23-Jan-2026

ଲୋଇସିଂହା, (ବିନୋଦ ଦୀପ) : ଲୋଇସିଂହା ଷ୍ଟାଡିୟମ ଟ୍ରଷ୍ଟବୋର୍ଡ ଏବଂ ଏଥଲେଟିକ ଆସୋସିଏସନର ମିଳିତ ଆନୁକୂଲ୍ୟରେ ପ୍ରଥମ “ଲୋଇସିଂହା କପ ଟେନିସ ବଲ କ୍ରିକେଟ ଟୁର୍ଣାମେଣ୍ଟ” ଆଜି ଉଦଘାଟିତ ହୋଇଯାଇଛି । ଉଦଘାଟନୀ ମ୍ୟାଚ୍ ବନ୍ଧଲୀପଡ଼ା  ଓ ରାଣୀକଣ୍ଟା ମଧ୍ୟରେ ଅନୁଷ୍ଠିତ ହୋଇଥିଲା ।ଉକ୍ତ ମ୍ୟାଚ ରେ ବନ୍ଧଲିପଡ଼ା କ୍ରିକେଟ ଦଳ ବିଜେତା ହୋଇଥିଲା । ଉକ୍ତ ମ୍ୟାଚ କୁ ମହେଶ କର ଓ ଆଶିଷ ଦଳେଇ  ପରିଚାଳନା କରିଥିଲେ । ଉଦଘାଟନୀ ସମାରୋହରେ ମୁଖ୍ୟ ଅତିଥି ଭାବେ ଲୋଇସିଂହା ସରପଞ୍ଚ ନବକିଶୋର ନାଏକ ଯୋଗଦେଇ କ୍ରୀଡା ପତାକା ଉତ୍ତୋଳନ ପୂର୍ବକ ପ୍ରତିଯୋଗିତାର ଶୁଭାରମ୍ଭ କରିଥିଲେ । ସମ୍ମାନିତ ଅତିଥି ଭାବେ ସ୍ଥାନୀୟ  ଟ୍ରଷ୍ଟବୋର୍ଡ ସମ୍ପାଦିକା ସ୍ମିତା ମିଶ୍ର,ବିଶ୍ୱନାଥ ଭୂୟାଁ, ଯୋଗଦେଇ ଖେଳାଳିଙ୍କୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ ଲୋଇସିଂହା ଏଥଲେଟିକ ଆସୋସିଏସନ ର କାର୍ଯ୍ୟକାରୀ ସଭାପତି ଦିଲ୍ଲୀପ ବେହେରା,ସମ୍ପାଦକ ଶିବ ଅଗ୍ରୱାଲ, ଟ୍ରଷ୍ଟବୋର୍ଡ ସଦସ୍ୟ ତଥା ଅବସରପ୍ରାପ୍ତ ଶିକ୍ଷାବିତ୍ ବିଭୂତି ଭୂଷଣ ସାହାଣୀ  ପ୍ରମୁଖ ମଞ୍ଚାସିନ ଥିଲେ । ପ୍ରତିଯୋଗିତାରେ ମୋଟ ୧୬ ଟି ଦଳ ଅଂଶଗ୍ରହଣ କରୁଥିବା ବେଳେ ଆସନ୍ତା ୨୬ ତାରିଖରେ ଫାଇନାଲ ମ୍ୟାଚ ଅନୁଷ୍ଠିତ ହେବ । ଶ୍ରୀତମ ସେବକ,ଜ୍ୟୋତି ବେହେରା,ସୁବ୍ରତ ମେହେର,ଅମନ ଭୋଇ,ଆକାଶ ଦଳେଇ,ଆକାଶ ଦାସ,ସତ୍ୟମ ସାହୁ ପ୍ରମୁଖ ସହଯୋଗ କରିଥିଲେ।