05-Oct-2025

ରେଙ୍ଗାଲିକ୍ୟାମ୍ପ(ଆକାଶ ମିଶ୍ର): ଅତାବିରା ରେ କଳାକାର ମାନଙ୍କର ପରିଚୟ ସୃଷ୍ଟି କରିଛି  ଅତାବିରା ଦୁର୍ଗାପୂଜା କମିଟି ।କଳାକାର ମାନଙ୍କୁ ସାଉଁଟିବା ପାଇଁ ନାଚ ଗୀତରେ  ଦୁଲୁକିଲା ମଞ୍ଚ । କମିଟି ପକ୍ଷରୁ ୪ ଦିନ ଧରି  ବିଭିନ୍ନ ପ୍ରକାର ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ମଞ୍ଚରେ  ମିସ ଓଡ଼ିଶା  ଓ ଫେଶନ ଡିଜାଇନର ପଳଚିନ  ଭୋଇ  ଯୋଗ ଦେଇ  ସମ୍ବଲପୁରୀ ଫେସନ୍ ସୋ ଓ  ନୃତ୍ୟ ପ୍ରତିଯୋଗିତାକୁ  ସଫଳତାର ଶୀର୍ଷରେ ପହଞ୍ଚାଇଥିଲେ । ମାଁ  ଙ୍କ ଉପରେ  ଆଧାରିତ  ଚିତ୍ରକଳା, ରଙ୍ଗୋଲି ଓ  ଚିତ୍ରାଙ୍କନ ପ୍ରତିଯୋଗିତା  ରେ କୁନି କୁନି  ପିଲା ମାନେ  ଅଂଶଗ୍ରହଣ କରି  ତାଙ୍କର କଳାକୃତି ପ୍ରଦର୍ଶନ କରିଥିଲେ। ଦ୍ଵିତୀୟ ଦିବସରେ  'ଶଲାବୁଢ଼ା'  ଚଳଚ୍ଚିତ୍ର ର କଳାକାର ସଂଯୁକ୍ତା  ଷଡ଼ଙ୍ଗୀ ମିଶ୍ର, ସମ୍ବଲପୁର ଲୋକ ମହୋତ୍ସବ ର ସଂଯୋଜକ  ତପନ ମିଶ୍ର  , ହାସ୍ୟ କବି ଲଳିତ ବାରିକ୍,  ସମ୍ବଲପୁରୀ ଆଲବମ ତଥା ହାସ୍ୟ କଳାକାର ଛବିଳ ପ୍ରଧାନ, ପର୍ବତା ରୋହି ଆଶୀର୍ବାଦ ମହାପାତ୍ର  ପ୍ରୁଖ ଯୋଗ ଦେଇ  ପ୍ରତିଯୋଗୀ ମାନଙ୍କୁ ଉତ୍ସାହିତ କରିବା ସହ ଦର୍ଶକ ମାନଙ୍କୁ ମୁଗ୍ଧ କରିଥିଲେ । ବିଭିନ୍ନ  ସାଂସ୍କୃତିକ କାର୍ଯ୍ୟକ୍ରମରେ  କୃତି  ହୋଇଥିବା ୧୫୦ ରୁ ଉର୍ଦ୍ଧ ପ୍ରତିଯୋଗୀ ମାନଙ୍କୁ ଅତିଥି ମାନେ ମାନ ପତ୍ର , ଉପଢୌକନ ଦେଇ  ସମ୍ବର୍ଦ୍ଧିତ କରିଥିଲେ । ସମସ୍ତ ସେଲିବ୍ରିଟି ମାନଙ୍କୁ  ମଧ୍ୟ ସମ୍ବର୍ଦ୍ଧିତ କରାଯାଇଥିଲା ଏହି ମଞ୍ଚରେ । ବିଭିନ୍ନ କ୍ଷେତ୍ରରେ  ଅଞ୍ଚଳରେ ପାରଦର୍ଶିତା କରିଥିବା ୧୦ ଜଣ   ସମାଜ ସେବୀ,ଶିକ୍ଷାବିତ୍, ବିଭିନ୍ନ ଅନୁଷ୍ଠାନ ବ୍ୟତୀତ  ନିକଟ ଅତୀତରେ ସହିଦ ହୋଇଥିବା ଗୋଡଭଗା  ଗ୍ରାମର   ସହିଦ ଙ୍କ ଧର୍ମ ପତ୍ନୀ ତପସ୍ଵିନୀ ମହାପାତ୍ର ଙ୍କୁ  ଉପଢୌକନ, ମାନପତ୍ର  ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ପୂଜା ମହୋତ୍ସବକୁ  ଗୋପୀନାଥ ନାୟାର, ସଂଯୁକ୍ତା ମିଶ୍ର, ସନ୍ଧ୍ୟା ବାଗ, ଅରୁଣ ବାରିକ୍ ଓ ରବି ଥପା  କାର୍ଯ୍ୟକ୍ରମ କୁ ପରିଚାଳନା କରିଥିଲେ କମିଟିର ସମସ୍ତ କର୍ମକର୍ତ୍ତା ସକ୍ରିୟ ସହଯୋଗ କରିଥିଲେ ।ପ୍ରତି ଦିନ  ଭକ୍ତ ଙ୍କ ପାଇଁ ଅନ୍ନ ଭୋଗ ବ୍ୟବସ୍ଥା ସହ ସନ୍ଧ୍ୟା ଆରତୀ ଭୋଗ ବଣ୍ଟା ଯାଇଥିଲା ।  ନନ୍ଦୀ କିଶୋର ପ୍ରଧାନ ଓ ଧର୍ମପତ୍ନୀ ଲଳିତା ପ୍ରଧାନ କର୍ତ୍ତା ଦାୟିତ୍ଵ ନିର୍ବାହ କରିଥିବା ବେଳେ  ପଣ୍ଡିତ ସଞ୍ଜୟ ଦାଶ ପୂଜା କାର୍ଯ୍ୟ ତୁଲାଇଥିଲେ ।