08-Feb-2026

ବଲାଙ୍ଗୀର(ଦେବାଶିଷ ବହିଦାର): ବଲାଙ୍ଗୀର ଜିଲ୍ଲା ଓକିଲ ସଂଘ ପକ୍ଷରୁ ସ୍ଥାନୀୟ ଗାନ୍ଧୀ ଷ୍ଟେଡିୟମ ଠାରେ ଏକ ବନ୍ଧୁତ୍ୱପୂର୍ଣ୍ଣ କ୍ରିକେଟ ମ୍ୟାଚ୍ ଅନୁଷ୍ଠିତ ହୋଇଥିଲା । ଓକିଲ ମାନଙ୍କ ମଧ୍ୟରେ ସୁସଂପର୍କ ସ୍ଥାପନ ଓ ଜିଲ୍ଲାରୁ ଯାଇ ରାଜ୍ୟସ୍ତରରେ ଏକ କ୍ରିକେଟ ଟିମ୍ ଗଠନ କରି ଓକିଲ ମାନଙ୍କ ମଧ୍ୟରେ ସ୍ୱାସ୍ଥ୍ୟ ସଚେତନତା ଏବଂ ଏକ ଖେଲୁଆଡ ମନୋଭାବ ସୃଷ୍ଟିି କରିବା ଏହି କ୍ରିକେଟ ମ୍ୟାଚ୍ ଆୟୋଜନର ଲକ୍ଷ୍ୟ ବୋଲି ବଲାଙ୍ଗୀର ଜିଲ୍ଲା ଓକିଲ ସଂଘର ସଭାପତି ବାସେୁଦବ ରଥ ସୂଚନା ଦେଇଛନ୍ତି । ବଲାଙ୍ଗୀର ଜିଲ୍ଲାର ଓକିଲ ମାନଙ୍କୁ ନେଇ ଏ-ଦଳ, ବି-ଦଳ, ସି-ଦଳ ଓ ଡି-ଦଳ ଏପରି ୪ଟି  ଟିମ୍ ରେ ଭାଗ କରାଯାଇ କ୍ରିକେଟ ମ୍ୟାଚ ଅନୁଷ୍ଠିତ ହୋଇଥିଲା । ୧ଠ ଓଭର ବିଶିଷ୍ଟ ପ୍ରତ୍ୟେକ ମେଚ୍ ରେ ଓକିଲ ମାନେ ତାଙ୍କର ଚମତ୍କାର ଖେଳ ପ୍ରଦର୍ଶନ କରିଥିଲେ । ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥଙ୍କ ପରିଚାଳନାରେ ଆୟୋଜିତ ଏହି କ୍ରିକେଟ ମେଚ୍ ରେ ଅତିଥି ଭାବରେ ବରିଷ୍ଠ ଆଇନଜୀବୀ ଜୟରାମ ମିଶ୍ର, ଅମରେନ୍ଦ୍ର ମିଶ୍ର, ପୂବର୍ତନ ରଂଜୀବ କପ୍ ଖେଳାଳି  ସୂର୍ଯ୍ୟନାରାୟଣ ଦାଶ, ନାଗରିକ କମିଟିର ସଭାପତି ଡ. ଶ୍ରୀକର ମିଶ୍ର ଓ ଜନ ସ୍ମଲ ଫାଇନାନ୍ସ ବ୍ୟାଙ୍କର ଶାଖା ପରିଚାଳକ ପୁଷ୍ପମିତ୍ର ପଣ୍ଡା ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ । ୧୫ ଓଭର ବିଶିଷ୍ଟ ଫାଇନାଲ୍ ମ୍ୟାଚ ‘ଏ’ ଓ ‘ଡି’ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ପ୍ରଥମେ ‘ଏ’ ଦଳ ବେଟିଂ କରି ନିର୍ଦ୍ଧାରିତ ୧୫ ଓଭରରେ ୬୭ ରନ୍ କରିଥିବା ବେଳେ ଡି ଦଳ ୧୩ ଓଭର ଓ ୩ଟି ବଲ୍  ରେ ଏ-ଦଳକୁ ପରାସ୍ତ କରି ବିଜୟ ଘୋଷଣା ହୋଇଥିଲା । ଟିିମ୍ ‘ଡି’ ଦଳର ସୌମ୍ୟ ରଂଜନ ପଣ୍ଡାଙ୍କୁ ମେନ୍ ଅଫ୍ ଦ ମ୍ୟାଚ ଓ ମେନ୍ ଅଫ୍ ଦ ସିରିଜ୍ ଘୋଷଣା କରାଯାଇଥିବା ବେଳେ ବେଷ୍ଟ ୱିକେଟ କିପର୍ ଭାବରେ ବ୍ରଜ ମିଶ୍ର ଓ ଅଜିମ୍ ଖାନ୍‌, ବେଷ୍ଟ ଫିଲ୍ଡର ଭାବରେ ଧୀରେନ୍ଦ୍ର ପୃଷ୍ଟି ଏବଂ ସମୀର ଦାସ, ବେଷ୍ଟ ବୋଲର୍ ଭାବରେ ରୋଷନ ପଣ୍ଡା ଏବଂ ବେଷ୍ଟ ଅର୍ଗାନାଇଜର୍ ଭାବରେ ଗୋବିନ୍ଦ ମହାନ୍ତି ଙ୍କୁ ଟ୍ରଫି ଓ ସାର୍ଟିଫିକେଟ ପ୍ରଦାନ କରାଯାଇଥିଲା । ଚାରୋଟି ମ୍ୟାଚ ରେ ଖେଳିଥିବା ସମସ୍ତ ଖେଳାଳି ମାନଙ୍କୁ ପାଟିସିପେସନ୍‌ ସାର୍ଟିଫିକେଟ ପ୍ରଦାନ କରାଯାଇଥିଲା । ଶେଷରେ ସଂଘର ସଂପାଦକ ସଂଜୟ ବଗର୍ତ୍ତୀ ସମସ୍ତଙ୍କୁ ଧନ୍ୟବାଦ ଅପର୍ଣ କରିଥିଲେ । ଖେଳକୁ ପରିଚାଳନାରେ ପ୍ରଭାସ ମିଶ୍ର, ମଦନ ସେଠ, ସଂଜୀବ ହୋତା, ସମୀର ମିଶ୍ର, ସୁରେନ୍ଦ୍ର ମିଶ୍ର, ଅଶୋକ ରାଉତ ଏବଂ ଅନ୍ୟମାନେ ସହଯୋଗ କରିଥିଲେ ।