17-Oct-2025

ନୂଆପଡ଼ା (ରାମନାଥ ପଣ୍ଡା)      ନୂଆପଡା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ଆଞ୍ଚଳିକ ସାଧନ କେନ୍ଦ୍ର ନିମନା ଆନୁକୂଲ୍ୟରେ ସ୍ଥାନୀୟ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ବୋଇରର୍ଗାଁ ପରିସର ମଧ୍ୟରେ  କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ ସୁରଭି ଅନୁଷ୍ଠିତ ହୋଇଯାଇଅଛି। ଏହି ଅବସରରେ ଆୟୋଜିତ ବିଭିନ୍ନ ପ୍ରତିଯୋଗିତା ଗୁଡିକରେ କ୍ଲଷ୍ଟର ଅନ୍ତର୍ଗତ ୧୨ଗୋଟି ବିଦ୍ୟାଳୟ ରୁ ୧୪୪ ଜଣ ଛାତ୍ରଛାତ୍ରୀ ଯୋଗଦାନ କରିଥିଲେ। ଅନୁଷ୍ଟିତ ସୁରଭି କାର୍ଯ୍ୟକ୍ରମରେ ନୀମନା ଆଞ୍ଚଳିକ ସାଧନା କେନ୍ଦ୍ରର ସଂଯୋଜକ ରିଖୀ ରାମ ଜଗତଙ୍କ ସଭାପତିତ୍ବରେ ବୋଡ଼େନ ଗୋଷ୍ଠୀ ଶିକ୍ଷା ଅଧିକାରୀ ରୁଦ୍ରେଶ୍ଵର୍ ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବେ  ଆଶିଷ କୁମାର ଠାକୁର ବ୍ରାଞ୍ଚ ମ୍ୟାନେଜର ବୋଇରଗାଁ କାନାରା ବ୍ୟାଙ୍କ ମଞ୍ଚାଷୀନ ଥିଲେ ,ସମ୍ମାନିତ ଅତିଥି ଭାବରେ ନୀମନା ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଦେବାଧିଶ୍ୱର ପାଣ୍ଡେ , କରଙ୍ଗାମାଳ ସାଧନାକେନ୍ଦ୍ର ସଂଯୋଜକ ଅମର ଭୋଇ, ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ବୋଇରର୍ଗାଁ ପ୍ରଧାନ ଶିକ୍ଷକ  ପରଦେଶୀ ଦୁରିଆ , ପ୍ରଧାନ ଶିକ୍ଷକ ବୋଇରଗାଁ ହାଇ ସ୍କୁଲ ଦେବେନ୍ଦ୍ର ରଣା , ହିନ୍ଦି ଶିକ୍ଷକ କାଶୀ ରାମ ଦଣ୍ଡସେନା ପ୍ରମୁଖ ଉପସ୍ଥିତ ରହି ମଞ୍ଚାସିନ ଥିଲେ । ବଇରଗାଁ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର  ପ୍ରଧାନ ଶିକ୍ଷକ ପରଦେଶୀ ଦୂରିଆ  ମଞ୍ଚ ପରିଚାଳନା ଓ ଧନ୍ୟବାଦ ଅର୍ପଣ କରିଥିଲେ।ସମସ୍ତ ମଞ୍ଚଶୀନ ଅତିଥିଗଣ ଶିଶୁକଳା ସୁରଭି -୨୦୨୫  କାର୍ଯ୍ୟକ୍ରମର ଆଭିମୁଖ୍ୟ ପରିପ୍ରକାଶ କରିବା ସହିତ ବିଭିନ୍ନ ପ୍ରତିଯୋଗିତାରେ କୃତି ପ୍ରତିଯୋଗୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ। ପରିଶେଷରେ ପ୍ରତ୍ୟେକ ବିଦ୍ୟାଳୟର ଛାତ୍ର ଛାତ୍ରୀଙ୍କ ଏକକ ଓ ଦଳଗତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଉକ୍ତ ସାଂସ୍କୃତିକ କାର୍ଯ୍ୟକ୍ରମ ରେ ଶିଶୁ କଳାକାର ମାନଙ୍କ ଦ୍ଵାରା ପରିବେଷଣ ନୃତ୍ୟ ସମସ୍ତ ଦର୍ଶକ ଙ୍କୁ  ଆକର୍ଷିତ କରିଥିଲା। ଏହି କାର୍ଯ୍ୟକ୍ରମରେ ନୀମନା କ୍ଲଷ୍ଟର ଅନ୍ତର୍ଗତ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ପୂର୍ଣ୍ଣ ସହଯୋଗ କରିଥିଲେ।