04-Oct-2025

କଣ୍ଟାମାଳ(ଜୟ କୁମାର ମହାରଣା): କଣ୍ଟାମାଳ ବ୍ଲକ ଛକ ଦୁର୍ଗାପୂଜା କମିଟି ପକ୍ଷରୁ ଆୟୋଜିତ ଶାରଦୀୟ ଦୁର୍ଗାପୂଜା ୩୭ବର୍ଷ ପୂର୍ତ୍ତି ଅବସରରେ ଅଷ୍ଟପ୍ରହରୀ ନାମ ଯଜ୍ଞ ଆୟୋଜନ ହୋଇଛି  l  ବ୍ଲକ ଛକ ଜୀବନ ଜ୍ୟୋତି ସାଂସ୍କୃତିକ ପରିଷଦ କର୍ମକର୍ତ୍ତା ଙ୍କ ଦ୍ୱାରା ଦୁର୍ଗାପୂଜା ମଣ୍ଡପଠାରେ ଶୁକ୍ରବାର ସକାଳ ୯ଟା ଠାରୁ  ଅଷ୍ଟପ୍ରହର ନାମ ଯଜ୍ଞ ଆରମ୍ଭ ହୋଇଯାଇଛି ।

ଶନିବାର ନାମ ଯଜ୍ଞ ସକାଳ ୯ଘ.ରେ ପୂର୍ଣ୍ଣାହୁତି ହେବ l  ଉକ୍ତ ନାମ ଯଜ୍ଞରେ ବିଭିନ୍ନ ସ୍ଥାନରୁ ୧୨ଟି ମହିଳା ଓ ପୁରୁଷ ସଂକୀର୍ତ୍ତନ ଦଳ ହରିନାମ ନେଇଥିଲେ। ପୂଜା କାର୍ଯ୍ୟରେ ସାନୁଜିତ ନନ୍ଦ ଓ ପଦ୍ମନାଭ ମିଶ୍ର ପୌରୋହିତ୍ୟ କରିଥିବା ବେଳେ  ଭୀମସେନ ସ୍ୱାଇଁ ସପତ୍ନୀକ  କର୍ତ୍ତା ଦାୟିତ୍ୱ ତୁଲାଇ ଥିଲେ । ସନ୍ଧ୍ୟାରୁ ବିଳମ୍ବିତ ରାତି ପର୍ଯ୍ୟନ୍ତ ନାମଯଜ୍ଞରେ ଭକ୍ତ ଓ ଶ୍ରଦ୍ଧାଳୁ ଙ୍କ ସମାଗମ ଦେଖିବାକୁ ମିଳିଛି  l ଭକ୍ତ ଓ ଶ୍ରଦ୍ଧାଳୁଙ୍କ ଗହଳିରେ ଚଳଚଞ୍ଚଳ ହୋଇଛି ସମଗ୍ର କଣ୍ଟାମାଳ ବ୍ଲକ ଅଞ୍ଚଳ l