04-Feb-2026

ଡାବୁଗାଁ, (ପ୍ରିୟଦର୍ଶିନୀ ପାତ୍ର)
 ନବରଙ୍ଗପୁର ଜିଲା ଡାବୁଗାଁ ବ୍ଲକ କାର୍ଯ୍ୟ|ଳୟ ପରିସରରେ ସମ୍ପୂର୍ଣ୍ଣତା ଅଭିଯାନ ୨.୦ ଉଦଘାଟନ ଉତ୍ସବ ବୁଧବାର ପାଳିତ ହୋଇଯାଇଛି | ଏଥିରେ ପ୍ରଥମେ ଡାବୁଗାଁ ସରକାରୀ ପଞ୍ଚାୟତ ଉଚ୍ଚ ବିଦ୍ୟାଳୟରୁ  ଏକ ରାଲି ବାହାରି ବ୍ଲକ କାର୍ଯ୍ୟ|ଳୟ ଠାରେ ପହଞ୍ଚିଥିଲା | ପରେ ଅତିଥି ମାନଙ୍କ ଦ୍ଵାରା ବିଭିନ୍ନ ବିଭାଗର ଷ୍ଟଲ ଗୁଡିକ ଉଦଘାଟନ କରାଯାଇଥିଲା | ପରେ ଶପଥ ପାଠ ହୋଇଥିଲା | ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଲା:- “ସ୍ୱାସ୍ଥ୍ୟ ଓ ପୋଷଣ” (୧). ୬ ମାସରୁ ୬ ବର୍ଷ ବୟସର ଶିଶୁମାନଙ୍କ ମଧ୍ୟରୁ ମହିଳା ଓ ଶିଶୁ ବିକାଶ କାର୍ଯ୍ୟକ୍ରମ ଅଧୀନରେ ନିୟମିତ ଭାବେ ପୂରକ ପୋଷଣ ଗ୍ରହଣ କରୁଥିବା ଶିଶୁମାନଙ୍କର ପ୍ରତିଶତ, (୨) ରିପୋର୍ଟିଂ ମାସରେ ଅଙ୍ଗନୱାଡ଼ି କେନ୍ଦ୍ରରେ ନାମଲେଖା ଶିଶୁମାନଙ୍କର ମାପନ କାର୍ଯ୍ୟର କାର୍ଯ୍ୟକ୍ଷମତା, (୩) କାର୍ଯ୍ୟରତ ଅଙ୍ଗନୱାଡ଼ି କେନ୍ଦ୍ରମାନଙ୍କ ମଧ୍ୟରୁ କାର୍ଯ୍ୟକ୍ଷମ ଶୌଚାଳୟ ଥିବା କେନ୍ଦ୍ରର ପ୍ରତିଶତ, (୪) କାର୍ଯ୍ୟରତ ଅଙ୍ଗନୱାଡ଼ି କେନ୍ଦ୍ରମାନଙ୍କ ମଧ୍ୟରୁ ପାନୀୟ ଜଳ ସୁବିଧା ଥିବା କେନ୍ଦ୍ରର ପ୍ରତିଶତ, “ଶିକ୍ଷା” (୫) ସମୁଦାୟ ବିଦ୍ୟାଳୟ ସଂଖ୍ୟା ସହିତ ତୁଳନାରେ ପର୍ଯ୍ୟାପ୍ତ ସଂଖ୍ୟାର କନ୍ୟା ଶୌଚାଳୟ ସୁବିଧା ଥିବା ବିଦ୍ୟାଳୟମାନଙ୍କର ପ୍ରତିଶତ, “କୃଷି” (୬) ଫୁଟ୍ ଏଣ୍ଡ୍ ମାଉଥ୍ ଡିଜିଜ୍ (ଏଫଏମଡି) ବିରୁଦ୍ଧରେ ଟୀକାକରଣ ପାଇଥିବା ଗୋବଂଶ ପଶୁମାନଙ୍କର ପ୍ରତିଶତ  ଆଦି ୬ ଗୋଟି କାର୍ଯ୍ୟକ୍ରମ ଆସନ୍ତା ଏପ୍ରିଲ ୧୪ ତାରିଖ ସୁଦ୍ଧା ଶତ ପ୍ରତିଶତ ସଂପୂର୍ଣ୍ଣ କରିବା ନିମନ୍ତେ ସମ୍ପୂର୍ଣ୍ଣତା ଅଭିଯାନ ର ଆରମ୍ଭ ହୋଇଛି |

ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଡାବୁଗାଁ ବିଧାୟକ ମନୋହର ରନ୍ଧାରୀ, ଜିଲା ଯୋଜନା ଉପନିର୍ଦ୍ଦେଶକ ଐଶ୍ଵର୍ଯ୍ୟ ଭଞ୍ଜ, ନୀତି ଆୟୋଗ ର ପ୍ରତିନିଧି ପିରାମିଡ ଫାଉଣ୍ଡେସନ ର କାର୍ଯ୍ୟକ୍ରମ ପରିଚାଳକ ବିକ୍ରମ କିଶୋର ରାଣା, ଜିଲା ପରିଷଦ ସଭ୍ୟ  ଗୁପ୍ତ ବିଶୋଇ, ବିଡିଓ ସମୀର କୁମାର ପାତ୍ର, ସିଡିପିଓ ମିନତୀ ଦାଶ, ପ୍ରାଣୀ ଚିକିତ୍ସକ ଏନ. ଲୋକନାଥ ରେଡ୍ଡୀ, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଭଗବାନ ମାଝି, ଏମ୍. ଆପ୍ପା ରାଓ, ବ୍ଲକ ବିଜେଡି ସଭାପତି ସୁରେନ୍ଦ୍ର କୁମାର ମିଶ୍ର, ଭାଜପା ଡାବୁଗାଁ ମଣ୍ଡଳ ସଭାପତି ମନୋଜ ପାତ୍ର, ବୋରୀଗାଁ ମଣ୍ଡଳ ସଭାପତି ଜଗଦୀଶ ଭତ୍ରା, ଜିଲା ଯୁବ ମୋର୍ଚ୍ଚା ସଭାପତି ଶୁଭଜିତ ପାଣିଗ୍ରାହୀ, ଭାଜପା ଜିଲା ସମ୍ପାଦକ ଜେ. ରାଜଶେଖର ରାଓ, ବ୍ଲକ କଂଗ୍ରେସ ସଭାପତି ଜି. ସାଇ ରାଜୁ, ଘୋଡାଖୁଣ୍ଟା ପଞ୍ଚାୟତ ସରପଞ୍ଚ ଲୀଳାଦେଇ ମାଝି, ସମିତି ସଭ୍ୟ ପର୍ଶୁରାମ ଶବର, ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ ପାଣିଗ୍ରାହୀ, ବ୍ଲକ ମଙ୍ଗଳ ସଂମ୍ପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ, ଓଏଲଏମ ବିପିଏମ ଦୀପ୍ତି କିଶୋର ନାୟକ, ପ୍ରମୁଖ ମଞ୍ଚାସୀନ ଥିଲେ | ଉକ୍ତ କାର୍ଯ୍ୟକ୍ରମକୁ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା, ଆକାଂକ୍ଷା ବ୍ଲକ ସହଭାଗୀ ମୋନାଲ ପରିଡା ଓ ପେସା ସଂଯୋଜକ ଶୁଭଶ୍ରୀ ମହାଙ୍କୁଡ ପରିଚାଳନା କରିଥିବା ବେଳେ ବ୍ଲକ ଓ ଆଇସିଡିଏସ ଅଧିକାରୀ ଓ କର୍ମଚାରୀ ମାନେ ସହଯୋଗ କରିଥିଲେ |