17-Nov-2025

ସିନାପାଲି ( ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ନୀଳଜୀ ସରସ୍ବତୀ ଶିଶୁ ବିଦ୍ୟାମନ୍ଦିରରେ ୧୮ ତମ  ବାର୍ଷିକ କ୍ରୀଡା ପ୍ରତିଯୋଗିତା   ବିଦ୍ୟାମନ୍ଦିରର  ପରିଚାଳନା ସଭାପତି ଶ୍ରୀଯୁକ୍ତ ସତ୍ୟବ୍ରତ ଗହୀର ଙ୍କ  ମାର୍ଗଦର୍ଶନ ରେ ସ୍ଥାନୀୟ ହାଇସ୍କୁଲ ଖେଳ ପଡିଆ ଠାରେ ଅନୁଷ୍ଠିତ ହୋଇଯାଇଛି  l କ୍ରୀଡା ପ୍ରତିଯୋଗିତା ର ଉଦ୍ଘାଟନୀ ସଭାରେ ପରିଚାଳନା ସମିତିର ସମ୍ପାଦକ ତଥା  ସ୍ଥାନୀୟ ସରପଞ୍ଚ  ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବରେ ଅବସର ପ୍ରାପ୍ତ  ବନାଞ୍ଚଳ ଅଧିକାରୀ ଶ୍ରୀଯୁକ୍ତ ଷଡାନନ ସୁନାନୀ, ମୁଖ୍ୟବକ୍ତା ଭାବରେ ନୀଳଜୀ ଉଚ୍ଚ ମାଧ୍ୟମିକ ବିଦ୍ୟାଳୟର ସହ ଶିକ୍ଷକ ଶ୍ରୀଯୁକ୍ତ ପୀତବାସ ନାଏକ ଯୋଗ ଦେଇଥିଲେ  l ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ପ୍ରଶାନନ୍ଦ କୁମ୍ଭାର ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିବାସହ ପରିଚୟ ପ୍ରଦାନ କରିଥିଲେ l ମୁଖ୍ୟ ଅତିଥି ମଶାଲ ସ୍ଥାପନ ଓ କ୍ରୀଡା ପ୍ରତିଯୋଗିତାର ପତାକା ଉତ୍ତୋଳନ କଲାପରେ ପ୍ରତିଯୋଗିତାର ଶୁଭ ଉଦ୍ଘାଟନ ହେଲା ବୋଲି ଘୋଷଣା କରାଯାଇଥିଲା  l ସହ ଆଚାର୍ଯ୍ୟ ଶ୍ରୀ ବୀରଭଦ୍ର ସା ମଞ୍ଚ ପରିଚାଳନା କରିଥିଲେ  l ସଭାଶେଷରେ ଆଚାର୍ଯ୍ୟ ଶ୍ରୀ ସରୋଜ ସୁନାନୀ ଧନ୍ୟବାଦ ଅର୍ପଣ କରିଥିଲେ  l ବିଭିନ୍ନ ବର୍ଗର  ୪୦ ଟି ଇଭେଣ୍ଟରେ ପ୍ରାୟ ୧୮୦ ଜଣ ଶିଶୁ ଭାଇଭଉଣୀ ଯୋଗ ଦେଇ ନିଜର ପାର ଦର୍ଶିତା ପ୍ରଦର୍ଶନ କରିଥିଲେ  l କୃତି ଖେଳାଳି ମାନଙ୍କୁ ଅତିଥିଗଣ  ପ୍ରଶଂସା ପତ୍ର ଓ ପୁରସ୍କାର ଦେଇ ଉତ୍ସାହିତ କରିଥିଲେ  l ଏହି ପ୍ରତିଯୋଗିତା ଆୟୋଜନ ଓ ପରିଚାଳନା  କରିବାରେ  ସମସ୍ତ ଆଚାର୍ଯ୍ୟ / ଆଚାର୍ଯ୍ୟା ସହଯୋଗ କରିଥିଲେ  l