21-Nov-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ସେଲେଡି ପଞ୍ଚାୟତ ର ତୁଲୁଣ୍ଡୁପାଲି ଝରାପଡା ର ୨୪ ଗୋଟି ଭୂମିହୀନ ଆଦିବାସୀ ପରିବାର ଜିଲ୍ଲାପାଳ ଙ୍କୁ ସାକ୍ଷାତ କରି  ରହିବା ପାଇଁ ଜମି ଖଣ୍ଡିଏ ଲେଖାଏଁ ଯୋଗାଇ ଦେବାକୁ ଦାବି ପତ୍ର ପ୍ରଦାନ କରି ଗୁହାରି କରିଥିଲେ l ଖୁବ୍ ଶୀଘ୍ର ଏ ଗାଁ କୁ ପରିଦର୍ଶନ କରିବାକୁ ଓ ଏ ସବୁ ସମସ୍ୟା ର ସମାଧାନ ପାଇଁ ଜିଲ୍ଲାପାଳ ଡ଼. ନୃପ ରାଜ ସାହୁ ଏ ନୀରିହ ଗରିବ ଆଦିବାସୀ ପରିବାର  ଙ୍କୁ ପ୍ରତିଶୁତି ଦେବା ପରେ ଏ ଲୋକମାନେ ଆଶ୍ୱସ୍ତି ଅନୁଭବ କରି ଘର କୁ ଫେରିଥିବା ଜଣା ଯାଇଛି l ପ୍ରକାଶ ଥାଉ କି ଯେ ବିଗତ ୨୦୨୨/୨୩ ରେ ଏ ଗାଁ ବସ୍ଥି ଲୋକେ ସାମାନ୍ୟ ତମ ମୌଳିକ ସୁବିଧା ରୁ ବଞ୍ଚିତ ଥିବା ବିଷୟ ଯଥା ପିଇବା ପାଣି, ବିଜୁଳି ଓ ବର୍ଷା ରେ ମାଟି ଘରେ ରହିବାକୁ ପଲିଥିନ ଟିକେ ବି ପାଇ ପାରୁ ନ ଥିଲେ l ପାଖ ଶୁଖିଲା ପଖୋରୀ ରେ ଗାତ ଖୋଳି ଗାଧୋଇବା ଓ ପିଇବା କୁ ଅପରିଷ୍କାର ପାଣି ବ୍ୟବହାର କରୁ ଥିବା ଖବର ର ଏକ ବାସ୍ତବ ଚିତ୍ର ଯେତେବେଳେ ଓଡ଼ିଶା ସାମ୍ୱାଦିକ ସଂଘ ସୋନପୁର ଜିଲ୍ଲା ଶାଖା କୁ ପହଞ୍ଚିଥିଲା l ତୁରନ୍ତ ଏ ଗାଁ କୁ ସଂଘ ର କର୍ମ କର୍ତ୍ତା ପହଞ୍ଚି ସ୍ପଟ୍ ରୁ ତତ୍କାଳୀନ ଜିଲ୍ଲାପାଳ ବିମଳେନ୍ଦୁ ରାୟ ଙ୍କୁ ସବୁ ସମସ୍ୟା ଜଣାଇ ଥିଲେ l ଶ୍ରୀ ରାୟ ସେହି ଦିନ ହିଁ ସଂନ୍ଧ୍ୟାରେ  ବିନିକା ବିଡ଼ିଓ, ତହସିଲଦାର ଙ୍କୁ ପଠାଇ  ବର୍ଷା ରୁ ରକ୍ଷା ପାଇଁ ପ୍ରଥମେ ପଲିଥିନ ଯୋଗାଇ ଥିଲେ l

ପରେ ଜିଲ୍ଲାପାଳ ଶ୍ରୀ ରାୟ ନିଜେ ଏହି ଗାଁ କୁ ପହଞ୍ଚି ବେସାହାରା ଆଦିବାସୀ ପରିବାର ଲୋକ ଙ୍କ ଦୁଃଖ କଷ୍ଟ କୁ ଅନୁଭବ କରି ତାଙ୍କ ପାଇଁ ପିଇବା ପାଣି ଓ ବିଜୁଳି ର ବ୍ୟବସ୍ଥା କରିଥିଲେ l ଓ ରହିବା ପାଇଁ ଜମି ପଟ୍ଟା ବ୍ୟବସ୍ଥା କରିବାକୁ ପ୍ରତିଶୁତି ଦେଇଥିଲେ ସୁଦ୍ଧା ଦୁଇ ତିନି ବର୍ଷ ଯାଏ ଏମାନେ ଜମି ଟିକେ କିମ୍ୱା ଆବାସ ଗୃହ ଟିକେ ପାଇ ନ ଥିବା ଆଜି ନଜର କୁ ଆସିଛି l ଏଠି ପ୍ରଶ୍ନ ଉଠେ ଯେ ଦେଶ ସ୍ଵାଧୀନତା ର ୭୭ ବର୍ଷ ବିତି ଯାଇଥିଲେ ସୁଦ୍ଧା ସାମାନ୍ୟ ତମ ମୌଳିକ ସୁବିଧା ରୁ ବଞ୍ଚିତ ହୋଇଥିବା ଉଦବେଗ ଜନକ ବିଷୟ ଅଟେ l ତେଣୁ ଖୁବ୍ ଶୀଘ୍ର ଏ ନୀରିହ ଝରା ପରିବାର ଲୋକ ଙ୍କୁ ବସୁନ୍ଧରା ଯୋଜନା ରେ ଆବାସ ଗୃହ ଖଣ୍ଡିଏ ଲେଖାଏଁ ଯୋଗାଇ ଦେବାପାଇଁ ରାଜ୍ୟ ସରକାର ଓ ସୁବର୍ଣ୍ଣପୁର ଜିଲ୍ଲା ପ୍ରଶାସନ ପାଖରେ ଓଡ଼ିଶା ସାମ୍ୱାଦିକ ସଂଘ ସୁବର୍ଣ୍ଣପୁର ଜିଲ୍ଲା ଶାଖା ପକ୍ଷରୁ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରାଯାଇଛିl