11-Oct-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଉମା ଉନ୍ନିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଭାରପ୍ରାପ୍ତ ଅଧ୍ୟକ୍ଷ କଷ୍ଟେଶ୍ଵର ଭୋଇଙ୍କ  ସଭାପତିତ୍ୱରେ ନବାଗତ ପ୍ରଥମ ବର୍ଷର ଛାତ୍ରଛାତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା ପାଇଁ ଏକ ସ୍ୱାଗତ ସମାରୋହ  ଅନୁଷ୍ଠିତ ହୋଇଯାଇଛି। ଉକ୍ତ ସ୍ୱାଗତ ସମାରୋହ ଉତ୍ସବରେ କଣ୍ଟାମାଳ ବିଧାୟକ କହ୍ନେଇଁ ଚରଣ ଡାଙ୍ଗ ମୁଖ୍ୟଅତିଥି, ବୌଦ୍ଧ ଜିଲ୍ଲା ଶିକ୍ଷକ ସଂଘର

ସଭାପତି ନିଳାଞ୍ଚଳ ଭୋଇ ମୁଖ୍ୟବକ୍ତା ଓ ସମ୍ମାନୀତ ଅତିଥିଭାବେ ଘଣ୍ଟାପଡ଼ାଜୋନର ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ସୁମିତ୍ରା ସାହୁ, ସ୍ଥାନୀୟ ସରପଞ୍ଚ ଦୌଲଥ ପାଣ୍ଡେ,ବରିଷ୍ଠ ନାଗରିକ ଗୁଞ୍ଜୁରୁ ସୁନା , ଆଦିବାସୀ ନେତା ସତ୍ୟନାରାୟଣ ମାଝୀ, ପୂର୍ବତନ ଘଣ୍ଟାପଡ଼ା ମଣ୍ଡଳ ବିଜେପି  ସଭାପତି ପିନାକଧର ରଣା, କଣ୍ଟାମାଳ ପୂର୍ବତନ ମଣ୍ଡଳ ସଭାପତି ଅନିଲ ପ୍ରଧାନ,ପୂର୍ବତନ ଛାତ୍ରନେତା ସୁନିଲ ରଣା ଓ ଖବରଦାତା ପ୍ରଭାତ କୁମାର ସାହୁ ପ୍ରମୁଖ ଉପସ୍ଥିତ ରହି ଶିକ୍ଷାର ବିକାଶ ନିମନ୍ତେ ଓଡ଼ିଶା ସରକାର ହାଇସ୍କୁଲରେ ଦ୍ଵାଦଶ ଶ୍ରେଣୀ ଖୋଲିବା ଓ ତାର ପ୍ରଥମ ପ୍ରତିଷ୍ଠା ପାଇଁ ଓଡ଼ିଶାର ମୁଖ୍ୟମନ୍ତ୍ରୀ ଓ ଉପସ୍ଥିତ ବିଧାୟକଙ୍କୁ କୃତଜ୍ଞତା ସହ ନବାଗତଙ୍କୁ ବିଦ୍ୟାଳୟରେ ଭାଇଚାରାର ସଂପର୍କ ନେଇ ବକ୍ତା ମାନେ ବକ୍ତବ୍ୟ ରଖିଥିଲେ। ପୂର୍ବ ଛାତ୍ର ସୁନିଲ ରଣା ଧନ୍ୟବାଦ

ପ୍ରଦାନ କରିଥିଲେ । ଏହିଅବସରରେ ନବାଗତଙ୍କୁ ଉତ୍ସାହିତ କରିବାପାଇଁ ନାଚ, ଗୀତ, କମେଡ଼ି ଆଦି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ଏଥିରେ ବରିଷ୍ଠ ଶିକ୍ଷକ କ୍ରିଷ୍ଣାଚନ୍ଦ୍ର ପ୍ରଧାନ ଅଜିତ କୁମାର ବିଶି, ଶୁଭସ୍ମିତାପାତ୍ର, ଅଙ୍କିତା ମଲିକ, ମାନସୀ ରାଣୀ ମଲିକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରି ଥିବାବେଳେ ପୂର୍ବତନ ଛାତ୍ର ଉପସ୍ଥିତ ରହି ସହଯୋଗ କରି ଥିଲେ।