01-Feb-2026

ବଲାଙ୍ଗୀର (ପ୍ରେରଣା ଖବର): ବରିଷ୍ଠ ସାମ୍ବାଦିକ  ରାମ କୁମାର ଅଗ୍ରୱାଲ ଙ୍କ ବିୟୋଗରେ ଜିଲ୍ଲା ସାମ୍ବାଦିକ ସଂଘ ପକ୍ଷରୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ଆଜି ଦିବଙ୍ଗତ  ସାମ୍ବାଦିକ ଶ୍ରୀ ଅଗ୍ରୱାଲଙ୍କ  ଗଙ୍ଗା ଶ୍ରାଦ୍ଧ ଅବସରରେ ଏହି ଅମର ଆତ୍ମାର ସଦଗତି ପାଇଁ  ବଲାଙ୍ଗୀର ଜିଲ୍ଲା ସାମ୍ବାଦିକ ଭବନଠାରେ ଏକ ଶୋକସଭା ଅନୁଷ୍ଠିତ ହୋଇଥିଲା। ପ୍ରଥମେ ସ୍ୱର୍ଗତ ଅଗ୍ରୱାଲ ଙ୍କ ଫଟୋଚିତ୍ରରେ  ଧୂପଦୀପ ଓ ପୁଷ୍ପମାଲ୍ୟ ଅର୍ପଣ ସହ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇ ଥିଲା। ସାମ୍ବାଦିକ ଭବନର ପ୍ରତିଷ୍ଠା କ୍ଷେତ୍ରରେ ଶ୍ରୀ ଅଗ୍ରୱାଲ ଙ୍କ ସ୍ମରଣୀୟ ସାମର୍ଥ୍ୟ, ସାଙ୍ଗଠନିକ ଦକ୍ଷତା ତଥା ସାମ୍ବାଦିକ ବୃତ୍ତିର ଗାରିମା ବୃଦ୍ଧି ଦିଗରେ ଶ୍ରୀ ଅଗ୍ରୱାଲଙ୍କ ଅବଦାନ ଏକ ଅଭୁଲା ସ୍ମୃତି ହୋଇ ରହିବ ବୋଲି ସାମ୍ବାଦିକ ମାନେ ନିଜ ଵକ୍ତାବ୍ୟରେ କହିଥିଲେ l ଏଥିରେ ବରିଷ୍ଠ ସାମ୍ବାଦିକ ତଥା ଏସ ୟୁ ଜେ ରାଜ୍ୟ ଉପଦେଷ୍ଟା ଗୋପବନ୍ଧୁ ଶତପଥୀ, ଜିଲ୍ଲା ସାମ୍ବାଦିକ ସଂଘର ସଂପାଦକ ଶିଶିରକାନ୍ତ ଶତପଥି, ବରିଷ୍ଠ ସାମ୍ବାଦିକ  ତଥା ଏସ ଯୁ ଜେ ରାଜ୍ୟ ଉପସଭାପତି ମହେନ୍ଦ୍ର କୁମାର ଦର୍ଜି,  ଏସ ୟୁ ଜେ ବଲାଙ୍ଗୀର ଜିଲ୍ଲା ସଭାପତି ଶରତ କୁମାର ମହାକୁର,  ସାମ୍ବାଦିକ ଦୀପକ ପୁରୋହିତ, ସନ୍ଦୀପ କୁମାର କୁଅଁର, ମହମ୍ମଦ ଶେଖ ୱାହିଦ ଓ.ୟୁ.ଜେ ର ରାଜ୍ୟ ସମ୍ପାଦକ ରିତୁରଜ ସିଂହ, ଏସ ୟୁ ଜେ ବଲାଙ୍ଗୀର ଜଲ୍ଲା ସାଧାରଣ ସମ୍ପାଦକ ରଘୁ ନନ୍ଦନ ସିଂହ, ସାମ୍ବାଦିକ ଯୁଧିଷ୍ଠିର ମେହେର, ପୱନ ଅଗ୍ରୱାଲ ପ୍ରମୁଖ ସ୍ୱର୍ଗତ ଅଗ୍ରୱାଲ ଙ୍କ ସାମ୍ବାଦିକ ଜୀବନର ବିଭିନ୍ନ ଦିଗ ଉପରେ ସ୍ମୃତିଚାରଣ କରିଥିଲେ l