19-Dec-2025

ବଲାଙ୍ଗିର(ପ୍ରେରଣା ଖବର): ସରକାରୀ ମହାବିଦ୍ୟାଳୟ ବଲାଙ୍ଗିରରେ ବାର୍ଷିକ କ୍ରୀଡ଼ା ଏବଂ ସାଂସ୍କୃତିକ ପ୍ରତିଯୋଗିତା ଉଦଯାପିତ ହୋଇଯାଇଛି। ଡିସେମ୍ବର ୧୮ ଏବଂ ୧୯ ତାରିଖ ଏହି ଦୁଇଦିନ ଧରି ଚାଲିଥିବା ବାର୍ଷିକ କ୍ରୀଡ଼ା ଏବଂ ସାଂସ୍କୃତିକ ପ୍ରତିଯୋଗିତାରେ ମହାବିଦ୍ୟାଳୟର ଉଭୟ ଯୁକ୍ତଦୁଇ ଏବଂ ଯୁକ୍ତତିନିର ଶତାଧିକ ଛାତ୍ରଛାତ୍ରୀ ଏଥିରେ ଅଂଶଗ୍ରହଣ

କରିଥିଲେ।ମୁଖ୍ୟଅତିଥି ଭାବରେ ମହାବିଦ୍ୟାଳୟର ଅଧ୍ୟକ୍ଷ ଡକ୍ଟର କୌତୁକ ପନ୍ଦର ଯୋଗଦେଇ ଛାତ୍ରଛାତ୍ରୀମାନଙ୍କ ଉଭୟ ଶାରିରୀକ ଓ ମାନସିକ ଦକ୍ଷତା ବୃଦ୍ଧିରେ କ୍ରୀଡ଼ାର ଭୂମିକା ସଂପର୍କରେ ବକ୍ତବ୍ୟ ପ୍ରଦାନ କରିଥିଲେ। କ୍ରୀଡ଼ା ସଂପାଦିକା ବନ୍ଦନା ବାର,ସହ- ସଂପାଦକ ଡକ୍ଟର ଶ୍ରୀକାନ୍ତ କୁମାର ବାରିକ, ଅଧ୍ୟାପକ ହୃଷୀକେଶ ଦାସ, ଅଧ୍ୟାପକ ଡକ୍ଟର ଅଶୋକ ମହାରଣା ଉପସ୍ଥିତ ରହି କ୍ରୀଡ଼ାର ମହତ୍ତ୍ୱ ସଂପର୍କରେ ଅବଗତ କରାଇଥିଲେ। ମାଁ ସମଲେଶ୍ଵରୀ ମନ୍ଦିରରୁ  କ୍ରୀଡ଼ା ମଶାଲ ଯାତ୍ରା ଆୟୋଜନ କରାଯାଇଥିଲା। ବିଭିନ୍ନ ପ୍ରକାରର ଦୌଡ଼ ପ୍ରତିଯୋଗିତା, ଲମ୍ବଡିଆଁ , ଉଚ୍ଚ ଡିଆଁ ,ଦଉଡ଼ି ଡିଆଁ,ସଟପୁଟ ଓ ଡିସକସ୍ ଥ୍ରୋ, ବନ୍ଧୁତ୍ୱପୂର୍ଣ୍ଣ କ୍ରିକେଟ୍ ମ୍ୟାଚ୍ ତଥା ବ୍ୟାଡମିଣ୍ଟନ,ଚେସ୍ , କ୍ୟାରମ ଇତ୍ୟାଦି ପ୍ରତିଯୋଗିତା ଅନୁଷ୍ଠିତ

ହୋଇଥିଲା।ଏହା ସହିତ ସଂଗୀତ, ନୃତ୍ୟ,ଏକକ ଅଭିନୟ, ଚିତ୍ରାଙ୍କନ, ରଙ୍ଗୋଲି, ପ୍ରବନ୍ଧ, ବକ୍ତୃତା, ପାରମ୍ପରିକ ଖାଦ୍ୟ ପ୍ରସ୍ତୁତି ଆଦି ସାଂସ୍କୃତିକ ପ୍ରତିଯୋଗିତା ମଧ୍ୟ ଆୟୋଜନ କରାଯାଇଥିଲା। ଡକ୍ଟର ମଧୁସ୍ମିତା ମିଶ୍ର, ଡକ୍ଟର ରମଣୀ ନାଏକ, ବିଶ୍ବଭୂଷଣ ବିଶ୍ବାଳ,ଚନ୍ଦନ ପୁହାଣ, ସୁମନ୍ତ ରଣା, କମଳାକାନ୍ତ କରାଳି, ପୁରୁଷୋତ୍ତମ କିଶାନଙ୍କ ସମେତ ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ଏବଂ କର୍ମଚାରୀ ଏହାକୁ ସୁଚାରୁରୂପେ ପରିଚାଳନା କରିଥିଲେ।