27-Jan-2026

ଆଗଲପୁର, (ବିନୋଦ ଦୀପ) ଆଜି ଆଗଲପୁର ବ୍ଲକ୍ ପରିସର ରେ ଜିଲ୍ଲାପାଳ ଙ୍କ ଯୁଗ୍ମ ଅଭିଯୋଗ ଶୁଣାଣୀ ଶିବିର ଅନୁଷ୍ଠିତ ହୋଇଥିଲା l ଏହି ଶିବିର ରେ ବଲାଙ୍ଗୀର ଜିଲ୍ଲା ର ଜିଲ୍ଲାପାଳ ଗୌରବଶିବାଜୀ ଇସଲୱାର ଉପସ୍ଥିତ ରହି ଶିବିର କୁ ଆଗେଇ ନେଇଥିଲେ l ଗୋଷ୍ଠୀ ଉନ୍ନୟନ ଅଧିକାରୀ ମହାପାତ୍ର କୁଲଦୀପ ମହାନ୍ତି ଙ୍କ ତତ୍ତ୍ଵାବଧାନ ରେ ଉକ୍ତ ଶିବିର ପରିଚାଳିତ ହୋଇଥିଲା l

ଏହାସହ ପ୍ରକଳ୍ପ ନିର୍ଦ୍ଦେଶକ ବଲାଙ୍ଗୀର ତରଣିସେନ୍ ସୁନା, ଏସ୍ଡ଼ିପିଓ ସରୋଜ କୁମାର ଉପାଧ୍ୟାୟ, ଉପ ଜିଲ୍ଲାପାଳ ଆଲୋକ ପଟେଲ୍, ସି ଏସ ଓ ରଞ୍ଜନ ପଣ୍ଡା, ଡି ଏସ ଓ ସୁଷମା ମହାପାତ୍ର, ଡି ପି ଓ ସରୋଜ ମେହେର ଓ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଉପସ୍ଥିତ ରହି ପ୍ରତ୍ୟେକ୍ଷ ଭାବରେ ଜନ୍ ଶୁଣାଣୀ ଶିବିର ରେ ସହଯୋଗ କରିଥିଲେ। ତାଙ୍କ ସହିତ ଜିଲ୍ଲାର ପ୍ରତ୍ୟେକ ବିଭାଗ ର ମୁଖ୍ୟ ଅଧିକାରୀ ମଧ୍ୟ ଉପସ୍ଥିତ ରହି ନିଜ ନିଜ ବିଭାଗର ଅଭିଯୋଗ କୁ ଗୁରୁତ୍ୱ ଦେଇ ଏହାର ସମାଧାନ ପାଇଁ ପ୍ରୟାସ କରିଥିଲେ। ଏହାସହ ବ୍ଲକ୍ ର ସମସ୍ତ ବିଭାଗୀୟ ଅଧିକାରୀ, ସମସ୍ତ ଯନ୍ତ୍ରୀ, ଓ ସମସ୍ତ କର୍ମଚାରୀ ଉପସ୍ଥିତ ରହି ଶିବିରକୁ ପୂର୍ଣ୍ଣ ସହଯୋଗ କରିଥିଲେ। ଆଜିର ଯୁଗ୍ମ ଅଭିଯୋଗ ଶୁଣାଣୀ ଶିବିର ରେ ସର୍ବମୋଟ 42 ଟି ଅଭିଯୋଗ ପଞ୍ଜିକରଣ ହୋଇଥିବା ବିଭାଗୀୟ ଅଧିକାରୀ ସୂଚନା ଦେଇଛନ୍ତି। ବିଶେଷ କରି ଜଙ୍ଗଲ ଜମିକୁ କିଛି ଅସାମାଜିକ ବ୍ୟକ୍ତି ନିଜ ନାମରେ ପଟ୍ଟା କରିନେଇଥିବା ନେଇ ଅଭିଯୋଗ ଆସିଥିବା ସହ  ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ରାସ୍ତା ଉଦ୍ୟାନ, କୃଷି, ଜମି ଉନ୍ନତି କରଣ, ଭତ୍ତା, ଇତ୍ୟାଦି ଉପରେ ଅଭିଯୋଗ ଆସିଥିବାର ଦେଖିବାକୁ ମିଳିଥିଲା। ସମସ୍ତ ଅଭିଯୋଗ କୁ ଗ୍ରହଣ କରି ତା ଉପରେ ତଦନ୍ତ କରାଯାଇ ଉଚିତ୍ ପଦକ୍ଷେପ ନିଆଯିବ ବୋଲି ଜିଲ୍ଲାପାଳ ଶ୍ରୀ ଇସଲୱାର ପ୍ରକାଶ କରିଛନ୍ତି l