21-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ୪୭ତମ ବାର୍ଷିକ କ୍ରୀଡା ଶୁକ୍ରବାର ଅନୁଷ୍ଠିତ ହୋଇଯାଇଛି l ପ୍ରାରମ୍ଭରେ ଅଧ୍ୟକ୍ଷା ରେଖା ପ୍ରଧାନଙ୍କ ଉପସ୍ଥିତିରେ ସ୍ଥାନୀୟ ଗଡଭିତର ସ୍ଥିତ ବିଶେଶ୍ୱର ବାବାଙ୍କ ମନ୍ଦିରରେ ରୀତିନୀତି ଅନୁଯାୟୀ ପୂଜାର୍ଚ୍ଚନା ପରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀଙ୍କ ସହ ଷ୍ଟାଫ ମଶାଲ ଧରି ଶୋଭାଯାତ୍ରାରେ ସହର ପରିକ୍ରମା କରି ବିଦ୍ୟାଳୟ ଖେଲ ପଡିଆକୁ ପହଞ୍ଚିଥିଲେ ।ସେଠାରେ ବିଦ୍ୟାଳୟ ଅଧ୍ୟକ୍ଷା ରେଖା ପ୍ରଧାନ କ୍ରୀଡା ଉତ୍ସବକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଅନୁଷ୍ଟିତ ୧୪ଟି ବିଭାଗର ଖେଳରେ ପ୍ରାୟ ୪୦୦ରୁ ଅଧିକ ଛାତ୍ରଛାତ୍ରୀ ଭାଗନେଇ ନିଜର ପ୍ରତିଭା ପ୍ରଦର୍ଶନ କରିଥିଲେ।ଖେଲ ଶିକ୍ଷକ ନାରାୟଣ ଚୌଧୁରୀଙ୍କ ତତ୍ତ୍ୱାବଧାନରେ ଖେଲ ଗୁଡ଼ିକୁ ନରସିଂହ ସେଠୀ,ମନୋଜ ସାହୁ ପରିଚାଳନା କରିଥିଲେ । ଅଧ୍ୟକ୍ଷା ଶ୍ରୀମତୀ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବିନିକା ଥାନା ଅଧିକାରୀ ସତ୍ୟ ନାରାୟଣ ପ୍ରଧାନ ଯୋଗଦେଇ ସୁସ୍ଥ ଜୀବନ ଯାପନ ପାଇଁ ଏବଂ ନିଜର ଭବିଷ୍ୟତ ଲକ୍ଷ୍ୟ ହାସଲ ପାଇଁ କ୍ରୀଡାରେ ଭାଗ ନେବା ଆବଶ୍ୟକ ବୋଲି କହିଥିଲେ ।ସମ୍ମାନିତ ଅତିଥି ଭାବେ ସିଦ୍ଧାର୍ଥ ଡିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର ନାୟକ ଯୋଗଦେଇ ଛାତ୍ରଛାତ୍ରୀ ମାନେ ପ୍ରତିଯୋଗିତାରେ କୃତିତ୍ବ ଅର୍ଜନ କରନ୍ତୁ ଅବା ନକରନ୍ତୁ ନିଜର ସ୍ବାସ୍ଥ୍ୟର ଉନ୍ନତି ପାଇଁ ଯେକୌଣସି ଖେଲ ଖେଳିବା ଆବଶ୍ୟକ ବୋଲି ସୂଚନା ଦେଇଥିଲେ ।ଅନୁଷ୍ଟିତ ଏହି କ୍ରୀଡା ପ୍ରତିଯୋଗିତାରେ ବାଳିକା ବିଭାଗରେ ଲିପିରାଣୀ ଭୋଇ ଏବଂ ବାଳକ ବିଭାଗରେ ରୁପେସ ଧରାଇ ଚମ୍ପିୟାନ ହୋଇଥିଲେ ।ପ୍ରତିଯୋଗିତାରେ ଭାଗନେଇ କୃତିତ୍ବ ହାସଲ କରିଥିବା ସମସ୍ତ କ୍ରୀଡା ପ୍ରତିଯୋଗୀ ମାନଙ୍କୁ ଅତିଥି ମାନେ ମାନପତ୍ର ଦେଇ ସମ୍ମାନିତ କରିଥିଲେ ।ପ୍ରତିଯୋଗିତାକୁ ଅଧ୍ୟାପକ ନୀଳ ମାଧବ ଛତ୍ର,ଧନେଶ୍ଵର ସାହୁ,ମନୋଜ ମେହେର,ଆକାଶ ପ୍ରଧାନି,ପ୍ରଦୀପ ନାୟକ,ଆଲୋକ ସେଠୀ,ଯତୀନ୍ଦ୍ର ଦଣ୍ଡସନା,ସୁବଳ ପ୍ରଧାନ,ଦେବେଶ ଗଡନାୟକ,ରୋହିତ ଧରୁଆ,ଝଲକ ମିଶ୍ର,ଆଶୁତୋଷ ପୁରୋହିତ,ମନିଷ ଆଚାର୍ଯ୍ୟ, ବିଶ୍ଵମୟ ଗୁରୁ,ଅଧ୍ୟାପିକା ଦୀପ୍ତି ଭୋଇ,ତୁଳସୀ ରାୟ ଷ୍ଟାଫ ବୁଲୁ ଦଣ୍ଡିଆ,କୀର୍ତ୍ତନ ବାରିକ ପ୍ରମୁଖ ସହଯୋଗ କରିଥିଲେ।