17-Jan-2026

ନର୍ଲା (ଚିନ୍ତାମଣି ନାଏକ)
ସ୍ବଚ୍ଛ ହରିତ୍ ବିଦ୍ୟାଳୟ ମୂଲ୍ୟାଙ୍କନ ବା SHVR ଏକ ଜାତୀୟ ସ୍ତରର ବିଦ୍ୟାଳୟ ମୂଲ୍ୟାଙ୍କନ ବ୍ୟବସ୍ଥା। ଏଥିରେ ବିଦ୍ୟାଳୟ ର ସ୍ବଚ୍ଛତା ଠାରୁ ଆରମ୍ଭ କରି ,ଜଳର ସଠିକ ଉପଯୋଗ, ଆବର୍ଜନାର ପରିବେଶ ଅନୁକୂଳ ପରିଚାଳନା, ଶୌଚାଳୟ ର ବ୍ୟବହାର, ସ୍ବଚ୍ଛତା, ବିଦ୍ୟାଳୟ ସୌନ୍ଦର୍ଯ୍ୟ କରଣ,ହାତଧୁଆ, ପାନୀୟ ଜଳ,ଶୃଙ୍ଖଳା ,ଶିକ୍ଷା ତଥା ବ୍ୟାବହାରିକ ମୂଲ୍ୟବୋଧ ଆଦି ବିଭବ ଗୁଡ଼ିକ ର ମୂଲ୍ୟାୟନ ହୋଇଥାଏ। ଏହି ମର୍ମରେ ନର୍ଲା ବ୍ଲକ୍ ରେ ଶୀର୍ଷ ସ୍ଥାନ ଅଧିକାର କରିଛି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ,ରୁପ୍ରାରୋଡ଼।ରେଟିଙ୍ଗ୍ ରେ ପଞ୍ଚ ତାରା ଚିହ୍ନ ହାସଲ ସହ ଜିଲ୍ଲା ସ୍ତରରେ ତୃତୀୟ ସ୍ଥାନ ଅଧିକାର କରି ମର୍ଯ୍ୟାଦା ଜନକ ସ୍ବଚ୍ଛ ହରିତ୍ ବିଦ୍ୟାଳୟ ମୂଲ୍ୟାଙ୍କନ ପୁରସ୍କାର ୨0୨୫_୨୬ ପାଇଁ ନର୍ଲା ବ୍ଲକ୍ ପାଇଁ ଗୌରବ ଆଣି ଦେଇଛି। ଜିଲ୍ଲା ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ ସଭା ଗୃହ ରେ,ଏକ ନିରାଡ଼ମ୍ବର ସମାରୋହରେ ଜିଲ୍ଲାର ଆଠଗୋଟି ବିଦ୍ୟାଳୟକୁ ଏହି ପୁରସ୍କାର ପ୍ରଦାନ କରାଯାଇଥିଲା। ଏଥିପାଇଁ ପ୍ରଧାନ ଶିକ୍ଷକ ରଞ୍ଜନ ତ୍ରିପାଠୀଙ୍କ ସାଧୁତା ଉଦ୍ୟମକୁ ଶିକ୍ଷକ ଓ ଅଭିଭାବକ ଏବଂ ଶିକ୍ଷ୍ୟା ପରିଚାଳନା କମିଟି ସମେତ ବିଭିନ୍ନ ମହଲରେ ଭୂରିୟସୀ ପ୍ରଶଂସା କରାଯାଉଛି। ମାଧ୍ୟମିକ ସ୍ତରରେ ଜବାହର  ନବୋଦୟ ବିଦ୍ୟାଳୟ , ନର୍ଲା ମଧ୍ୟ ଏହି ପୁରସ୍କାର ରେ ଷଷ୍ଠ ସ୍ଥାନ ପାଇଛି। ସୂଚନା ଥାଉକି ଏଭଳି ଜଣେ ଦକ୍ଷ ପ୍ରଧାନ ଶିକ୍ଷକ ମଧ୍ୟ ହୀନ ରାଜନୈତିକ ଆକ୍ରୋଶର ଶିକାର ହୋଇଥିଲେ ଏବଂ ତାଙ୍କୁ ଅନ୍ୟତ୍ର ବଦଳି କରାଯାଇ ଥିଲା କିନ୍ତୁ ଏହି ବଦଳି ନିର୍ଦେଶ କୁ ମାନ୍ୟବର ଉଚ୍ଚ ନ୍ୟାୟଳୟ ଓଡିଶା  ରହିତାଦେଶ ଜାରିକରୀ ପରବର୍ତ୍ତୀ ସମୟ ରେ ବାତିଲ କରିଥିଲେ