03-Mar-2026

ବୋଡ଼େନ (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକରେ ୨୦୨୪ ମସିହାରେ ଶ୍ରୀଯୁକ୍ତ ସୁଶାନ୍ତ କୁମାର ରଣା ବି ଡି ଓ ଦାୟୀତ୍ୱ ଗ୍ରହଣ କରି ଅନେକ ସମସ୍ୟାର ସମାଧାନ କରିଥିବା ସହ ଲୋକ ସମ୍ପର୍କରେ ପ୍ରତ୍ୟେକ ଗ୍ରାମରେ ସୁପରିଚିତ ।ଆଜି ଶ୍ରୀଯୁକ୍ତ ରଣା ଅବସର ଗ୍ରହଣ କରିଛନ୍ତି ।ଏହି ଅବସରରେ ବି ଏଫ୍ ଓ ଶରତ ଚନ୍ଦ୍ର ସେଠି ଓ ବଡ଼ବାବୁ ଧନ୍ୱନ୍ତରି ଚଲାନଙ୍କ ସଂଯୋଜନାରେ ଆୟୋଜିତ ବ୍ଲକ ସଭାଗୃହରେ ଅବସର କାଳୀନ ସମ୍ବର୍ଦ୍ଧନା ସଭାରେ ବ୍ଲକ ଅଧ୍ୟକ୍ଷା ପ୍ରେମ ଶିଳା ନାଗ,ସହକାରୀ କାର୍ଯ୍ୟ ନିର୍ବାହୀ ଯନ୍ତ୍ରୀ କ୍ଷୀରୋଦ ନାଏକ,ଜିପିଡିଓ ଭୀଷ୍ମ କୁମାର, ଏ ପି ଓ ରବିନାରାୟଣ ରାଉତ,ସହକାରୀ ଯନ୍ତ୍ରୀ ଯୁଗେଶ୍ଵର୍ ନାଏକ,ସହକାରୀ ଯନ୍ତ୍ରୀ ଦିନ ଶବର,କନିଷ୍ଠ ଯନ୍ତ୍ରୀ ଅମରେନ୍ଦ୍ର ବିଶ୍ଵାଳ, କନିଷ୍ଠ ଯନ୍ତ୍ରୀ ଧର୍ମେନ୍ଦ୍ର ସାହୁ,ଏ ବି ପି ରାକେଶ କୁମାର ଷଡଙ୍ଗୀଙ୍କ ସମେତ ବ୍ଲକର ସମସ୍ତ ବିଭାଗୀୟ ଅଧିକାରୀ,ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ,ସମସ୍ତ ଏ ଡି ଇ ଓ,ଜି ଆର୍ ଏସ ଏବଂ ସାମ୍ବାଦିକ ବନ୍ଧୁମାନେ ଉପସ୍ଥିତ ରହିଥିଲେ ।ଗତ ୨୬ ତାରିଖ ଦିନ ମଧ୍ୟ ସେ ବ୍ଲକର କିଛି ଅଧିକାରୀଙ୍କୁ ଧରି ବଣପାହାଡ ଘେରା ଅଞ୍ଚଳ  ପାଟଦର୍ହା ସ୍ଥିର ବାହାଦୂରପାଣିକୁ ଯାଇ ୭ ଜଣ ବିଧବାଙ୍କୁ ଭତ୍ତା ବାଣ୍ଟିବା ସହିତ  ଏକ ପ୍ରସୂତି ମାଆଙ୍କ ଚିକିତ୍ସା ପାଇଁ ବ୍ୟବସ୍ଥା କରିଥିଲେ । ଶ୍ରୀଯୁକ୍ତ ରଣା ନିଜ ଦାୟୀତ୍ୱକୁ ସୁଚାରୁ ରୂପେ ସମ୍ପାଦନ କରି ବ୍ଲକର ବିଭିନ୍ନ କ୍ଷେତ୍ରରେ ଉନ୍ନତି ଆଣିଥିବା ବିଷୟ ଗୁଡ଼ିକୁ ଉପସ୍ଥିତ ସମସ୍ତ ଅଧିକାରୀ ଉପସ୍ଥାପନା କରି ଖୁସିରେ ବିଦାୟ ଦେବା ସହିତ ଶ୍ରୀଯୁକ୍ତ ସୁଶାନ୍ତ କୁମାର ରଣାଙ୍କ ଆଗାମୀ ଦିନ ଗୁଡ଼ିକରେ ଭଗବାନ ଖୁସି ହିଁ ଖୁସି ଭରିଦିଅନ୍ତୁ ବୋଲି ସମସ୍ତେ କାମନା କରିଥିଲେ ।