20-Dec-2025

ଜିଲ୍ଲାସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ମେଳା ଉଦଯାପିତ

ବଲାଙ୍ଗୀର: ସ୍ଥାନୀୟ ଓଡିଶା ଆଦର୍ଶ ବିଦ୍ୟାଳୟ, ପଥରଚେପା ଠାରେ ଜିଲ୍ଲା ସ୍ତରୀୟ ବାଳ ବୈଜ୍ଞାନିକ ପ୍ରଦର୍ଶନୀ ମେଳା ଅନୁଷ୍ଠିତ ହୋଇଯାଇଛି।ବିଦ୍ୟାଳୟର ଅଧ୍ୟକ୍ଷ କ୍ଷମାନିଧି ଝାଙ୍କର ଙ୍କ ସଭାପତିତ୍ୱରେ ଅନୁଷ୍ଠିତ ଏହି ପ୍ରଦର୍ଶନୀ ମେଳାକୁ ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ।ମୁଖ୍ୟ ବକ୍ତା ଭାବେ ଡେପୁଟି ଡାଇରେକ୍ଟର,ଓସେପା ଶୈଳଜା ତନୟା ଶତପଥି, ସମ୍ମାନୀତ ଅତିଥି ଭାବେ ଏଡିଇଓ ପ୍ରବୀର କୁମାର ପଣ୍ଡା,ରୀନା କୁମାରୀ ବେହେରା, ସେବାଶ୍ରୀ ଭୋଇ,ପୃଥ୍ଵୀରାଜ ହାଇସ୍କୁଲର ପ୍ରଧାନ ଶିକ୍ଷକ ସନ୍ତୋଷିନୀ ସେଠୀ ପ୍ରମୁଖ ଯୋଗଦେଇ ବିଜ୍ଞାନ ମେଳା ଛାତ୍ରଛାତ୍ରୀଙ୍କ ମଧ୍ୟରେ ଆତ୍ମବିଶ୍ୱାସ ବଢାଇବା ସହ ଭବିଷ୍ୟତ ର ବୈଜ୍ଞାନିକ, ଇଞ୍ଜିନିୟର ଓ ଗବେଷକ ତିଆରି କରିବାର ଏକ ଶକ୍ତିଶାଳୀ ମଞ୍ଚ ବୋଲି କହିଥିଲେ।ଜିଲ୍ଲା ବିଜ୍ଞାନ ତତ୍ୱାବଧାରକ ନବଘନ ସାହୁ ଚଳିତ ବର୍ଷ ବିଜ୍ଞାନ ମେଳାର ଲକ୍ଷ୍ୟ ଓ ଉଦ୍ଦେଶ୍ୟ

ସମ୍ପର୍କରେ କହିଥିଲେ। ଉକ୍ତ ପ୍ରଦର୍ଶନୀ ରେ ଜିଲ୍ଲା ର ୧୪ଗୋଟି ବ୍ଲକ ରୁ ମନୋନୀତ ହୋଇ ୯୮ଟି ପ୍ରକଳ୍ପ ପ୍ରଦର୍ଶିତ ହୋଇ ଥିଲା।ମେଳା ରେ ପ୍ରଦର୍ଶିତ ପ୍ରକଳ୍ପ ମଧ୍ୟରୁ ଲୋଇସିଂହା ବ୍ଲକ ବାଦୀମୁଣ୍ଡା ଜିୟୁପିଏସ ର ନିକିତା ପଧାନ,ଟିଟିଲାଗଡ ବ୍ଲକ ଓଏଭି କୁରଶୁଡ଼ ର ଦିବ୍ୟାଂଶୁ ଶେଖର ହୋତା,ଖପ୍ରାଖୋଲ ବ୍ଲକ ଓଏଭି ର ସାଇ କ୍ରୀଷ୍ଣା ନନ୍ଦ,ଦେଓଗାଁ ବ୍ଲକ ବାଦିବାହାଲ ହାଇସ୍କୁଲର ଶ୍ରୀୟା ରଣା,ବେଲପଡା ଜିୟୁପିଏସ ସର୍ଗିଗୁଡା ର ବିକାଶ ଥପା,ଦେଓଗାଁ ଚନ୍ଦ୍ରପୁର ଓଏଭି ର ଲକ୍ଷ୍ମୀପ୍ରିୟା ବାରିକ, ପି.ଆର ହାଇସ୍କୁଲର ଅନ୍ବେଷ ଭୂଷଣ ରଣା ଙ୍କ ପ୍ରକଳ୍ପ ଗୁଡି଼କ ରାଜ୍ୟସ୍ତରୀୟ ବାଳ ବୈଜ୍ଞାନିକ ମେଳା ପାଇଁ ବିଚାରକ ମାନଙ୍କ ଦ୍ୱାରା ମନୋନୀତ ହୋଇଥିଲା।ଉଦଯାପନୀ ଉତ୍ସବରେ ଏଡିଏମ ଡ.ବିଜୟାନନ୍ଦ ସେଠି ମୁଖ୍ୟ ଅତିଥି,ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ ନାଗ,ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ସେବାଶ୍ରୀ ଭୋଇ,ରୀନା କୁମାରୀ ବେହେରା,ଡିଏସଏସ ନବଘନ ସାହୁ, ବଲାଙ୍ଗୀର ସଦର ବ୍ଲକ ଶିକ୍ଷା ଅଧିକାରୀ ନୀଳମଣି ପଟେଲ,ସଇଁତଲା ବ୍ଲକ ଶିକ୍ଷା ଅଧିକାରୀ ଦିଲୀପ କୁମାର ଯୋଶୀ ପ୍ରମୁଖ ମଂଚାସୀନ ଥିଲେ।ସ୍ୱାସ୍ଥ୍ୟ ମନ୍ତ୍ରୀ ଡ.ମୁକେଶ ମହାଲିଙ୍ଗ ଆଭାସୀ ମାଧ୍ୟମରେ ଏହି କାର୍ଯ୍ୟକ୍ରମ ର

ସଫଳତା ପାଇଁ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ।ଶେଷରେ କୃତୀ ପ୍ରତିଯୋଗୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ।ଉଭୟ ଅଧିବେଶନ ର କାର୍ଯ୍ୟକ୍ରମକୁ ଶିକ୍ଷୟତ୍ରୀ ଅଲିଭା ଦୀପ ସଂଯୋଜନା କରିଥିବା ବେଳେ ଧନ୍ୟବାଦ ଦେଇଥିଲେ ଶିକ୍ଷକ ସରୋଜ ନାୟକ।ଏହି କାର୍ଯ୍ୟକ୍ରମରେ ଓଏଭି ପଥରଚେପା ର ସମସ୍ତ ଶିକ୍ଷକ,ଶିକ୍ଷୟତ୍ରୀ,ଶିକ୍ଷାକର୍ମଚାରୀଙ୍କ ସମେତ ବିଦ୍ୟାଳୟ ର ଏନସିସି କ୍ୟାଡେଟ,ସ୍ବେଛାସେବୀ ଓ ଜିଲ୍ଲା ଶିକ୍ଷା କାର୍ଯ୍ୟାଳୟ ବିଜ୍ଞାନ ବିଭାଗର ସମସ୍ତ କର୍ମକର୍ତ୍ତା ସହଯୋଗ କରିଥିଲେ।