26-Nov-2025

ବରପାଲି  (ସୁଦାମ ଦୀପ)
ବରଗଡ଼ ଜିଲ୍ଲା ବରପାଲି ସ୍ଥିତ ଜଗବନ୍ଧୁ ଦାସ ସ୍ନାତକ ମହିଳା ମହାବିଦ୍ୟାଳୟ କାଦଳୀପାଲିରେ ମହାବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ପଦ୍ମିନୀ ଦାସଙ୍କ ଅଧ୍ୟକ୍ଷତାରେ  ସମ୍ବିଧାନ ଦିବସ ପାଳିତ ହୋଇଯାଇଅଛି।ରାଜନୀତି ବିଜ୍ଞାନ ବିଭାଗର ଅଧ୍ୟାପିକା ପୁନମ୍ ସାହୁଙ୍କ ପରିଚାଳନା ସଭାରେ
ମୁଖ୍ୟ ଅତିଥି ଭାବରେ ମହାବିଦ୍ୟାଳୟର ପ୍ରତିଷ୍ଠାତା ଶ୍ରୀଯୁକ୍ତ ଅନ୍ତର୍ଯ୍ୟାମୀ ପଣ୍ଡାଯୋଗଦାନ କରି ସମ୍ବିଧାନର ମୁଖ୍ୟ ମୂଲ୍ୟବୋଧ ନ୍ୟାୟ, ସ୍ଵାଧୀନତା, ସମତା, ଭ୍ରାତୃତ୍ୱ, ଧର୍ମନିରପେକ୍ଷତା ଓ ଗଣତନ୍ତ୍ରୀୟ ମୂଲ୍ୟବୋଧକୁ ସାଧାରଣ ଲୋକଙ୍କ ମଧ୍ୟରେ ପ୍ରଚାର କରିବା ପ୍ରଭୃତି ଉପରେ ଆଲୋଚନା କରିଥିଲେ।ଏ ଅବସରରେ ଓଡ଼ିଆ  ବିଭାଗର  ଅଧ୍ୟାପିକା  ପିଙ୍କି ବାରିକ ଶପଥ ପାଠ କରିଥିଲେ। ପରିଶେଷରେ ଅଧ୍ୟାପିକା ସସ୍ମିତା ମେହେର ଧନ୍ୟବାଦ  ଅର୍ପଣ କରିଥିଲେ। ମହାବିଦ୍ୟାଳୟର ସମସ୍ତ ଅଧ୍ୟାପକ ଅଧ୍ୟାପିକା ଓ ସହକର୍ମୀ ବୃନ୍ଦ ଉପସ୍ଥିତ ରହି ସହଯୋଗ କରିଥିଲେ।