10-Jan-2026

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ଜିଲ୍ଲା ତୁଲସୀନଗର ଅଞ୍ଚଳରୁ ଉଦ୍ଧାର ହୋଇଥିବା ଅସହାୟ ବୃଦ୍ଧା ମହିଳା ସୁମତି ବିଶି ଙ୍କୁ ସଫଳ ଭାବେ ବୟୋଜେଷ୍ଟ ନାଗରିକ ଆବାସ ରେ ସ୍ଥାନାନ୍ତର କରାଯାଇଛି। ବୃଦ୍ଧା ମହିଳାଙ୍କୁ ପୂର୍ବରୁ ମାହେଶ୍ୱରୀ ସଙ୍ଗଠନ ଦ୍ୱାରା ଉଦ୍ଧାର କରାଯାଇ ଭୀମ ଭୋଇ ମେଡିକାଲ କଲେଜ ଏବଂ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଚିକିତ୍ସା ପରେ ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସିଥିବାରୁ ହସ୍ପିଟାଲରୁ ଛଡ଼ା ଦିଆଯାଇଛି।
ତାଙ୍କର ପୁଅଙ୍କର ଦେହାନ୍ତ ହୋଇଥିବାରୁ ବୃଦ୍ଧା ମହିଳାଙ୍କ ପାଖରେ କୌଣସି ପାରିବାରିକ ସହାୟତା ନଥିଲା। ଏହି ମାନବିକ ପରିସ୍ଥିତିକୁ ଦୃଷ୍ଟିରେ ରଖି ବଲାଙ୍ଗିର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ମଦନ ହୋତା ଙ୍କ ସହଯୋଗରେ ବୃଦ୍ଧା ମହିଳାଙ୍କୁ ସାଲେପାଲି ସ୍ଥିତ ‘ଗ୍ରାମ ମଙ୍ଗଳ ପାଠାଗାର’ ବୟୋଜେଷ୍ଟ ନାଗରିକ ଆବାସ ରେ ସ୍ଥାନାନ୍ତର କରାଯାଇଛି।
ବର୍ତ୍ତମାନ ସେଠାରେ ବୃଦ୍ଧା ମହିଳାଙ୍କୁ ସୁରକ୍ଷିତ ଆଶ୍ରୟ, ଦେଖାଶୁଣା ଓ ଆବଶ୍ୟକ ସେବା ମିଳୁଛି। ଆଗାମୀ ଦିନରେ ରେ ମଧ୍ୟ ମାହେଶ୍ଵରୀ ସଙ୍ଗଠନ ସବୁ ବେଳେ ଏବଂ ସବୁ ସମୟରେ ବରିଷ୍ଠ ନାଗରିକ ଙ୍କ ସହିତ ରହିବ ବୋଲି ପ୍ରତିଶ୍ରୁତି ଦେଇଛନ୍ତି ମାହେଶ୍ଵରୀ ସଂଗଠନ ର ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ।
ବୃଦ୍ଧା ଙ୍କୁ ସ୍ଥାନାନ୍ତର କରିବା ରେ ସଭାପତି ଶୋଭନ କୁମାର ଅଗ୍ରୱାଲ, ସଦସ୍ୟ ଅର୍ପିତ ପୁରୋହିତ, ସୁଷମା ବୋହିଦାର , ସ୍ନେହା କାଲସାଇ  ଏବଂ ସୁପ୍ରମା ବୋହିଦାର୍ ସାହାଯ୍ୟ କରି ଥିଲେ।