23-Nov-2025

ବଲାଙ୍ଗୀର(ପ୍ରେରଣାଖବର): ମନୋରଂଜନ ପାଇଁ ଯାତ୍ରାକୁ ଅନୁମତି କିନ୍ତୁ ଯାତ୍ରାପେଣ୍ଡାଲରେ ସୀମାଟପୁଛି ଅଶ୍ଲିଳ ନଗ୍ନନାଚ । ଏଭଳି ଘଟିଛି ବଲାଙ୍ଗୀର ଜିଲ୍ଲା ତୁଷୁରାରେ ପଡିଥିବା ମଧୁ ବାସନ୍ତି ଗଣନାଟ୍ୟରେ । ଯାତ୍ରାରେ ମଝିରେ ମଝିରେ ରେକର୍ଡ ଡ୍ୟାନ୍ସ ଓ ଏଥିରେ ନାମକରା ଆଇଟମଗାର୍ଲ ନିଶା ମହାରଣା ଭଳି ଅଭିନେତ୍ରୀଙ୍କ ଅଙ୍ଗପ୍ରଦର୍ଶନ ନୃତ୍ୟ । ମତୁଆଲା କରୁଛି ନିଶାଖୋର ଯୁବକମାନଙ୍କୁ । ଏପରିକି ଜଣେ ଯୁବକ କୁଆଡେ ନିଶା ମହାରଣାଙ୍କ ଡ୍ରେସଟାଣି ଦେବାରୁ ରାଗିଯାଇ ନିଶାମହାରଣା ସେହି ଯୁବକକୁ ଚାପୁଡା ମାରିବା ଭଳି ଘଟିଥିବା ଆଲୋଚନାର ବିଷୟ ହୋଇଛି । ରାଜଧାନୀ ଭୁବନେଶ୍ୱରର ଖଣ୍ଡଗିରୀମେଳାରେ ଏଭଳି ଉଦଣ୍ଡ ନେତ୍ରୀଙ୍କ ଉଦଣ୍ଡିନୃତ୍ୟୁକୁ ବନ୍ଦ କରିବାକୁ ସେଠିକାର ଲୋକପ୍ରତିନିଧିମାନେ ଆଗେଇ ଆସିଲେ । ସେଠାରେ ନଗ୍ନନୃତ୍ୟ ବନ୍ଦ ହେବାପରେ ପଶ୍ଚିମାଞ୍ଚଳରେ ହାତମାରିଛନ୍ତି ଗଣନାଟ୍ୟଦଳ । ସାମାଜିକ ସଂସ୍କାର ପାଇଁ ତଥା ମନୋରଂଜନ ପାଇଁ ଗଣନାଟ୍ୟଗୁଡିକୁ ଯାତ୍ରାପାଇଁ ଅନୁମତି ଦିଆଯାଇଥାଏ । କିନ୍ତୁ ଅଶ୍ଲିଳନାଚ କରାଇ ଲୋକଙ୍କୁ ମତୁଆଲା କରାଇ ଅର୍ଥ ରୋଜଗାରର ଏକ ମାଧ୍ୟମ ପାଲଟିଛି । ନିଶା ମହରଣା ଭଳି ଆଇଟମ ଗାର୍ଲଙ୍କୁ ରାଜଧାନୀରେ ବାସନ୍ଦ ଆରମ୍ଭ କରୁଥିବା ବେଳେ ଏବେ ଗ୍ରାମାଞ୍ଚଳକୁ ଆସି ଅଶ୍ଲିଳନୃତ୍ୟ କରିବା ଆରମ୍ଭ କରିଛନ୍ତି । ପେଣ୍ଡାଲରେ ନିଶା ମହାରଣା ଅଶ୍ଲିଳନୃତ୍ୟ ପ୍ରଦର୍ଶନ କରୁଥିବା ବେଳେ ଯୁବକମାନେ ନୋଟ ଉଡାଉଥିଲେ । ଶେଷରେ ଏଭଳି ସ୍ଥିତି ହେଲା ଯେ,ଜଣେ ଯୁବକ ନିଶାଙ୍କ ଡ୍ରେସକୁ ଟାଣିଦେଇଥିଲେ ଓ ସେହି ଯୁବକକୁ ନିଶା ଚାପୁଡା ମାରିଥିବା ପ୍ରତ୍ୟକ୍ଷଦର୍ଶି କହୁଛନ୍ତି । ପେଣ୍ଡାଲରେ ଚାଲିଥିବା ଅଶ୍ଲିଳନୃତ୍ୟୁର ଭିଡିଓ ଭାଇରାଲ ହେଉଛି । ମୋବାଇଲରୁ ମୋବାଇଲକୁ ଓ ସାମାଜିକ ଗଣଧ୍ଧ୍‌ମରେ ଏହି ଭିଡିଓ ଘୁରିବୁଲୁଛି । ତେବେ ସବୁଠୁ ବିଡମ୍ବନା ହେଲା ଯାତ୍ରାରେ ଶାନ୍ତିଶୃଙ୍ଖଳା ରକ୍ଷା କରିବାକୁ ପୋଲିସ ମଧ୍ୟ ଉପସ୍ଥିତ ଥିଲେ ଓ ସେମାନେ ମଧ୍ୟ କେବଳ ଦେଖଣାହାରୀ ଥିଲେ । ପୋଲିସ ଉପସ୍ଥିତିରେ ଏଭଳି ଅଶ୍ଲିଳନୃତ୍ୟକୁ ବିଭିନ୍ନ ମହଲରେ ନିନ୍ଦା କରାଯାଉଛି । ଯାତ୍ରା ଆୟୋଜକ କମିଟି ଅର୍ଥରୋଜଗାର ପାଇଁ ବିଭିନ୍ନ ଅନୈତିକ କାମରେ ଲିପ୍ତ ରହୁଥିବା ଅଭିଯୋଗ ହେଉଛି । କୌଣସି ବଡ ଅଘଟଣ ଘଟିବା ପୂର୍ବରୁ ପ୍ରଶାସନ ଏନେଇ ତୁରନ୍ତ ପଦକ୍ଷେପ ନେବାକୁ ଜନସାଧାରଣରେ ଦାବି ହେଉଛି । ଯାତ୍ରା ଆୟୋଜକ କମିଟିର କାହାରି ପ୍ରତିକ୍ରୀୟା ମିଳିପାରିନଥିବା ବେଳେ ବଲାଙ୍ଗୀର ସଦର ପୋଲିସ ଏସଡିପିଓ ସରୋଜ ଉପାଧ୍ୟାୟଙ୍କୁ ଏନେଇ ପଚାରିବାରୁ ସେ ତୁଷୁରା ଆଇଆଇସିଙ୍କ ସହ ଆଲୋଚନା କରି ପଦକ୍ଷେପ ନେବାକୁ କହିବି ବୋଲି କହିଛନ୍ତି ।