16-Oct-2025

ବରପାଲି( ସୁଦାମ ଦୀପ)
 ଓଡ଼ିଶା ୧୯ ବର୍ଷ ରୁ କମ ମହିଳା ସଟ ବଲ ଖେଳାଳି ଚୟନ ବରଗଡ ଜିଲ୍ଲା ବରପାଲି ଠାରେ ଅନୁଷ୍ଠିତ ହୋଇଯାଇଅଛି।
ଗତ ୧୨ ତାରିଖରୁ ୧୫ ତାରିଖ ଯାଏଁ ଏହି ଚୟନ ପ୍ରକ୍ରିୟା କାର୍ଯକ୍ରମ ଅନୁଷ୍ଟିତ ହୋଇଥିଲା । ଏହି ଖେଳାଳି ଚୟନ ରେ ରାଜ୍ୟ ର ବିଭିନ୍ନ ଅଞ୍ଚଳ ରୁ ଶତାଧିକ ମହିଳା ଯୋଗ ଦେଇଥିଲେ। ଏହି ଖେଳାଳି  ଚୟନ ରେ ମନୋନୀତ ହୋଇଥିବା ଖେଳାଳି ଆସନ୍ତା ୨୮ ତାରିଖ ଦିନ ବିହାର ଖେଳିବାକୁ ଯିବେ । ଏହି ଚୟନ ପ୍ରକ୍ରିୟା କାର୍ଯକ୍ରମ ଓଡ଼ିଶା ଗୋଲ୍ ବଲ୍ ଆସୋସିଏସନ୍ ଓ ବରପାଲି ର ସ୍ବାମୀ ବିବେକାନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟ ତଥା ସ୍ବାମୀ ବିବେକାନନ୍ଦ ଇନଷ୍ଟିଚ୍ୟୁଟ ଅଫ ହେଲଥ ସାଇନ୍ସ ଅନୁଷ୍ଠାନ ଆନୁକୁଲ୍ୟ ରେ ଅନୁଷ୍ଠିତ ହୋଇଥିଲା । ଏହାର ଉଦଯାପନୀ ଉତ୍ସବରେ ସ୍ୱାମୀ ବିବେକାନନ୍ଦ ଉଚ୍ଚ ମାଧ୍ୟମିକ ବିଦ୍ୟାଳୟ ର ପ୍ରଫେସର ସୁନାକର ଖଟୁଆ , ପ୍ରଫେସର ଏମ ଡି ଆକ୍ରମ୍ ଯୋଗ ଦେଇ କୃତି ପ୍ରତିଯୋଗୀ ଙ୍କୁ ମାନପତ୍ର ପ୍ରଦାନ କରିଥିଲେ। ଏହି ଅବସରରେ ଉକ୍ତ ଅନୁଷ୍ଠାନ ର କେତେକ ପ୍ରତିଯୋଗୀ ଏହି ଖେଳ ରେ ଯୋଗ ଦେବା ପାଇଁ ପୁଡୁଚେରି ରେ ଭାଗ ନେଇଥିବା ପ୍ରତିଯୋଗୀ ଙ୍କୁ ମଧ୍ୟ ମାନପତ୍ର ଦେଇ ସମ୍ମାନିତ କରାଯାଇଥିଲା। ଏହି ସମସ୍ତ କାର୍ଯକ୍ରମ ରେ ମନିଶ ସରାଫ, ସୌମ୍ୟ ରଂଜନ ବେହେରାଙ୍କ ସମେତ ଅନୁଷ୍ଠାନ ର ବହୁ ସଭ୍ୟ ସହଯୋଗ କରିଥିଲେ।