍ରାୟ ୧୫୦ଜଣ ଭକ୍ତ ଜଳ ସଂଗ୍ରହ କରି ବାବାଙ୍କ ପୀଠରେ ଅର୍ପଣ କରିଥିଲେ।ମନ୍ଦିର ପରିସର ଜଳମଗ୍ନ ହେବାପରେ ଏବଂ ମହାଦେବଙ୍କ ପାଟିକୁ ଜଳ ଛୁଇଁବା ପରେ ଜଳଶାୟୀ ଜଳକୁ ପରିଷ୍କରଣ କରାଯାଇଥିଲା ମହାଜଳଶାୟୀ ଦେଖିବା ସହିତ ମହାଦେବଙ୍କ ଦର୍ଶନ ପାଇଁ ହଜାର ହଜାର ଶ୍ରଦ୍ଧାଳୁଙ୍କ ଭିଡ ଜମିଥିଲା।ଏହା ବ୍ୟତିତ ପୀଠରେ ଲିଙ୍ଗାବରଣ ଓ ହୋମ ଯଜ୍ଞ ଅନୁଷ୍ଟିତ ହୋଇଥିଲା ।ଓଁ ନମଃ ଶିବାୟ ଧ୍ୱନିରେ ମନ୍ଦିର ପରିସର କମ୍ପି ଉଠିଥିଲା। ମନ୍ଦିର ଟ୍ରଷ୍ଟ ବୋର୍ଡ କମିଟି କର୍ମକର୍ତ୍ତାଙ୍କ ସହ ମନ୍ଦିର ସେବାୟତ ଓ ବହୁ ଶ୍ରଦ୍ଧାଳୁ ଉକ୍ତ ମହାଜଳଶାୟୀରେ ଉପସ୍ଥିତ ରହି ପ୍ରଭୁଙ୍କ ଦର୍ଶନ କରିବାର ସୌଭାଗ୍ୟ ଲାଭ କରିଥିଲେ ।