17-Jan-2026

(ଚିନ୍ତାମଣି ନାଏକ)
ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟ ହେଉ କିମ୍ବା କୌଣସି ଘରୋଇ ଡାକ୍ତରଖାନା ରେ ହେଉ ରକ୍ତ ଦରକାର ହେଉଥିବା ରୋଗୀ ଯଦି ସୋସିଆଲ ୱେଲଫେୟର ଅର୍ଗାନାଇଯେସନ୍, କଳାହାଣ୍ଡି ପରିବାର ର ମହିଳା ସଭାନେତ୍ରୀ ତଥା ଆଶା କର୍ମୀ ଶ୍ରୀମତୀ ଶାନ୍ତି ମାଝୀ ଙ୍କୁ ଯୋଗାଯୋଗ କରନ୍ତି ତାହେଲେ ସେମାନଙ୍କୁ କେବେ ମଧ୍ୟ ନିରାଶ ହେବାକୁ ପଡ଼େ ନି। ସେହି ପରି କର୍ଲାମୁଣ୍ଡା ବ୍ଲକ ଅନ୍ତର୍ଗତ କସ୍ତୁରୀଗୁଡା ଗ୍ରାମର ଉର୍ମିଳା ସାହୁ ନାମକ ୪୮ ବର୍ଷର ମହିଳାଙ୍କ ଦେହରେ ମାତ୍ର ୨.୭ ପ୍ରତିଶତ ରକ୍ତଥିବା ଯୋଗୁଁ ମହିଳା ଜୀବନ ମରଣ ସହ  ସଂଘର୍ଷ କରୁଥିଲେ । ମହିଳା ଙ୍କ ଏକ ମାତ୍ର ଝିଅ ଅନେକ ଲୋକଙ୍କୁ ରକ୍ତ ପାଇଁ ହାରି ଗୁହାରି କରୁଥିଲେ କିନ୍ତୁ କଳାହାଣ୍ଡି ଉତ୍ସବ ରେ ଲୋକେ ବ୍ୟସ୍ତତା ଥିବା ଯୋଗୁଁ କେହି ମଧ୍ୟ ରକ୍ତଦେବା ପାଇଁ ଆଗେଇ ଆସି ନଥିଲେ ।  ଏପରି ଘଡି ସନ୍ଧି ଦୁଃଖଦ ସମୟରେ ଜଣେ ସହୃଦୟ ବ୍ୟକ୍ତି ସୋସିଆଲ ୱେଲଫେୟର ଅର୍ଗାନାଇଯେସନ୍ କଳାହାଣ୍ଡି ପରିବାର ର ମହିୟସୀ ମହିଳା ସଭାନେତ୍ରୀ ଶାନ୍ତି ମାଝୀ ଙ୍କୁ ଫୋନ୍ ମାଧ୍ୟମରେ ଯୋଗାଯୋଗ କରି ମହିଳା ଙ୍କ ସମସ୍ୟା ଜଣାଇଥିଲେ ଏହି ବିଷୟ କୁ ଅତ୍ୟନ୍ତ ଗୁରୁତ୍ୱର ସହ ନେଇ ସୁଦୂର ନର୍ଲା ରୁ ନିଜ ସ୍କୁଟି ଗାଡ଼ିଯୋଗେ ଭବାନୀପାଟଣା ରକ୍ତ ଭଣ୍ଡାର ରେ ପହଞ୍ଚି ନିଜର ବହୁମୂଲ୍ୟ ରକ୍ତଦାନ କରି ମହିଳା ଙ୍କୁ ପୁଣିଥରେ ବଞ୍ଚିବାର ନୂଆଁ ଆଶା କିରଣ ଦେଇଛନ୍ତି। ନିଜ ଶୁଭ ଜନ୍ମ ଦିନ ଅବସରରେ ୧୭  ଥର ରକ୍ତଦେବା ସୌଭାଗ୍ୟ ପ୍ରାପ୍ତି ହେବା ସହିତ ଜୀବନ ମରଣ ସହିତ ସଂଘର୍ଷ କରୁଥିବା ଜଣେ ଅସହାୟ ନିରୀହ ମହିଳା ଙ୍କୁ ପୁଣିଥରେ ବଞ୍ଚିବାର ନୂଆଁ ଆଶା କିରଣ ଯୋଗାଇ ଶ୍ରୀମତୀ ଶାନ୍ତି ମାଝୀ ସମାଜ କୁ ମହାନତା ର ପରିଚୟ ଦେବା ସହ ଖୁସି ବ୍ୟକ୍ତି କରିଛନ୍ତି।