16-Nov-2025

ବୀରମହାରାଜପୁର , (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ୍ ଅନ୍ତର୍ଗତ ମାଁ ମେଟାକାନୀ ଦେବୀ  ପୀଠ ଠାରେ ପ୍ଲାଷ୍ଟିକ ମୁକ୍ତ ବଣଭୋଜି ପାଇଁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।  କାର୍ଯକ୍ରମକୁ  ପ୍ରେମିକ କବି ରାଜ୍ କିଶୋର ମିନ୍ ପରିଚାଳନା କରିଥିଲେ। ଉକ୍ତ କାର୍ଯକ୍ରମ ମାଉଣ୍ଟ ଏକ୍ସପ୍ଲୋର ଏବଂ ୟୁଥ୍ ଫର୍ ୱାଟର ର ମିଳିତ ଉଦ୍ୟମ ରେ ଆୟୋଜିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ଆନ୍ତର୍ଜାତୀୟ ପର୍ବତାରୋହୀ ଆଶୀର୍ବାଦ ମହାପାତ୍ର ଯୋଗ ଦେଇ ପରିବେଣ ସୁରକ୍ଷା ଉପରେ ନିଜ ବକ୍ତବ୍ୟ ଦେଇଥିଲି । ମୁଖ୍ୟ ବକ୍ତା ଯୋଗଗୁରୁ ତଥା ପ୍ରକୃତିବନ୍ଧୁ ଡକ୍ଟର ହୃଷୀକେଶ ଦେହେରି ଉପସ୍ଥିତି ରହି ବର୍ତ୍ତମାନ୍ ସମୟରେ ପର୍ଯ୍ୟାବରଣ ସୁରକ୍ଷା କରିବା ସମସ୍ତ ଙ୍କର ମୌଳିକ କର୍ତ୍ତବ୍ୟ ଅଟେ। ସମ୍ମାନୀୟ ଅତିଥି ବନଖଣ୍ଡ ଅଧିକାରୀ ଦେବରାର୍ଜ ଛତିରିୟା ,ମେଟାକାନୀ ପୀଠର ପରିଚାଳନା ସଭାପତି ଥିଲେ ବିହାରିଲାଲ୍ ମିଶ୍ର, ସ୍ଥାନୀୟ ସରପଞ୍ଚ ଦେବଦତ୍ତ ପର୍ଡିଆ, ଫରେଷ୍ଟର ଦିନେଶ ମାଝି ଉପସ୍ଥିତି ରହି ନିଜ ନିଜର ମତ ପ୍ରଦାନ୍ କରିଥିଲେ। ଏହି କାର୍ଯକ୍ରମ ପାଖା ପାଖି ୨୦୦ ସ୍ଵଚ୍ଛା ସେବୀ ଉପସ୍ଥିତ ରହି ପ୍ଲାଏ କାର୍ଡ ଧରି ବିଭିନ୍ନ ସ୍ଥାନ ରେ କରୁଥିବା ସ୍ଥାନକୁ ଯାଇ ପ୍ଲାଷ୍ଟିକ ଉପରେ ସଚେତନତା କରିବା ସହ ସଫେଇ କରାଯାଇଥିଲା। ବିଭିନ୍ନ ଯୁବ କବି ଉପସ୍ଥିତି ରହି କବିତା ମ।ଧ୍ୟମରେ ସଚେତନ କରିଥିଲେ। କବି ମଧ୍ୟରେ ଥିଲେ ରୋସନ୍ ସାହୁ, ରାକେଶ ବାଘ୍, କବିତା ରାଣୀ ଝ।ଙ୍କର। ଶେଷରେ ସମସ୍ତ ମଞ୍ଚାସିନ୍ ଅତିଥି ମାନଙ୍କୁ ମାନପତ୍ର ପ୍ରଦାନ କରାଯିବା ସହ ଶପଥ ପାଠ କରି ସଭା ସାଙ୍ଗ କରାଯାଇଥିଲା।