03-Feb-2026

ତୁଷୁରା(ପଞ୍ଚାନନ ନାଏକ)- ପଞ୍ଚମ ତୋଷାଳୀ ମହୋତ୍ସବ ଉପଲକ୍ଷେ ନିଷାନ ସାହିତ୍ୟ, କଳା ଓ ସଂସ୍କୃତି ଏକାଡେମୀ ତୁଷୁରା, ବଲାଙ୍ଗିର ଆନୁକୁଲ୍ୟରେ ରାଜ୍ୟ ସ୍ତରୀୟ ବହୁଭାଷୀ କବିତା ସଭାପତି ଡ. ଶ୍ୟାମ ସୁନ୍ଦର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ପ୍ରଥମ ଅଧିବେଶନରେ  ବିଶିଷ୍ଟ ଶିକ୍ଷାବିତ ସଚ୍ଚିଦାନନ୍ଦ ପଟ୍ଟନାୟକ ଉଦ୍ଘାଟକ ଭାବେ ଯୋଗ ଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ନିଷାନର ପ୍ରତିଷ୍ଠାତା ସମ୍ପାଦକ ଡ. ହେମନ୍ତ କୁମାର ଦାଶ ସ୍ବାଗତ ଭାଷଣ ପ୍ରଦାନ କରିଥିଲେ। ଏଥିରେ ସମ୍ମାନିତ ଅତିଥି ଭାବେ କଣ୍ଡୁରୀ ଚରଣ ରାଉତ, ବିଦେଶୀ ନାୟକ ଯୋଗ ଦେଇ ତୁଷୁରାର ଐତିହାସିକ ମାଟିର ବାସ୍ନା ସବୁଠୁ ନିଆରା ଓ ଆକର୍ଷଣୀୟ ବୋଲି କହିଥିଲେ। ବ୍ୟଙ୍ଗ କବି ମୁନିରାମ କୁମ୍ଭାର ଓ ବ୍ୟଙ୍ଗ କୁଇନ୍ ଅନୁପ୍ରିୟା ମିଶ୍ର ଯୋଗ ଦେଇ ବ୍ୟଙ୍ଗ କବିତା ଶୁଣାଇ ଉପସ୍ଥିତ ଦର୍ଶକଙ୍କ ମନ ମୋହି ନେଇଥିଲେ।  ଡ. ସବିତା ମହରା ମଞ୍ଚ ସଞ୍ଚାଳନ କରିଥିଲେ। କବୟିତ୍ରୀ ତୃପ୍ତିମୟୀ ତ୍ରିପାଠୀ ସ୍ବାଗତ ସଂଗୀତ ପରିବେଷଣ କରିଥିଲେ ଓ ବବିତା ନାୟକ ଧନ୍ୟବାଦ ଅର୍ପଣ କରିଥିଲେ। ଦ୍ଵିତୀୟ ଅଧିବେଶନରେ ବିଶିଷ୍ଟ ଅତିଥି ଭାବେ ବିଶିଷ୍ଟ ସାହିତ୍ୟିକ ତଥା ସ୍ତମ୍ଭକାର ତୁଳସୀ ଜୈନ ଯୋଗ ଦେଇ ନିଷାନ ସାହିତ୍ୟ ସଂସଦ ସାହିତ୍ୟ ଜଗତର ଏକ ଆଲୋକ ବର୍ତ୍ତିକା ବୋଲି କହିଥିଲେ । ମୁଖ୍ୟ ଅତିଥି ଭାବେ ତୁଷୁରା ନଗରପାଳ ଅଜୟ ଜୟଶ୍ବାଲ ଯୋଗ ଦେଇ ଚଳିତ ବର୍ଷର ସ୍ବର୍ଗତ ରମେଶ ପ୍ରଧାନ ସ୍ମୃତି ସମ୍ମାନ ବିଶିଷ୍ଟ କୋଶଳି ଗବେଷକ ସୁଶୀଳ କୁମାର ଗୁରୁଙ୍କୁ ପ୍ରଦାନ କରିଥିଲେ ଓ ନିଜେ ମଧ୍ୟ ଏକ କବିତା ଆବୃତ୍ତି କରିଥିଲେ। ଏଥିରେ ସମ୍ମାନିତ ଅତିଥି ଭାବେ କବି ସୁଶାନ୍ତ ବାଗ, ଉପଦେଷ୍ଟା ମଧୁସୂଦନ ଦାଶ, ତୋଷାଳୀ ମହୋତ୍ସବ ଉପଦେଷ୍ଟା କିମିଟ ସଭାପତି ସୁରେଶ ଚନ୍ଦ୍ର ସାହୁ ଓ ବିଶିଷ୍ଟ ସମାଜସେବୀ ପିଙ୍କୁ ଅଗ୍ରୱାଲ ଯୋଗ ଦେଇଥିଲେ। ଏଥିରେ ଝାରସୁଗୁଡ଼ା, ବରଗଡ, ସୁବର୍ଣ୍ଣପୁର, କଳାହାଣ୍ଡି ଓ ବଲାଙ୍ଗିର ଜିଲ୍ଲାର ଶତାଧିକ କବି କବୟିତ୍ରୀ ଯୋଗ ଦେଇ ସ୍ବରଚିତ କବିତା ପାଠ କରିଥିଲେ। ଡ. ଦାଶ ଦ୍ବିତୀୟ ଅଧିବେଶନର ସମ୍ବର୍ଦ୍ଧନା ପର୍ବରେ ମଞ୍ଚ ସଞ୍ଚାଳନ କରିଥିଲେ।