10-Jan-2026

ବଲାଙ୍ଗୀର(ପ୍ରେରଣା ଖବର):  ଆସନ୍ତା ଜାନୁୟାରୀ ୨୬ ତାରିଖ ବଲାଙ୍ଗୀରରେ ଅନୁଷ୍ଠିତ ହେବାକୁ ଥିବା ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ଉପଲକ୍ଷେ ସ୍ଥାନୀୟ ପତିତପାବନ ଏକାଡେମୀ ଓଡ଼ିଟୋରିୟମ ଠାରେ ସାପ୍ତାହିକ ଖବରକାଗଜ 'ପ୍ରେରଣା' ତରଫରୁ ତଥା ବଲାଙ୍ଗୀର ଜିଲା ସୂଚନା ଓ ଲୋକସମ୍ପର୍କ ବିଭାଗ ସହଯୋଗରେ ଏକ ସ୍କୁଲ ଓ କଲେଜସ୍ତରୀୟ ଓଡ଼ିଆ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଥିରେ ସହରର ବିଭିନ୍ନ ସରକାରୀ ଓ ବେସରକାରୀ ଶିକ୍ଷାନୁଷ୍ଠାନର ପ୍ରତିଯୋଗୀ ମାନେ ଅଂଶଗ୍ରହଣ କରିଥିଲେ। ଏହି ପ୍ରତିଯୋଗିତାର ବିଭିନ୍ନ ବିଭାଗରେ ବିଚାରକ 

ଭାବେ  ପ୍ରଫେସର ପ୍ରେମଚାନ୍ଦ ମହାନ୍ତି, କିସ୍ ରେସିଡେଣ୍ଟାଲ ସ୍କୁଲର ପ୍ରଧାନ ଶିକ୍ଷକ ଆକାଶ ମିଶ୍ର, ଚୁମକି ଦାସ,  ଶ୍ରୀଜୀ ବି. ଇ.ଡି ଇନଷ୍ଟିଚ୍ୟୁଟର ନିର୍ଦ୍ଦେଶିକା ସ୍ଵରୂପାରାଣୀ ଠାକୁର,  ବଲାଙ୍ଗୀର ସରକାରୀ ଏ ଏନ ଏମ୍  ଟ୍ରେନିଂ ଇନଷ୍ଟିଚ୍ୟୁଟ ର ଟ୍ୟୁଟର  ଅଂଜଳି ବାରିକ, ଶିକ୍ଷୟିତ୍ରୀ ଆଶାଲତା ସେଠୀ ପ୍ରମୁଖ ଯୋଗ ଦେଇଥିଲେ l  ସମସ୍ତ ପ୍ରତିଯୋଗିତାକୁ ଶିକ୍ଷୟିତ୍ରୀ  ଐଶ୍ବର୍ଯ୍ୟ ଦାସ  ପରିଚାଳନା କରିଥିଲେ l ଷଷ୍ଠ  ରୁ ଅଷ୍ଟମ ଶ୍ରେଣୀ, ନବମ ଓ ଦଶମ ଶ୍ରେଣୀ ଓ କଲେଜସ୍ତରୀୟ ଏପରି ତିନୋଟି ବର୍ଗରେ ପ୍ରତିଯୋଗିତା ଅନୁଷ୍ଠିତ ହେବା ସହ ପ୍ରତ୍ୟେକ ବିଭାଗରୁ ପ୍ରଥମ,ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରି ଥିବା ପ୍ରତିଯୋଗୀ ମାନଙ୍କ ନାମ ଘୋଷଣା କରାଯାଇଥିଲା l ପ୍ରେରଣାର ସମ୍ପାଦକ ରଘୁ ନନ୍ଦନ ସିଂହ ଙ୍କ ପରିଚାଳନା ଓ ପ୍ରତ୍ୟେକ୍ଷ ତତ୍ତ୍ଵାବଧାନରେ ଅନୁଷ୍ଠିତ ଏହି ପ୍ରତିଯୋଗିତାରେ  କୃତକାର୍ଯ୍ୟ ହୋଇଥିବା ପ୍ରତିଯୋଗୀ ମାନେ ଆସନ୍ତା ଜାନୁୟାରୀ ୨୬ତାରିଖ ସ୍ଥାନୀୟ ମନୋହରପୁର ପରେଡ୍ ପଡ଼ିଆରେ ଆୟୋଜିତ ହେବାକୁ ଥିବା ଜିଲ୍ଲାସ୍ତରୀୟ ସାଧାରଣତନ୍ତ୍ର ଦିବସ ଅବସରରେ ପୁରସ୍କୃତ ହେବ ବୋଲି ସୂଚନା ଦିଆଯାଇଛି l

ଆସନ୍ତା ୧୨ ତାରିଖ ଦିନ ପୁଣି ଥରେ ପତିତପାବନ ଏକାଡେମୀ ଠାରେ ନବମ ଓ ଦଶମ ଶ୍ରେଣୀର  ଛାତ୍ରଛାତ୍ରୀଙ୍କ ମଧ୍ୟରେ ଓଡ଼ିଆ ଏବଂ ଇଂରାଜୀ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହେବ l   ଇଚ୍ଛୁକ ପ୍ରତିଯୋଗୀ ମାନେ ଅଂଶଗ୍ରହଣ କରିବା ପାଇଁ  ପ୍ରେରଣା ତରଫରୁ ଅନୁରୋଧ କରାଯାଇଛି l ଆଜିର ପ୍ରତିଯୋଗିତାକୁ ସଫଳ କରିବାରେ ସ୍କୁଲର ପ୍ରଧାନ ଶିକ୍ଷକ ଦ୍ଵିତିଚନ୍ଦ୍ର ମହାଲିଙ୍ଗଙ୍କ ସମେତ ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ l