07-Nov-2025

କାଲିମେଳା(ସନ୍ତୋଷ କୁମାର ପଣ୍ଡା):ଭାରତୀୟ ଫ୍ଲାପ୍‌ ଶେଲ୍‌ କଇଁଛ ଅବୈଧ ପରିବହନ ସମ୍ପର୍କିତ ସୂଚନା ଆଧାରରେ, ମୋଟୁ ବନ ବିଭାଗ ଓ ରେଭେନ୍ୟୁ ବିଭାଗର ସଂଯୁକ୍ତ ଦଳ ଗଠନ କରାଯାଇଥିଲା। ସେହି ଦଳ ତୁରନ୍ତ କାର୍ଯ୍ୟରତ ହୋଇ କମାରଗୁଡା ଗ୍ରାମ ନଳାପୁଲ୍‌ ନିକଟରେ ଏକ ସନ୍ଦିଗ୍ଧ ମୋଟରସାଇକେଲ୍‌କୁ ଅଟକାଇଲେ।
ବିସ୍ତୃତ ପଛରିବା ପରେ ଜଣାପଡିଲା ଯେ ଅଭିଯୁକ୍ତମାନେ ଆନ୍ଧ୍ରପ୍ରଦେଶର ୱେମୁଲାରାଇ ନାମକ ସ୍ଥାନରୁ ଅଜଣା ବ୍ୟକ୍ତିଙ୍କଠାରୁ ବଞ୍ଚିତ ଫ୍ଲାପ୍‌ ଶେଲ୍‌ କଇଁଛ କିଣିଥିଲେ। ସେମାନେ ନୌକା ଯୋଗେ ଓଡ଼ିଶା ସୀମା ଅତିକ୍ରମ କରି କୁରସନପଲ୍ଲି ଘାଟ ପାର ହୋଇ (ଓଡ଼ିଶା) କମାରଗୁଡା ଦେଇ ଆସୁଥିଲେ ଏବଂ ଏହି କଇଁଛ ଗୁଡିକୁ ବ୍ୟବସାୟ  ଉଦ୍ଦେଶ୍ୟରେ ସେଗୁଡ଼ିକୁ ଆଣୁଥିଲେ। ସେମାନେ ରାତି ସମୟରେ କଇଁଛ ଗୁଡ଼ିକୁ ଏମ୍. ପି. ଭି-୪୭ ଗ୍ରାମ ପର୍ଯ୍ୟନ୍ତ ଅବୈଧଭାବେ ପରିବହନ କରିବା ପ୍ରସ୍ତୁତି କରିଥିଲେ l ଘାଟ ଅଞ୍ଚଳକୁ ପହଞ୍ଚି, ସେମାନେ ଦୁଇଟି ଗନି ବାଗ୍‌ (ବୋରି) ଭରିଥିବା କଇଁଛକୁ ମୋଟରସାଇକେଲ୍‌ ଉପରେ ଲୋଡ୍‌ କରି ଏମ୍.ପି.ଭି-୪୭ ଗ୍ରାମକୁ ଯାଉଥିଲେ।ଘଟଣାସ୍ଥଳରୁ ୫୧ଟି ଜୀବିତ ଭାରତୀୟ ଫ୍ଲାପ୍‌ ଶେଲ୍‌ କଇଁଛ ଜବତ କରାଯାଇଥିଲା। ତଦନ୍ତ ପରେ ଗୋଟିଏ ମଟରସାଇକେଲ ଓ ମୋବାଇଲ ଏବଂ ପ୍ରାୟ ୧୬୦ କିଲୋଗ୍ରାମ ଓଜନର ୨ଟି ଗନି ବାଗ୍‌ ଭରା କଇଁଛ ଜବତ କରାଯାଇଛି l
ଅଭିଯୁକ୍ତ ଦୁଇଜଣଙ୍କୁ ବନ୍ୟପ୍ରାଣୀ ସୁରକ୍ଷା ଅଧିନିୟମ ଉଲ୍ଲଂଘନ କରିଥିବା ଅଭିଯୋଗରେ ଗିରଫ କରାଯାଇ ମାନ୍ୟବର JMFC-79 ନ୍ୟାୟାଳୟକୁ ପଠାଯାଇଥିବା ବେଳେ ନ୍ୟାୟାଳୟ ଅଭିଯୁକ୍ତମାନଙ୍କ ଜାମିନ ଆବେଦନକୁ ଖାରଜ କରିଛନ୍ତି ଏବଂ ସେମାନେ ବର୍ତ୍ତମାନ କୋର୍ଟ ଚାଲାଣ କରାଯାଇଛି ।ଅଭିଯୁକ୍ତ ୨ଜଣ ହେଲେ ଏମ୍.ପି.ଭି-୪୭ ଗ୍ରାମର ସୁରଜ ମଣ୍ଡଳ ଓ ଅନ୍ୟ ଜଣେ ହେଲା ଏମ୍. ଭି-୮୧ଗ୍ରାମର ଜୟନ୍ତ ବାଛାଡ଼ ଏହି ୨ଅଭିଯୁକ୍ତ କୁ ଗିରଫ କରିବା ସହ କୋର୍ଟ ଚାଲାଣ କରାଯାଇଛି l