17-Nov-2025

କଣ୍ଟାମାଳ(ଜୟକୁମାର ମହାରଣା): କଣ୍ଟାମାଳ ବ୍ଲକ ସାମ୍ବାଦିକ ସଂଘ (କବ୍ଜା) ପକ୍ଷରୁ ରବିବାର ଧାନଖଣ୍ଡି ଛକ ସ୍ଥିତ ସଂଘର ଅସ୍ଥାୟୀ କାର୍ଯ୍ୟାଳୟ ଠାରେ ସକାଳ ୧୧ଘଣ୍ଟା ସମୟରେ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି l  ସଂଘ ବରିଷ୍ଠ ଉପଦେଷ୍ଠା ଦିବ୍ୟଶଙ୍କର ରାଉତ ଙ୍କ ସଭାପତିତ୍ୱ ରେ ଅନୁଷ୍ଠିତ ସଭାରେ ସମ୍ପାଦକ ପୂର୍ଣଚରଣ ସାହୁ ବୈଠକର କାର୍ଯ୍ୟସୂଚୀ ସମ୍ପର୍କରେ ସୂଚନା ପ୍ରଦାନ କରିବା ସହ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ  l  ଭ୍ରମାତ୍ମକ ଖବର ପ୍ରସାରଣ ବୃଦ୍ଧି କୁ ରୋକିବା ଦିଗରେ ସରକାର 

ଚେଷ୍ଟିତ ଥିବା ବେଳେ ନିରପେକ୍ଷ, ସତ୍ୟ, ଗଠନ ମୂଳକ ଓ ଅନୁସନ୍ଧାନ ମୂଳକ ଖବର ଉପରେ ପ୍ରତ୍ୟେକ ସାମ୍ବାଦିକ ଚେଷ୍ଟା କରିବା ଉଚିତ ବୋଲି ବରିଷ୍ଠ ଉପଦେଷ୍ଠା ଶ୍ରୀ ରାଉତ କହି ଥିଲେ  l ସାମ୍ବାଦିକ ସୁରକ୍ଷା, ପେନସନ ବ୍ୟବସ୍ଥା ସହ ସାମ୍ବାଦିକ ମାନଙ୍କ ଦୈନନ୍ଦିନ ଜୀବନରେ ଥିବା ବିଭିନ୍ନ ସମସ୍ୟା ସମ୍ପର୍କରେ ଉପସ୍ଥିତ ସାମ୍ବାଦିକମାନେ ନିଜ ବକ୍ତବ୍ୟରେ କହିଥିଲେ  l   ଅଂଚଳର ଭିତ୍ତିଭୂମିର ବିକାଶ କ୍ଷେତ୍ରରେ ସାମ୍ବାଦିକ ମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ହୋଇଥାଏ ବୋଲି ମଧ୍ୟ କହିଥିଲେ  l   ଅନ୍ୟମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ଜୟ କୁମାର ମହାରଣା, ପୂର୍ଣ୍ଣ ଚରଣ ସାହୁ, ବଳରାମ ବାଘ, ରଞ୍ଜନ କୁମାର ପାତ୍ର, ଦେବାଶିଷ ମଲିକ,କୁନ୍ଦନ କୁମାର ଦନ୍ତା ସମେତ ଅନ୍ୟମାନେ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ l    ଶେଷରେ ରଞ୍ଜନ କୁମାର ପାତ୍ର ଧନ୍ୟବାଦ ଦେଇଥିଲେ l