22-Feb-2026

ସିନାପାଲି: ଶ୍ରୀ ଜଗନ୍ନାଥ ସଂସ୍କୃତି ଏବଂ ପରମ୍ପରା କୁ ସୁରକ୍ଷା ଦେବା ଲକ୍ଷ୍ୟ ରେ ଶ୍ରୀ ଜଗନ୍ନାଥ ଚେତନା ଗବେଷଣା ପ୍ରତିଷ୍ଠାନ ର ନୂଆପଡା ଜିଲ୍ଲା ଶାଖା ପକ୍ଷ ରୁ ଆଜି ସିନାପାଲି ଜଗନ୍ନାଥ ମନ୍ଦିର ପ୍ରାଙ୍ଗଣରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। 
ଏହି ସମ୍ମିଳନୀ ରେ ଇସ୍କନ (ISKCON) ଅନୁଷ୍ଠାନ ପକ୍ଷ ରୁ ବିଶ୍ୱର ଅନେକ ଦେଶରେ ଅଦିନିଆ ରଥଯାତ୍ରା ପାଳନକୁ ତୀବ୍ର ନିନ୍ଦା କରାଯିବା ସହ ଏହା ଶାସ୍ତ୍ରୀୟ ନିୟମକୁ ସମ୍ପୂର୍ଣ ଉଲଂଘନ କରୁଥିବାରୁ କୋଟି କୋଟି ଜଗନ୍ନାଥ ପ୍ରେମୀ ଙ୍କ ଧର୍ମୀୟ ଭାବନାକୁ ଆଘାତ ଦେଉଥିବା ପ୍ରକାଶ କରାଯାଇଥିଲା। ଶାସ୍ତ୍ର ଅନୁସାରେ, ଶ୍ରୀ ଜଗନ୍ନାଥ ଙ୍କ ରଥଯାତ୍ରା କେବଳ ଆଶାଢ଼ ଶୁକ୍ଳ ଦ୍ଵିତୀୟା ତିଥିରୁ ଆରମ୍ଭ ହୋଇ ନଅ ଦିନର ଅବଧିରେ ସମ୍ପୂର୍ଣ ହେବାର ଵିଧି ରହିଛି।
କିନ୍ତୁ ISKCON ଅନୁଷ୍ଠାନ ପକ୍ଷ ରୁ ବିଭିନ୍ନ ଦେଶରେ ବର୍ଷ ତମାମ ବିଭିନ୍ନ ସମୟରେ ରଥଯାତ୍ରା ପାଳନ କରାଯାଉଥିବାରୁ ଏହି ପ୍ରଥାକୁ ସମ୍ପୂର୍ଣ ଭାବରେ ବନ୍ଦ କରି ନିର୍ଦ୍ଧାରିତ ତିଥିରେ ପାଳନ କରିବା ପାଇଁ ସମ୍ପୃକ୍ତ ଅନୁଷ୍ଠାନ କୁ ଅନୁରୋଧ କରାଯାଇଥିଲା। 
ଏହି ସମ୍ମିଳନୀ ରେ ଶ୍ରୀ ଜଗନ୍ନାଥ ଚେତନା ଗବେଷଣା ପ୍ରତିଷ୍ଠାନ ପୁରୀ ର ସଭାପତି ଶ୍ରୀ ରାଧେଶ୍ୟାମ ପଣ୍ଡା, ନୂଆପଡା ଜିଲ୍ଲା ଶାଖା ସଭାପତି ଶ୍ରୀ ବୈଶମ୍ପାୟାନ ମେହେର ସମ୍ପାଦକ ଶ୍ରୀ ତୁଳସୀ ରାମ ମେହେର, କୋଷାଧକ୍ଷ ଶ୍ରୀ ରୁପେଶ ଚନ୍ଦ୍ର ମେହେର ସହ ସିନାପାଲି ଜଗନ୍ନାଥ ମନ୍ଦିର ର ପରିଚାଳନା ସମିତି ର ବରିଷ୍ଠ କାର୍ଯ୍ୟକର୍ତା ଶ୍ରୀ ଡମ୍ବରୁଧର ମେହେର, ଶ୍ରୀ ପୂର୍ଣ୍ଣଚନ୍ଦ୍ର ମେହେର, ଶ୍ରୀ ଗଳାମଣି ସା ସହ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ।

(ନୂଆପଡା ଜିଲ୍ଲାରୁ ପରମେଶ୍ୱର ମେହେର ରିପୋର୍ଟ )