28-Feb-2026

ବଲାଙ୍ଗୀର, ତା. ୨୮/୦୨(ପ୍ରେରଣା ଖବର): ବଲାଙ୍ଗୀର ଜିଲ୍ଲା ସଇଁତଳା ବ୍ଲକ୍ ଅନ୍ତର୍ଗତ ବ୍ଲକ୍ କଲୋନୀ କ୍ଲଷ୍ଟରର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଡେଙ୍ଗରେ ଅଷ୍ଟମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ ହୋଇଥିଲା। କଂସରପଡ଼ା ପ୍ରାଥମିକ ବିଦ୍ୟାଳୟର ଶିକ୍ଷକ ତଥା ସାଧନକର୍ମୀ ସରୋଜ କୁମାର ବୈଠାରୁଙ୍କ ତତ୍ତ୍ୱାବଧାନରେ ସାତ ଜଣ ପ୍ରଧାନ ଶିକ୍ଷକ ଶିକ୍ଷୟିତ୍ରୀଙ୍କ ସହ କ୍ଲଷ୍ଟରର ସମସ୍ତ ଏଫଏଲଏନ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ।ଚଳିତ ଶିକ୍ଷା ବର୍ଷର ଶେଷ ବୈଠକରେ ଯାଦୁଇ ପେଡ଼ି, ୫ମ ଓ ୮ମ ଶ୍ରେଣୀର ବାର୍ଷିକ ପରୀକ୍ଷା ପରିଚାଳନା, ଶିକ୍ଷଣ ପର୍ଯ୍ୟବେକ୍ଷଣ ସାଧନୀ, ସୋପାନ ରେଜିଷ୍ଟର ଉପରେ ଆଲୋଚନା କରାଯାଇଥିଲା। ବୈଠକରେ ବିଦ୍ୟାଳୟର ସହକାରୀ ଶିକ୍ଷକ ଲିଙ୍ଗରାଜ ନନ୍ଦ ପରିଚାଳନାରେ ସହଯୋଗ କରିଥିଲେ ‌।ଏହି ମାସିକ ବୈଠକରେ ଶିକ୍ଷକ ରାଧାନାଥ ମିଶ୍ର,ବୈକୁଣ୍ଠ ଭୋଇ, ପ୍ରକାଶ କୁମାର ପଣ୍ଡା,ଗିରିଧାରୀ ବେହେରା, ଗଗନ କୁମାର ବେହେରା, ଶିକ୍ଷୟିତ୍ରୀ ସଂଯୁକ୍ତା ପାଢ଼ୀ, ସ୍ନେହା ମଞ୍ଜୁଳା ନନ୍ଦ, ଲକ୍ଷ୍ମୀ ସୁନା, ମାଧବୀ ଭୋଇ, ପ୍ରତ୍ୟାସିନି ବାଗ, ଦ୍ରୌପଦୀ ଭୋଇ, କାନ୍ତି ଭୋଇ ପ୍ରମୁଖ ଅଂଶଗ୍ରହଣ କରିଥିଲେ। ବିଦ୍ୟାଳୟର ପ୍ରଧାନଶିକ୍ଷକ ରାମ ନାରାୟଣ ଦାଶଙ୍କ ନେତୃତ୍ୱରେ ସମସ୍ତ ଶିକ୍ଷକଙ୍କୁ ପୁଷ୍ପ ଚନ୍ଦନରେ ସ୍ବାଗତ କରାଯିବା ପରେ ପୁଷ୍ପମାଲ୍ୟ ଦେଇ ସମ୍ବର୍ଦ୍ଧିତ କରାଯାଇଥିଲା। ଏଥିସହିତ ବିଦ୍ୟାଳୟରେ ବରିଷ୍ଠ ବିଜ୍ଞାନ ଶିକ୍ଷକ କୃପାସିନ୍ଧୁ ମିଶ୍ରଙ୍କ ତତ୍ତ୍ୱାବଧାନରେ ଜାତୀୟ ବିଜ୍ଞାନ ଦିବସ ଅନୁଷ୍ଠିତ ହୋଇଥିଲା। କୁଇଜ୍, ବକୃତା ତଥା ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ କରାଯାଇ କୃତି ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ଶିକ୍ଷୟିତ୍ରୀ ଗାୟତ୍ରୀ ବାରିକ, ତପସ୍ଵିନୀ ପଟେଲ, ଶିକ୍ଷକ ଦୀପକ ସେନ ଧରୁଆ, ଦେବେଶ ହୋତା, ମନରଞ୍ଜନ ପରିଡ଼ା, ସମୀର ସେଠି, ବୃନ୍ଦାବନ ଭୂଏ, ଅବିନାଶ ଭୋଇ, ହିମାଂଶୁ ଶେଖର ବିଶ୍ଵାଳ ଓ ଅଶୋକ କୁମାର ନାୟକ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।