06-Nov-2025

ବିନିକା(ହିମାଂଶୁ ଶେଖର ପୁଟେଲ)ସହରର ବିକାଶ ପାଇଁ ସରକାର ଯୋଜନା ଉପରେ ଯୋଜନା ତିଆରି କରୁଛନ୍ତି।ସେଥିପାଇଁ ପ୍ରଚୁର ପରିମାଣରେ ଅନୁଦାନ ଯୋଗାଇ ଦେଉଛନ୍ତି।ହେଲେ ଖୋଦ ବିନିକା ବିଜ୍ଞାପିତ ଅଞ୍ଚଳ ପରିଷଦରେ ସେହି ବିଭାଗର କନିଷ୍ଟ ଯନ୍ତ୍ରୀ ନଥିବାରୁ ଆସିଥିବା ଅନୁଦାନ ବିନିଯୋଗ ହୋଇ ନପାରି ପଡ଼ି ରହିଛି।ଫଳରେ ସହରବାସୀ ଙ୍କ ଠାରେ ଘୋର ଅସନ୍ତୋଷ ପ୍ରକାଶ ପାଇଛି।ସୂଚନା ଯୋଗ୍ୟ ଯେ ମୁଖ୍ୟମନ୍ତ୍ରୀ ସହରୀ ବିକାଶ ଯୋଜନାରେ କୁଆଡେ ବିନିକା ଏନଏସିକୁ ପ୍ରାୟ ୨କୋଟି ଟଙ୍କା ଆସିଛି। ହେଲେ କାର୍ଯ୍ୟ ତଦାରକ ପାଇଁ କନିଷ୍ଠ ଯନ୍ତ୍ରୀ ନଥିବାରୁ ଉକ୍ତ ଟଙ୍କା ପଡ଼ି ରହିଛି ।ସେହିପରି ଜୁନିଅର ଆସିଷ୍ଟାଣ୍ଟ ପଦ ଖାଲି ରହିଛି ।ଦୀର୍ଘ ଦେଢ଼ ବର୍ଷ ପରେ ଉଧାରରେ ରେଭେନ୍ୟୁ ବିଭାଗରୁ ଆସି ଜୁନିଅର ଆସିଷ୍ଟାଣ୍ଟ କାର୍ଯ୍ୟ ତୁଲାଉଛନ୍ତି। ତେଣୁ ଶୀଘ୍ର ବିନିକା ଏନଏସିର ଉନ୍ନୟନକାର୍ଯ୍ୟକୁ ତ୍ଵରାନିତ କରିବା ଦିଗରେ ଉଚ୍ଚ ବିଭାଗ କର୍ତୁପକ୍ଷ ପଦକ୍ଷେପ ନେବା ସହିତ ଖାଲିଥିବା ପଦବୀ ପୂରଣ କରିବାକୁ ଦାବୀ ହେଉଛି।