11-Jan-2026

ଭୁବନେଶ୍ୱର(ପ୍ରେରଣା ଖବର): ଆଜି "ଥ୍ରୀ-ଅକ୍ଟେଭ୍ ମ୍ୟୁଜିକ୍ ସ୍କୁଲ" ର ଷଷ୍ଠ ବାର୍ଷିକ ଉତ୍ସବ ରାଗ ରଜନୀ ''; ସ୍ଥାନୀୟ ଜୟଦେବ ଭବନ ପ୍ରେକ୍ଷାଳୟଠାରେ ଅନୁଷ୍ଠିତ ହୋଇଯାଇଛି । ଉକ୍ତ ଉତ୍ସବରେ ଅତିଥି ଭାବରେ ପ୍ରଖ୍ୟାତ ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତ ପଣ୍ଡିତ ଗୁରୁଶ୍ରୀ ବିଜୟାନନ୍ଦ ନାୟକ, ଶାସ୍ତ୍ରୀୟ ଗାୟିକା ଶ୍ରୀମତୀ ମୀରା ପଣ୍ଡା ଏବଂ ଅଖିଳ ଭାରତୀୟ ଗାନ୍ଧର୍ବ ମହାବିଦ୍ୟାଳୟ ମଣ୍ଡଳ, ମୁମ୍ବାଇର ସର୍ବ ଭାରତୀୟ ସ୍ତରରେ ସମ୍ପାଦକ  ତଥା ଗୁରୁ ଶ୍ରୀ ଯାମିନୀକାନ୍ତ ମିଶ୍ର ପ୍ରମୁଖ ଯୋଗଦାନ କରିଥିଲେ । 
ଉକ୍ତ କାର୍ଯ୍ୟକ୍ରମରେ ଅନୁଷ୍ଠାନ ତରଫରୁ ଅରୁତୋଷ୍, ଜ୍ୟୋତିପ୍ରଭା, ପ୍ରୀତିପ୍ରଭା, ସାଗରିକା, ମୀନାପ୍ରଭା, ଅନ୍ଵେଷା, ଲାନିବନ୍, ସ୍ଵସ୍ତିକ୍, ବେଦିକା ଧାରା, ଅବ୍ନୀ, ଶ୍ରଦ୍ଧାସୁମନ୍ ଏବଂ ସ୍ଵାଗତିକା ଆଦି ଛାତ୍ରଛାତ୍ରୀମାନେ ସଂଗୀତ ପରିବେଷଣ କରିଥିଲେ । କାର୍ଯ୍ୟକ୍ରମର ବିଶେଷ ଆକର୍ଷଣରେ ବିଖ୍ୟାତ ତବଲା ବାଦକ ତଥା ଗୁରୁଶ୍ରୀ କୁଳମଣି ସାହୁ ଏବଂ ଗୁରୁଶ୍ରୀ ରତ୍ନାକର ପୃଷ୍ଟିଙ୍କର ତବଲା ଯୁଗଳବନ୍ଦୀ ଏବଂ ଅନୁଷ୍ଠାନର ସଂସ୍ଥାପକ ଗୁରୁଶ୍ରୀ କୃଷ୍ଣଚନ୍ଦ୍ର ସାହୁଙ୍କର  ରାଗ ଦରବାରୀ ପରିବେଷଣ ସାଂଗୀତିକ ସନ୍ଧ୍ୟାକୁ ଆହୁରି ଚିତ୍ତାକର୍ଷକ କରିଥିଲା । ସହଯୋଗୀ କଳାକାର ହିସାବରେ ବଂଶୀରେ ଗୁରୁଶ୍ରୀ ଶ୍ରୀନିବାସ ଶତପଥୀ, ହାର୍ମୋନୀୟମରେ ଶ୍ରୀ ଆକାଶ ରଞ୍ଜିବ ବିଶ୍ଵାଳ ଏବଂ ତବଲାରେ ଶ୍ରୀ ଭୀମସେନ ପରିଡ଼ା ସହଯୋଗ କରିଥିଲେ ।
ଗାୟକ ତଥା ଗୀତିକାର ସନ୍ତୋଷ ନାୟକ( ଅରୁତୋଷ୍) ମଞ୍ଚ ପରିଚାଳନା କରିଥିଲେ । ପରିଶେଷରେ ଅନୁଷ୍ଠାନର ସଂସ୍ଥାପକ ଗୁରୁ ଶ୍ରୀ କୃଷ୍ଣଚନ୍ଦ୍ର ସାହୁ ସମସ୍ତ ଅତିଥି, କଳାକାର ତଥା ଦର୍ଶକ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ଶତୃଜିତ୍ ଖୁଣ୍ଟିଆ, ଶ୍ରୀମତୀ ଶୁଭଲକ୍ଷ୍ମୀ ପଣ୍ଡା ପ୍ରମୁଖ ଅନୁଷ୍ଠାନର ସଦସ୍ୟମାନେ ଉପସ୍ଥିତ ଥିଲେ ।