16-Oct-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲାପାଳ ଡ଼ ନୃପରାଜ ସାହୁ ଜଳଛାୟା ପ୍ରକଳ୍ପ କାର୍ଯ୍ୟାଳୟ କୁ ଅଚାନକ ପରିଦର୍ଶନ କରିଥିଲେ l ସେହି ସମୟରେ କାର୍ଯ୍ୟଳୟ ର ବରିଷ୍ଠ କିରାଣୀ କାଳୁ ଚରଣ ମିର୍ଦ୍ଧା ଟେବୁଲ ଉପରେ ଗୋଡ ରଖି ବସିଥିବା ଦେଖି ତାଙ୍କ ପାଖକୁ ଯାଇଥିଲେ l ଦେଖିଲା ବେଳକୁ କାଳୁ ସଂପୂର୍ଣ୍ଣ ନିଶାସକ୍ତ ଅବସ୍ଥାରେ ଥିବା ହେତୁ ମଦ ନିଶାର ଗନ୍ଧ ଯାଞ୍ଚ କରିବା ସହ ତୁରନ୍ତ ସେଠାରେ ହିଁ ଜିଲ୍ଲାପାଳ କାଳୁ କୁ ଜଳଛାୟା ପ୍ରକଳ୍ପ ର ନିର୍ବାହୀ ଯନ୍ତ୍ରୀ ଅରୁଣ ଚୌଧୁରୀ ଙ୍କ ଉପସ୍ଥିତିରେ ନିଲମ୍ବନ ଆଦେଶ ପ୍ରଦାନ କରିଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି l ଆଜି ସଦର ମହକୁମାର ନୁଆ ମେଡ଼ିକାଲ କୁ ମଧ୍ୟ ପରିଦର୍ଶନ କରି ଡାକ୍ତର ଓ କର୍ମଚାରୀ ଙ୍କ ସେବା କାର୍ଯ୍ଯ ଓ ସ୍ବଚ୍ଛତା, ସୁରକ୍ଷା ର ସ୍ଥିତି ପରଖିଥିଲେ ଜିଲ୍ଲାପାଳ l ପୂର୍ବରୁ ମଧ୍ୟ ଜିଲ୍ଲାପାଳ ଶ୍ରୀ ସାହୁ ସୁବର୍ଣ୍ଣପୁର ର ଏହି ନୁଆ ମେଡ଼ିକାଲ କୁ ଅଚାନକ ପରିଦର୍ଶନ କରି ସାଧରଣ ମଣିଷ ଭଳି ଚାଲି ଚାଲି ଚାଲି ପହଞ୍ଚି ଥିଲେ l ଓ ରୋଗୀ ଙ୍କ ସହ ଧାଡି ରେ ଛିଡ଼ା ହୋଇ ସ୍ୱାସ୍ଥ୍ୟ ପରୀକ୍ଷା କରି ଥିଲେ l ଡିଉଟି ରେ ଥିବା ଜଣେ ଡାକ୍ତର ଙ୍କ ଅନୁପସ୍ଥିତି କଥା ଜାଣି ତୁରନ୍ତ ଫୋନ ଜରିଆରେ ଡାକ୍ତର ଓ ମୁଖ୍ୟ ଚିକିତ୍ସାଧିକାରୀ ଙ୍କୁ  ଆଗକୁ ଏ ଭୁଲ ନ ହେବାକୁ ତାଗିଦ୍ କରିଥିଲେ l ବିଭିନ୍ନ ସ୍କୁଲ୍ କଲେଜ୍ କୁ ଅଚାନକ ପରିଦର୍ଶନ କରି ସିଧା କ୍ଲାସ ରୁମ୍ କୁ ପହଞ୍ଚି ପିଲା ଙ୍କୁ ନିଜେ ପାଠ ପଢ଼ାଉଥିବା ଓ ଡ଼ିଉଟି ରେ ଖିଲାପ କରୁଥିବା ଶିକ୍ଷକ ଶିକ୍ଷୟତ୍ରୀ ଙ୍କୁ କାରଣ ଦର୍ଶାଅ ନୋଟିସ୍ ଜାରି କରୁ ଥିବା ଦେଖିବାକୁ ମିଳିଛି l ମୁଁ ଭି ଆଇ ପି ଗାଡ଼ି ରେ ନୁହେଁ ସ୍କୁଟି ରେ ଆସିବି ସିଧା କ୍ଲାସ ରୁମ୍ ରେ ପହଞ୍ଚି ପାଠ ପଢ଼ାଇବି ବୋଲି ଗତ ମାସ ମହାରାଜା ହାଇସ୍କୁଲ ରେ ବି କହିଛନ୍ତି ଜିଲ୍ଲାପାଳ l ଆଜିର ଏ ନିଲମ୍ବନ ଖବର ପହଞ୍ଚିବା ପରେ ଜିଲ୍ଲା ର ସମସ୍ତ ସରକାରୀ କାର୍ଯ୍ୟାଳୟ ରେ ଅଫିସର ଓ କର୍ମଚାରୀ ଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇ ଥିବା ଜଣା ପଡ଼ିଛି l