25-Dec-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ପ୍ରସିଦ୍ଧ ଶୈବପୀଠ ଚରଦା ସ୍ଥିତ କପିଳେଶ୍ୱର ମନ୍ଦିର ଟ୍ରଷ୍ଟ ବୋର୍ଡର ନୂତନ କମିଟି ଗଠନ କରାଯାଇ ଦେବତ୍ତର କମିଶନଙ୍କ ସିକୃତି ପାଇଁ ପଠାଯାଇଛି।ବୋର୍ଡର ପୂର୍ବତନ ସଭାପତି ଅଶୋକ ପୃଷ୍ଟିଙ୍କ ଅଧ୍ୟକ୍ଷତାରେ ମନ୍ଦିର ସଭାଗୃହ ଠାରେ ମଙ୍ଗଳବାର ଏକ ବୈଠକ ଅନୁଷ୍ଠିତ ହୋଇଥିଲା।ବିନିକା ତହସିଲଦାର ରେଶ୍ମା ଭୋଇ ସଭାକାର୍ଯ୍ୟ ପରିଚାଳନା କରି ସଦସ୍ୟ ମାନଙ୍କୁ ନେଇ ନୂତନ କମିଟି ଗଠନ କରିବାକୁ ପରାମର୍ଶ ଦେଇଥିଲେ।ପରେ ଉପସ୍ଥିତ ସଦସ୍ୟ ମାନେ ପୁଣି ଥରେ ଟ୍ରଷ୍ଟ ବୋର୍ଡର ସଭାପତି ପଦ ପାଇଁ ଅଶୋକ ପୃଷ୍ଟିଙ୍କ ନାମ ଚୟନ କରି ତାଙ୍କୁ ଦାୟିତ୍ଵ ଦେଇଥିଲେ ।ସେହିପରି ସମ୍ପାଦକ ଭାବେ ପ୍ରଶାନ୍ତ ପୂଜାରୀ,କୋଷାଧ୍ୟକ୍ଷ ସଦାନନ୍ଦ ଥନାପତିଙ୍କୁ ଚୟନ କରିଥିବା ବେଳେ ଏଥିରେ ସଦସ୍ୟ ଭାବେ ଭୀମସେନ ସିଂଦେଓ,ଆଶିଷ ମଲ୍ଲିକ,ଉସତ କର,ନିମାଇ ଚୌଧୁରୀ,ଦେବରାଜ ଦିଶ୍ରି,ସୁଶିଲ ହୋତା ପ୍ରମୁଖ ରହିଛନ୍ତି  ।କମିଟି ଗଠନ ପରେ ତାର ସୀକୃତି ସକାଶେ ଦେବତ୍ତର କମିଶନଙ୍କ ନିକଟକୁ ସ୍ଵୀକୃତି ପ୍ରଦାନ ପାଇଁ ପଠାଯାଇଛି।ଅନୁଷ୍ଟିତ ଏହି ବୈଠକରେ ବିନିକା ଥାନା ଅଧିକାରୀ ସତ୍ୟ ନାରାୟଣ ପ୍ରଧାନ ଓ ମନ୍ଦିର ସେବାୟତ ଉପସ୍ଥିତ ଥିଲେ।।