30-Jan-2026

ବଲାଙ୍ଗୀର, (ପ୍ରେରଣା ଖବର) ବଲାଙ୍ଗୀର - ସୋନପୁର ନିର୍ମାଣ ଶ୍ରମିକ ସଂଘ ତରଫରୁ ହୋଇଥିବା ବୈଶାଖି ନାଟ୍ୟ ମହୋତ୍ସବ ର ଆଲୋଚନା ଚକ୍ର ପଥପ୍ରାନ୍ତ ନାଟକର ପ୍ରସ୍ତୁତି ଓ ପରିବେଷଣ ବିଷୟକୁ ନେଇ ଏକ କାର୍ଯ୍ୟକ୍ରମ ଲୋଇସିଂହା ସ୍ଥିତ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମ ରେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଅକ୍ଷୟ ପାଣି ଉଡୁ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ସମାଜସେବୀ ଯୁଧିଷ୍ଠିର ପଧାନ, ବ୍ଳକ କଳାକାର ସଂଘ ସଭାପତି ସରୋଜ ବିଶ୍ବାଳ, କଳାକାର ସଂଘ ଆଇନ୍ ପରାମର୍ଶ ଦାତା ଭବାନୀଶଙ୍କର ଭୋଇ ପ୍ରମୁଖ ଯୋଗ ଦେଇଥିଲେ। ନିମନ୍ତ୍ରିତ ଅତିଥି ମାନଙ୍କ ଦ୍ଵାରା ସର୍ବ ପ୍ରଥମେ ମାଁ ସମଲେଶ୍ଵରୀ ଙ୍କ ଠାରେ ପୂଜାର୍ଚ୍ଚନା କରି କାର୍ଯ୍ୟକ୍ରମ ଉଦ୍ଘାଟନ କରାଯାଇଥିଲା  ଏହି ପରିପ୍ରେକ୍ଷୀରେ  ଭାରତୀୟ ସୈନ୍ୟ ବାହିନୀରେ ନୂତନ ଭାବେ ନିଯୁକ୍ତି ପାଇଥିବା ବ୍ୟକ୍ତି ମାନଙ୍କ ସହିତ ଅବସର ପ୍ରାପ୍ତ ସୈନିକ ମାନଙ୍କୁ ସମ୍ବର୍ଦ୍ଧନା ଦିଆଯାଇଥିଲା l ଏହାପରେ ସରୋଜ ବିଶ୍ବାଳ ପଥପ୍ରାନ୍ତ ନାଟକ ର ପ୍ରସ୍ତୁତି ଓ ପରିବେଷଣ ବିଷୟରେ ବ୍ଳକର ବିଭିନ୍ନ ଅଞ୍ଚଳରୁ ଆସିଥିବା କଳାକାରମାନଙ୍କୁ ଆଲୋକପାତ କରିଥିଲେ। ଉକ୍ତ କାର୍ଯ୍ୟକ୍ରମ କୁ ଲୋଇସିଂହା ବ୍ଳକ କଳାକାର ସଂଘ ସହଯୋଗ କରି ଶତାଧିକ କଳାକାର ଭାଗ ନେଇଥିଲେ। ସରୋଜ କୁମାର ମହାକୁର ପରିଚାଳନା କରିଥିବା ବେଳେ ଗୋପାଳ ଚନ୍ଦ୍ର ସାହୁ ଧନ୍ୟବାଦ୍ ଅର୍ପଣ କରିଥିଲେ l