03-Mar-2026

ଆଗଲପୁର, (ପ୍ରେରଣା ଖବର) ସୂଚନା ରୁ ପ୍ରକାଶ ଯେ ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଆଗଲପୁର ଗ୍ରାମ ର ଘାସୀପଡ଼ା ର ଅଞ୍ଜଳି ଭରସାଗର ଓ ସ୍ବାମୀ ଉମେଶ ଭର।ସାଗର ଙ୍କ ମଧ୍ୟରେ ପ୍ରତିଦିନ ଗଣ୍ଡଗୋଲ ଲାଗି ରହୁଥିଲା । ଏଣୁ ଅଞ୍ଜଳି ଗତ କାଲି 12 ଟ।ରେ ଟୋଲ ଫ୍ରୀ ନମ୍ବର ରେ ଫୋନ କରିଥିଲେ l ଏହି ନମ୍ବର ଅନୁସାରେ 3/4 ଜଣ ପୋଲିସ ଆଗଲପୁର ଘାସୀପଡ଼ା କୁ ଯାଇ ତଦନ୍ତ ଆରମ୍ଭ କରିଥିଲେ l ପୋଲିସ ପହଞ୍ଚିବା ପରେ କେତେକ ମହିଳା ଓ ପୁରୁଷ ଦୃର୍ବୁତ୍ତ ମାନେ ପୋଲିସ ଉପରକୁ ଦୁର୍ବ୍ୟବହାର ପୂର୍ବକ ଆକ୍ରମଣ କରିଥିଲେ । ଏହାକୁ ନେଇ ପୋଲିସ ଓ ସଂପୃକ୍ତ ବ୍ୟକ୍ତି ମାନଙ୍କ ମଧ୍ୟରେ ସଂଘର୍ଷ ହୋଇଥିଲା । ଏଥିରେ ଲୋଇସିଂହା ଥାନାର ଏ ଏସ ଆଇ ଜୀବନାନନ୍ଦ ବେହେରା ଓ ଆଗଲପୁର ର ଏସ ଆଇ ସୂଚୀସ୍ମିତା ଜେନା ଆହତ ହୋଇଥିଲେ l ଆଗଲପୁର ଥାନା ଅଧିକାରୀ ଅନୀତା ନାୟକ ଛୁଟି ରେ ଥିବାରୁ ଲୋଇସିଂହା ଥାନାର ଅତିରିକ୍ତ ଥାନା ଅଧିକାରୀ ଦାୟିତ୍ୱ ରେ ରହିଥିବା ପୋଲିସ ସୂତ୍ର ରୁ ପ୍ରକାଶ l ଏଣୁ ଏହିଘଟଣା ଅନୁସାରେ ଆଗଲପୁର , ଲୋଇସିଂହା ପୋଲିସ ମିଳିତ ଭାବେ ସନ୍ଧ୍ୟା 8 ଟ।ରେ ଏହି ସ୍ଥାନ କୁ ଅପରାଧୀ ଧରିବାକୁ ଯାଇଥିଲେ l ଏହାପରେ ମଧ୍ୟ ପୋଲିସ ଉପରେ କୁ ଆକ୍ରମଣ ହୋଇଥିଲା । ଆକ୍ରମଣ ରେ ଏ ଏସ ଆଇ ଜୀବନାନନ୍ଦ ବେହେର ଙ୍କ ମୁଣ୍ଡ ଫାଟି ଯାଇଥିଲା l ମୁଣ୍ଡରେ ଆଘାତ ହୋଇ ଗୁରୁତର ହେବାରୁ ଆଗଲପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଚିକିତ୍ସା ପରେ ବଲାଙ୍ଗୀର ଭୀମଭୋଇ ହସ୍ପିଟାଲ କୁ ସ୍ଥାନାନ୍ତରିତ କରାଯାଇ ଥିବା ସୂଚନାରୁ ପ୍ରକାଶ l ଆଗଲପୁର ରେ ପୋଲିସ ଆକ୍ରମଣ ଘଟଣା ରେ 11 ଜଣ ଉମେଶ ଭରାସାଗର , ରମେଶ ଭରାସାଗର , ବିକାଶ ଭର।ସାଗର , ଅନ୍ତ ଭରାସାଗର , ସରୋଜ ଭର।ସାଗର , ସର୍ଜନ ମାଝୀ, ପ୍ରକାଶ ଭର।ସାଗର , ଆକାଶ ଭର।ସାଗର, ରୀନା ମାଝୀ, ଅମ୍ରିତା ଭରାସାଗର, ବିନୋଦିନୀ ଗଣ୍ଡା କୁ ଗିରଫ କରି କେଶ ନଂ 30/26 ରେ ଏକ ମାମଲା ରୁଜୁ କରିବା ସହ କୋର୍ଟଚାଲାଣ କରିଥିବା ପୋଲିସ ସୂତ୍ରରୁ ପ୍ରକାଶ l  ଘଟଣା ର ତଦନ୍ତ ପୋଲିସ ଜାରି ରଖିଥିବା ସହ ଘଟଣା ଯୋଗୁଁ ଆଗଲପୁର , ସାଲେଭ ଟ। , ଲୋଇସିଂହା ପୋଲିସ ସହିତ ଫୋର୍ସ ମୁତୟନ ଥିବା ଦେଖାଯାଇଛି । ଏହି ଅଞ୍ଚଳ ରେ ଉତ୍ତେଜନା ବୃଦ୍ଧି ଲାଗି ରହିଥିବା ବେଳେ ଏହା କୁ ନେଇ ଆଗଲପୁର ଅଞ୍ଚଳ ରେ 2 ବର୍ଷ ରେ ଦୁଇଥର ପୋଲିସ ଉପରେ ଆକ୍ରମଣ ହୋଇଥିବା ସୂଚନା ରୁ ପ୍ରକାଶ l