27-Feb-2026

ସିନାପାଲି (ଚିନ୍ତାମଣି ନେତାମ): ନୂଆପଡା ଜିଲ୍ଲାର ସିନାପାଲି ବ୍ଲକ ଅନ୍ତର୍ଗତ ଖରସେଲ ପଞ୍ଚାୟତର ସାଲେବିହିଡି ଗାଁରେ ଅଖଣ୍ଡ ଷୋହଲ ପ୍ରହରୀ ନାମଯଜ୍ଞ ଅବସରରେ ଭବ୍ୟ କଳସ ଯାତ୍ରା ଭକତି ଓ ଆଧ୍ୟାତ୍ମିକତାର ଅଦ୍ଭୁତ ଦୃଶ୍ୟ ସୃଷ୍ଟି କରିଛି। ଏହି ପବିତ୍ର ଶୋଭାଯାତ୍ରାରେ ସାରା ଗାଁ ଭକତିର ରଙ୍ଗରେ ରଙ୍ଗାଇ ଯାଇଥିବାବେଳେ, ପ୍ରତ୍ୟେକ ମନରେ ଭଗବାନଙ୍କ ପ୍ରତି ଅଟୁଟ ଶ୍ରଦ୍ଧା ଓ ଆସ୍ଥାର ପ୍ରବାହ ଦେଖିବାକୁ ମିଳିଥିଲା।
ଗାଁର ଶତାଧିକ ମାଁ–ଭଉଣୀ ପାରମ୍ପରିକ ପୋଷାକରେ ସୁସଜ୍ଜିତ ହୋଇ ମୁଣ୍ଡରେ ପବିତ୍ର କଳସ ବହନ କରି ଶ୍ରଦ୍ଧାଭରା ମନେ ଶୋଭାଯାତ୍ରାରେ ସାମିଲ ହୋଇଥିଲେ। ଶଙ୍ଖ ଧ୍ୱନି, ହୁଳହୁଳି ଓ “ହରି ବୋଲ” ନାମର ଗଞ୍ଜନରେ ସାରା ପରିବେଶ ଭକତିମୟ ହୋଇଉଠିଥିଲା। ଗାଁର ପ୍ରତ୍ୟେକ ଗଳି ଓ ଚକକୁ ଦୀପ, ଫୁଲ ଓ ରଙ୍ଗୋଳିରେ ସଜାଯାଇଥିଲା, ଯାହା ଗାଁକୁ ଏକ ପବିତ୍ର ତୀର୍ଥକ୍ଷେତ୍ରର ରୂପ ଦେଇଥିଲା। ନିକଟସ୍ଥ ପୋଖରୀରୁ ପବିତ୍ର ଜଳ ଭରି କଳସଗୁଡ଼ିକୁ ଗାଁ ପରିକ୍ରମା କରାଯାଇ ଯଜ୍ଞମଣ୍ଡପରେ ବିଧିବତ୍ ସ୍ଥାପନା କରାଯାଇଥିଲା।
ଆୟୋଜକମଣ୍ଡଳୀଙ୍କ ସୂଚନା ଅନୁଯାୟୀ, ଫାଲ୍ଗୁନ ଶୁକ୍ଳ ପକ୍ଷ ଏକାଦଶୀ ଅବସରରେ ଇଂ ୨୭ ଫେବୃଆରୀ ୨୦୨୬ ଶୁକ୍ରବାର ଠାରୁ ଇଂ ୦୨ ମାର୍ଚ୍ଚ ୨୦୨୬ ସୋମବାର ପର୍ଯ୍ୟନ୍ତ ଚାରି ଦିନ ଧରି ଅଖଣ୍ଡ ଷୋହଲ ପ୍ରହରୀ ନାମଯଜ୍ଞ ଅନୁଷ୍ଠିତ ହେବ। ଏହି ଅବଧିରେ ନିରନ୍ତର ହରିନାମ ସଂକୀର୍ତ୍ତନ, ଭଜନ–କୀର୍ତ୍ତନ, ପୂଜା–ଆରଚନା ଓ ପ୍ରସାଦ ବଣ୍ଟନ ଆୟୋଜିତ ହେବ। ଏହା ମାଧ୍ୟମରେ ଗାଁରେ ଧାର୍ମିକ ଜାଗୃତି ସହ ଭାଇଚାରା ଓ ଏକତାର ସନ୍ଦେଶ ପ୍ରସାରିତ ହେଉଛି।
ଏହି ପବିତ୍ର ନାମଯଜ୍ଞର କର୍ତ୍ତା ଭାବେ ଜଗବନ୍ଧୁ ସା ଓ ତାଙ୍କ ଧର୍ମପତ୍ନୀ ରବିୟା ସା ଦାୟିତ୍ୱ ନିଭାଉଥିବାବେଳେ, ମୁଖ୍ୟ ପୂଜକ ଧବଳେଶ୍ୱର ପୁରୋହିତ ଓ ସହଯୋଗୀମାନେ ପୂଜାକାର୍ଯ୍ୟକୁ ଶାସ୍ତ୍ରୋକ୍ତ ବିଧିରେ ସମ୍ପାଦନ କରୁଛନ୍ତି। କମିଟିର ସଭାପତି ଫରସ ରାମ ସା, ସମ୍ପାଦକ ତୀର୍ଥ ଚନ୍ଦ୍ର ସା, କୋଷାଧକ୍ଷ ବ୍ରଜସୁନ୍ଦର ସା ସହ ରୁଦ୍ରମାଧବ ସା, ଦେବାନନ୍ଦ ସା, ଧନିଚାର କଟା, ଶୋଭାରାମ ସା, ଭୁବନେଶ୍ୱର ସା, ମଧୁସୁଦନ ସା, ଲକ୍ଷ୍ମଣ ସା, ମହେଶ୍ୱର ସା, ମହେଶ ସା, ପୁରନ୍ଦର  ସା, ଦୀନେଶ ସା,  ରାଜେନ୍ଦ୍ର ସା,  କୁମର ସା,ଉପେନ୍ଦ୍ର ସା, ହରଗୁଲ ସା, ଚୈତନ୍ୟ ସା, ନାରାୟଣ ସା, ହିତେଶ ସା, ରୁଚ ସା, ଟେକରାମ ସା, ପବିତ୍ର ସା, ପୁରନ୍ଦର ସା, କାମଳ ରାମ ସା, ଡମ୍ବରୁ ଧର କଟା, ଅମୁଲ୍ୟ କୈବର୍ତ୍ତ, ମନୋହର ସା, ବିନୋଦ ସା, କିଶୋର ସା, ଶ୍ରୀମତୀ ଚଞ୍ଚଲା ସା, ଭବେନ୍ଦ୍ରୀ ସା, ପଞ୍ଚମୀ ସା, ଭୂମିସୁତା ସା, ଲୟା ସା, ମମତା ସା, ରିତା ସା, ଡିଳେଶ୍ଵରୀ ସା, ଶକୁନ୍ତଳା ସା, ପଦ୍ମାବତୀ ସା, କ୍ଷିତି ସୁତା  ସା, ଶୁଶାନ୍ତି ସା, ଗୋମତୀ ସା, କୁମାରୀ ରାଇ ସା, ପାର୍ବତୀ କଟା, କଇତି କଟା, ସୂର୍ଯ୍ୟ କୈବର୍ତ, ଉର୍ମିଲା ଗହୀର, ସୁଭଦ୍ରା ସା, ଯେମନି ସା ସହ ସମସ୍ତ ଗ୍ରାମବାସୀ ଏହି ଧାର୍ମିକ ଆୟୋଜନକୁ ସଫଳ କରିବାରେ ନିଷ୍ଠାଭରା ସହଯୋଗ କରୁଛନ୍ତି।
ଏବେ ସାଲେବିହିଡି ଗାଁରେ ଭକତି, ଶାନ୍ତି ଓ ଆଧ୍ୟାତ୍ମିକତାର ଏକ ଅପୂର୍ବ ପରିବେଶ ଦେଖାଯାଉଛି। ହରିନାମର ମଧୁର ଧ୍ୱନିରେ ଗାଁର ପ୍ରତ୍ୟେକ କୋଣ ମୁଗ୍ଧ ହୋଇପଡ଼ିଛି। ଗ୍ରାମବାସୀମାନେ ଏହି ନାମଯଜ୍ଞ ମାଧ୍ୟମରେ ଗାଁରେ ଶାନ୍ତି, ସମୃଦ୍ଧି ଓ ସମ୍ମିଳନ ବୃଦ୍ଧି ପାଇଁ ଭଗବାନଙ୍କ ନିକଟରେ ଭକ୍ତିଭାବରେ ପ୍ରାର୍ଥନା କରୁଛନ୍ତି। ସାଲେବିହିଡି ଗାଁ ଏବେ ଭକତିର ଏକ ପବିତ୍ର କେନ୍ଦ୍ରରେ ପରିଣତ ହୋଇଛି, ଯେଉଁଠାରେ ଧର୍ମ, ସଂସ୍କୃତି ଓ ଏକତାର ଅଲୋକ ଦୃଢ଼ ଭାବେ ପ୍ରଜ୍ୱଳିତ ହେଉଛି।