26-Dec-2025

ତୁଷୁରା(ପଞ୍ଚାନନ ନାଏକ) ବଲାଙ୍ଗିର ଜିଲ୍ଲା ଗୁଡଭେଲା ବ୍ଳକ  ଖଡଙ୍ଗା ଅଞ୍ଚଲ ର ଭାଷା, ସାହିତ୍ୟ,ଲୋକ କଲା, ସଂସ୍କୃତି,ପ୍ରତିଭା,ଐତିହ ଓ ପରମ୍ପରା କୁ ବଞ୍ଚାଇ ରଖିବା ପାଇଁଁ ଘୁନା ମହୋତ୍ସବ ପଡିଆ  ଠାରେ ଚାଲିଥିବା  ଶିକେରପାଟ ମହୋତ୍ସବ ୨୦୨୫-୨୬ ଉଦଘାଟିତ ହୋଇଯାଇଛି । ମହୋତ୍ସବ କମିଟୀ ସଭାପତି ରୋହିତ ମାଝୀ ସଭାପତିତ୍ୱ ଅନୁଷ୍ଠିତ ସଭାରେ  ମୁଖ୍ୟ ଅତିଥି  ଭାବେ ବଲାଙ୍ଗିର ଅତିରିକ୍ତ ଜିଲ୍ଲାପାଳ ପବିତ୍ର ବେହେରା ଉପସ୍ଥିତ ରହିଥିଲେ । ସମ୍ମାନିତ ଅତିଥି ଭାବରେ ଗୁଡଭେଲା ବିଡିଓ  ଗୁରେଶ୍ବର ଭୋଇ,ତୁଷୁରା ତହସିଲଦାର ଆର୍ତ୍ତତ୍ରାଣ ଥାଟୀ , ଶିକ୍ଷାବିତ ହେମନ୍ତ ଦଳପତି ଉପସ୍ଥିତ ରହି ନିଜର ଅଭିଭାଷଣ ରେ ଅଞ୍ଚଳ ର ସାଂସ୍କୃତିକ ବିକାଶ ପାଇଁ ଏହି ମହୋତ୍ସବ ଏକ ବଡ ମାଧ୍ୟମ ସହ ଅଞ୍ଚଲ ର ଯୁବ ଗୋଷ୍ଠୀ ଙ୍କ ପ୍ରୟାସ ପ୍ରଶଂସନୀୟ ବୋଲି କହିଥିଲେ। ଉକ୍ତ ସଭାରେ ସ୍ବାଗତ ଭାଷଣ ଲମ୍ବୋଦର ମନହିରା କରିଥିବାବେଳେ ,ଚକାନନ୍ଦ କମ୍ପ ସଭା ପରିଚାଳନା କରିଥିଲେ ।ଅରୁଣ ହରପାଲ ଧନ୍ୟବାଦ ଅର୍ପଣ କରିଥିଲେ । ଓଡିଆ ଭାଷା ସାହିତ୍ୟ,ସଂସ୍କୃତି ବିଭାଗ ଓ  ପର୍ଯ୍ୟଟନ ବିଭାଗ ଓଡିଶା ସରକାରୀଙ୍କ ସହଯୋଗରେ ବଜାଶାଳ-ଜୁଡାଝଳକା କଳାପରିଷଦ, ବଲାଙ୍ଗିର,କୋକିଳା ଡ୍ୟାନ୍ସ ଓ ମ୍ୟୁଜିକ ଏକାଡେମୀ ଭୂବନେଶ୍ୱର, ଭଜନ-ଭକ୍ତି ଅଞ୍ଜଳି, ଖୋର୍ଦ୍ଧା,ଶିକେରପାଟ୍ କଳାପରିଷଦ ରହେନମାଳ ,ନାଟକ-ମିକ୍ସଚର କିଚକ ବଧ,ସିକୁଆ ଏବଂ ଆଞ୍ଚଳିକ ୧୫ରୁ ଅଧିକ କଳାକାର ନିଜର କଳା ପ୍ରଦର୍ଶନ କରିଛ। ଯାହା ଦର୍ଶନକୁ ବେଶ୍ ବାନ୍ଧି ରଖିଥିଲେ । ସମସ୍ତ ସାଂସ୍କୃତିକ କାର୍ଯ୍ୟକ୍ରମକୁ ସୁଧିର ନାଏକ ସଂଯୋଜନା କରିଥିଲେ ।