31-Jan-2026

କଣ୍ଟାମାଳ(ଜୟ କୁମାର ମହାରଣା): ଶିକ୍ଷା ହିଁ ମନୁଷ୍ୟର ଅଜ୍ଞାନତାର ଅନ୍ଧକାର ଦୂର କରିଥାଏ ବୋଲି ବୁଧବାର ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସ୍ଥିତ ଓଡିଶା ପବ୍ଲିକ ସ୍କୁଲ ଓ ପିଇ କୋଚିଂ ସେଣ୍ଟର ର ପ୍ରଥମ ବାର୍ଷିକୋତ୍ସବ “ଭାଇବ୍ରାନ୍ସ” ରେ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ ମୁଖ୍ୟଅତିଥି ଭାବେ ଯୋଗଦେଇ ନିଜ ବକ୍ତବ୍ୟରେ କହିଥିଲେ   l  ପିଇ କୋଚିଂ ର ପ୍ରତିଷ୍ଠାତା ଓ ଓଡିଶା ପବ୍ଲିକ ସ୍କୁଲ ର ନିର୍ଦେଶକ ପଞ୍ଚାନନ କର୍ଣ୍ଣ ଙ୍କ ତତ୍ୱାବଧାନରେ ଅନୁଷ୍ଠିତ ପ୍ରଥମ ବାର୍ଷିକୋତ୍ସବ ରେଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ ମୁଖ୍ୟଅତିଥି,ଅବସରପ୍ରାପ୍ତ ଅଧ୍ୟାପକ ସନ୍ତୋଷ କୁମାର ବିଶି ମୁଖ୍ୟ ବକ୍ତା ଓ ସମ୍ମାନୀତ ଅତିଥି ଭାବେ କଣ୍ଟାମାଳ ଥାନାଧିକାରୀ ଇନ୍ସପେକ୍ଟର ବାସୁଦେବ ଭୋଇ,ଫାୟାର ଅଫିସର ବୌଦ୍ଧ ସୁମନ୍ତ କୁମାର ଜେନା, ଇଂରାଜୀ ଶିକ୍ଷକ ଆଦର୍ଶ ବିଦ୍ୟାଳୟ କଣ୍ଟାମାଳ ଅନନ୍ତ କୁମାର ପ୍ରଧାନ,କଣ୍ଟାମାଳ ହାଇସ୍କୁଲ ପ୍ରଧାନଶିକ୍ଷକ ମନୋରଞ୍ଜନ ପ୍ରଧାନ, ଶିମିଳିଯୋରା ହାଇସ୍କୁଲ ପ୍ରଧାନଶିକ୍ଷକ ପ୍ରକାଶ ପ୍ରଧାନ, ପଞ୍ଚାୟତ କଲେଜ କଣ୍ଟାମାଳ ଅଧ୍ୟାପକ ବସନ୍ତ କୁମାର ଖଟୁଆ, ପ୍ରଧାନଶିକ୍ଷକ ରାୟଗୁଡା କୁଶ ନାୟକ, ସମାଜସେବୀ ରଞ୍ଜିପ ସାହୁ, ବିଦ୍ୟାଳୟ ପରିଚାଳନା କମିଟି ସଦସ୍ୟ ସୁଶାନ୍ତ କୁମାର କହଁର ପ୍ରମୁଖ ଯୋଗଦେଇଥିଲେ  l  ବିଦ୍ୟାଳୟ ଅଧ୍ୟକ୍ଷ ଉଦୟ ନାଥ ଧଳ ବାର୍ଷିକ ବିବରଣୀ ପାଠ କରିଥିଲେ  l  ଶିକ୍ଷକ ଆୟୁଷ କୁମାର ନାୟକ ଓ ସୁଶ୍ରୀ ପ୍ରଭାସିନୀ ନାୟକ

ଅତିଥିପରିଚୟ ସହ ସଭା ସଂଯୋଜନା ଏବଂ ବାଲି ତୀର୍କୀ ଧନ୍ୟବାଦ ଅର୍ପଣ କରିଥିଲେ  l  ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତି ପ୍ରତିଯୋଗୀ ମାନଙ୍କୁ ଅତିଥିମାନେ ପୁରସ୍କୃତ କରିଥିଲେ  l  ଆରମ୍ଭରେ ଛାତ୍ରୀମାନେ ସ୍ୱାଗତ ସଙ୍ଗୀତ ପରିବେଷଣ କରିଥିଲେ  l  ଏହି ଅବସରରେ ବିଦ୍ୟାଳୟ ଛାତ୍ରଛାତ୍ରୀ ମାନଙ୍କ ଦ୍ୱାରା ସଚେତନତାମୂଳକ ନାଟକ ‘ଅଭିଳାସା’ ଦର୍ଶକଙ୍କ ମନଛୁଆଁ ହୋଇଥିଲା  l  ଏଥିସହ ଛାତ୍ରଛାତ୍ରୀ ମାନଙ୍କ ଦ୍ୱାରା ଅନୁଷ୍ଠିତ ରଙ୍ଗାରଙ୍ଗ ନୃତ୍ୟ ସଙ୍ଗୀତ ଦର୍ଶକଙ୍କୁ ବିଳମ୍ବିତ ରାତି ପର୍ଯ୍ୟନ୍ତ ବାନ୍ଧି ରଖିଥିଲା  l  ବିଦ୍ୟାଳର ସମସ୍ତ ଶିକ୍ଷକ ଶିକ୍ଷୟିତ୍ରୀ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଛାତ୍ରଛାତ୍ରୀ ମାନେ ସହଯୋଗ କରିଥିଲେ l